അതിന് നീ പെണ്ണല്ലേ, ജീവിതം മാറ്റി മാറ്റിമറിച്ചത് മമ്മൂക്ക, വെളിപ്പെടുത്തി നസീർ സംക്രാന്തി

പോത്തൻ വാവയുടെ ള ഷൂട്ടിങ്ങ് ആലപ്പുഴയിൽ നടക്കുന്നതിനിടെയാണ് ആദ്യമായി മമ്മൂക്കയെ കാണുന്നത്. നാടെങ്ങും മൈ ട്രീ ചാലഞ്ച് പോലുള്ള പരിപാടി നടക്കുകയായിരുന്നു. അന്ന് മമ്മൂക്ക താമസിച്ചിരുന്ന അതേ ഹോട്ടലിലായിരുന്നു ഞങ്ങൾ റിഹേഴ്സലിനായി നൽകിയത്. ഷാജോണിനെ നേരത്തെ തന്നെ അദ്ദേഹത്തിന് അറിയാരുന്നു. അവന്റെ കൂടെയാണ് മമ്മൂക്കയെ കാണാൻ ആദ്യമായി പോയത്

മമ്മൂക്കയാണ് മനസ്സിൽ സിനിമ മോഹത്തിന്റെ വിത്ത് പാകിയത്. അന്ന് അദ്ദേഹത്തെ കണ്ടപ്പോൾ സ്വയം പരിചയപ്പെടുത്തി. മമ്മൂക്കയുടെ ചോദ്യം ഒപ്പമുളളവർ സിനിമയിൽ എത്തിയില്ലേ. നിനക്കും സിനിമയിൽ അഭിനയിക്കേണ്ടേ?. വേണം എന്ന് പറഞ്ഞപ്പോൾ തന്നെ അദ്ദേഹത്തിൽ നിന്ന് ോ അടുത്ത ചോദ്യമെത്തി.

അതിന് നിന്നെ ആർക്കും അറിയില്ലല്ലോ. നീ പെണ്ണല്ലേ എന്നായിരുന്നു അദ്ദേഹത്തിന്റെ മറുപടി. ഇനി പെൺവേഷം കെട്ടുന്നത് നിർത്തണം. ഇനി മേലിൽ അതുപോലുളള സ്കിറ്റുകൾ കളിക്കരുതെന്നും മമ്മൂക്ക തന്നേട് പറഞ്ഞു. അത് പൂർണ്ണമായി അനുസരിക്കാൻ സാധിച്ചില്ലെങ്കിലും ഒഴിവാക്കാൻ പറ്റാവുന്ന സ്ത്രീ വേഷങ്ങൾ ഒഴിവാക്കുകയായിരുന്നു.

സിനിമകളിൽ അദ്ദേഹം അവസരം നൽകുകയായിരുന്നു. കൂടാതെ മറ്റുള്ള ചിത്രങ്ങളിലേയ്ക്ക് ശുപാര്ഡശ ചെയ്യുകയും ചെയ്തു. സിനിമയിൽ ഏറ്റവും കൂടുതൽ തന്നെ പിന്തുണച്ചത് മമ്മൂക്കയായിരുന്നു. ഇപ്പോഴും അങ്ങനെ തന്നെയാണ്. മമ്മൂക്കയുടെ ശുപാർശയുലാണ് ഉട്ടോപ്യയിലെ രാജാവിലും മറ്റും പ്രാധാന്യമുള്ള റോളുകള്‍ കിട്ടിയത്. ഏറ്റവും അവസാനമായി തോപ്പിൽ ജോപ്പനിൽ വരെ അവസരം വാങ്ങി തന്നത് അദ്ദഹേമാണ്.