ഇനി ഫഹദിന്റെ ഏറ്റവും വലിയ ചിന്ത ഇതായിരിക്കും! ചിത്രം സഹിതം തെളിവ് പുറത്ത് വിട്ട് നസ്രിയ നസീം

എന്തോ ആലോചിച്ച് കൊണ്ടിരിക്കുന്ന ഫഹദിന്റെ ചിത്രമായിരുന്നു നസ്രിയ പങ്കുവെച്ചത്. എന്ത് കൊണ്ടാണ് ഈ വര്‍ഷം ഡിസംബര്‍ ഇത്രയും പെട്ടെന്ന് വന്നതെന്ന് ആശ്ചര്യപ്പെടുന്ന എന്റെ ഭര്‍ത്താവ് എന്ന ക്യാപ്ഷനോടെയാണ് നസ്രിയ ചിത്രം പങ്കുവെച്ചത്. എന്നാല്‍ ഫഹദിന്റെ ആശയ കുഴപ്പത്തിന് പിന്നിലെ കാരണം ഹാഷ് ടാഗിലൂടെ നസ്രിയ സൂചിപ്പിച്ചിരിക്കുകയാണ്. ഡിസംബറിലാണ് നസ്രിയയുടെ ജന്മദിനം.

ഡിസംബര്‍ 20 നാണ് നസ്രിയയുടെ ജന്മദിനം. തനിക്ക് ജന്മദിന സര്‍പ്രൈസ് നല്‍കുന്നതില്‍ നിന്നും എങ്ങനെ രക്ഷപ്പെടാമെന്ന് ഫഹദ് ചിന്തിക്കുകയാണെന്നാണ് നസ്രിയ തമാശ രൂപേണ പറഞ്ഞിരിക്കുന്നത്. നസ്രിയയുടെ പോസ്റ്റിന് താഴെ സിനിമാ താരങ്ങളും ആരാധകരുമടക്കം നിരവധി പേരാണ് കമന്റുകളുമായി എത്തിയിരിക്കുന്നത്. അതേ സമയം നസ്രിയയുടെ പിറന്നാള്‍ ആഘോഷിക്കുന്നത് എങ്ങനെയാണെന്ന് അറിയാന്‍ വേണ്ടി കാത്തിരിക്കുകയാണെന്നും ചിലര്‍ കമന്റ് ചെയ്തു.

ഇതിനും തൊട്ട് മുന്‍പ് നസ്രിയയുടെ അടുത്ത സുഹൃത്തും ദുല്‍ഖര്‍ സല്‍മാന്റെ ഭാര്യയുമായ അമാല്‍ സൂഫിയയ്ക്കുമൊപ്പമുള്ള ചിത്രങ്ങളായിരുന്നു നസ്രിയ പങ്കുവെച്ചത്. താന്‍ അവളെ ഒരുപാട് മിസ് ചെയ്യുന്നുണ്ടെന്നും എന്റെ സുന്ദരിയായ സഹോദരിയാണെന്നും സൂചിപ്പിച്ചിരുന്നു. ഫോട്ടോയ്ക്ക് താഴെ റൗഡികള്‍ എന്ന് വിശേഷിപ്പിച്ച് കൊണ്ട് ദുല്‍ഖര്‍ സല്‍മാനും എത്തിയിരുന്നു. ദുല്‍ഖറിന്റെ കുടുംബവുമായി അടുത്ത സൗഹൃദമാണുള്ളത്. കുഞ്ഞി എന്നാണ് നസ്രിയയെ ദുല്‍ഖര്‍ വിളിക്കുന്നത്. മെഗാസ്റ്റാറിന്റെ കുടുംബത്തിലെ വിശേഷങ്ങള്‍ക്കെല്ലാം നസ്രിയയും എത്താറുണ്ട്.

വിവാഹം നാളെ, ഉപ്പുംമുളകിലെയും ലെച്ചുവിന്റെ ചെക്കന്‍ ആരാണെന്ന് അറിയാമോ? മാസ് എന്‍ട്രിയോടെ രാജേന്ദ്രൻ

ബാംഗ്ലൂര്‍ ഡെയിസ് എന്ന സിനിമയുടെ ലൊക്കേഷനില്‍ നിന്നും ഇഷ്ടത്തിലായ ഫഹദും നസ്രിയയും 2014 ലായിരുന്നു വിവാഹിതരാവുന്നത്. ഈ വര്‍ഷം അഞ്ചാം വിവാഹ വാര്‍ഷികം ഇരുവരും ആഘോഷിച്ചിരുന്നു. വിവാഹത്തോടെ സിനിമയില്‍ നിന്നും ഇടവേള എടുത്ത് മാറി നിന്ന നസ്രിയ കഴിഞ്ഞ വര്‍ഷം തിരിച്ച് വരവ് നടത്തിയിരുന്നു. കൂടെ എന്ന ചിത്രത്തില്‍ പൃഥ്വിരാജിന്റെ സഹോദരിയായിട്ടായിരുന്നു അഭിനയിച്ചത്. ഇനി ഫഹദിനൊപ്പം അഭിനയിക്കുന്ന സിനിമയാണ് നസ്രിയയുടേതായി വരാനിരിക്കുന്നത്.

ഒളിച്ചോടുന്ന പെണ്‍കുട്ടികള്‍ക്കുള്ള തിരിച്ചറിവിനായി ചോല!പോസ്റ്ററിലെ സത്യം വെളിപ്പെടുത്തി സംവിധായകന്‍