ചില ആളുകള്‍ ഞാന്‍ അഹങ്കാരിയാണെന്ന് വരെ പ്രചരിപ്പിച്ചു! വെളിപ്പെടുത്തലുമായി നവ്യാ നായര്‍

നവ്യ അഭിനയിക്കുന്ന പുതിയ ചിത്രത്തിന്റെ ഷൂട്ടിംഗ് നിലവില്‍ പുരോഗമിച്ചു കൊണ്ടിരിക്കുകയാണ്. ഇതിനിടെ മുന്‍പ് നടത്തിയ ഒരു പരാമര്‍ശത്തിന്റെ പേരില്‍ താന്‍ അഹങ്കാരിയാണെന്ന് എന്നു വരെ ചിലര്‍ പ്രചരിപ്പിച്ചതായി ഒരഭിമുഖത്തില്‍ നവ്യ തുറന്നുപറഞ്ഞിരുന്നു. വനിതയ്ക്ക് നല്‍കിയ അഭിമുഖത്തിലായിരുന്നു നവ്യ ഇക്കാര്യം പറഞ്ഞത്.

ഒരിടവേളയ്ക്ക് ശേഷം വികെ പ്രകാശ് സംവിധാനം ചെയ്യുന്ന ഒരുത്തീ എന്ന ചിത്രത്തിലൂടെയാണ് നവ്യ മലയാളത്തിലേക്ക് തിരിച്ചെത്തുന്നത്. സിനിമയുടെ ഫസ്റ്റ്‌ലുക്ക് പോസ്റ്റര്‍ അടുത്തിടെ സമൂഹ മാധ്യമങ്ങളില്‍ തരംഗമായിരുന്നു. ഒരു സ്ത്രീ കേന്ദ്രീകൃത സിനിമയാണ് ഒരുത്തിയെന്ന് അടുത്തിടെ നവ്യ തന്നെ വ്യക്തമാക്കിയിരുന്നു. മെഗാസ്റ്റാര്‍ മമ്മൂട്ടിയും മഞ്ജു വാര്യരും ചേര്‍ന്നാണ് സിനിമയുടെ ആദ്യ പോസ്റ്റര്‍ പുറത്തുവിട്ടത്.

സിനിമകളില്‍ അത്ര സജീവമല്ലാത്ത സമയത്ത് ടെലിവിഷന്‍ ഷോകളിലൂടെയും നവ്യ എത്തിയിരുന്നു. ജനപ്രിയ പരിപാടികളിലാണ് നടിയെ പ്രേക്ഷകര്‍ കണ്ടത്. നവ്യയുടെതായി പുറത്തിറങ്ങാറുളള മിക്ക ചിത്രങ്ങളും സോഷ്യല്‍ മീഡിയയില്‍ വൈറലാകാറുണ്ട്. മുന്‍പ് താന്‍ അഹങ്കാരിയാണെന്ന് പ്രചരിച്ച കാര്യമാണ് അഭിമുഖത്തില്‍ നവ്യ വെളിപ്പെടുത്തിയത്.

"പല പ്രശ്‌നങ്ങളിലും അഭിപ്രായം തുറന്ന് പറയുന്ന നടിമാര്‍ വിമര്‍ശിക്കപ്പെടുന്നത് കാണുമ്പോള്‍ ഓര്‍ക്കാറുണ്ട്. പണ്ട് ഞാനും ഈ സിറ്റുവേഷന്‍ അഭിമുഖീകരിച്ചിട്ടുണ്ടല്ലോ എന്ന്. അന്ന് സോഷ്യല്‍ മീഡിയ ഇത്രയും സജീവമല്ലാതിരുന്നത് കൊണ്ടു പലതും കത്തിക്കയറിയില്ല എന്ന് മാത്രം. നവ്യ പറയുന്നു. ഒരു സ്വകാര്യ ചാനല്‍ ഷോയില്‍ ഭക്ഷണം പാകം ചെയ്യാന്‍ അറിയുന്ന സ്ത്രീ മാത്രമേ നല്ല കുടുംബിനിയാകൂ എന്നു വിശ്വസിക്കുന്നില്ല എന്ന് പറഞ്ഞത് വല്ല ചര്‍ച്ചയായി.

ഞാന്‍ അഹങ്കാരിയാണെന്നൊക്കെ പ്രചരിച്ചു. പക്ഷേ ഇപ്പോഴും എന്റെ അഭിപ്രായം അതാണ്. നന്നായി ഭക്ഷണം ഉണ്ടാക്കുന്ന സ്ത്രീ മാത്രമാണ് നല്ല കുടുംബിനി എന്നത് ശുദ്ധ അസംബദ്ധമാണ്. ഇന്നത്തെ കുട്ടികള്‍ ഇഷ്ടമില്ലാത്തത് തുറന്നുപറയുന്നതില്‍ എന്താണ് തെറ്റ്. പക്ഷേ ഏതു സംഘടനയായാലും സത്യത്തിന്റയൊപ്പമായിരിക്കണം. പ്രശ്‌നങ്ങള്‍ ഉണ്ടാക്കാനാകരുത്. പ്രശ്‌നങ്ങളുളളപ്പോള്‍ സമാധാനമുണ്ടാക്കാനാണ് സംഘടനകളുണ്ടാകേണ്ടത്. അഭിമുഖത്തില്‍ നവ്യ വ്യക്തമാക്കി.