നയന്‍താരയുടെ വിവാഹം സംപ്രേഷണം ചെയ്യുന്നതില്‍ നിന്ന് നെറ്റ്ഫ്ലിക്സ് പിന്മാറി; കാരണം വിഘ്നേഷ്

വിവാഹശേഷം തായ്ലന്റിലായിരുന്നു ഹണിമൂൺ ട്രിപ്പ്. വളരെ കുറച്ച് ദിവസങ്ങൾ മാത്രമാണ് ഹണിമൂണിനായ് ചിലവഴിച്ചത്. തിരിച്ചെത്തിയ ഉടനെ നേരെ മുംബൈയിലേക്കാണ് നയൻതാര പോയത്. പുതിയ സിനിമയായ ജവാൻ എന്ന ചിത്രത്തിന്റെ ഷൂട്ടിം​ഗിനായാണ് നയൻസ് മുബൈയിൽ എത്തിയത്. ഷാരൂഖ് ഖാനാണ് ചിത്രത്തിലെ നായകൻ. ആദ്യമായാണ് നയൻസ് ഷാരൂഖിനൊപ്പം അഭിനയിക്കുന്നത്. തമിഴ് സംവിധായകൻ അറ്റ്ലിയാണ് ചിത്രം ഒരുക്കുന്നത്.

കഴിഞ്ഞ ജൂൺ 9 ന് ചെന്നൈയിലെ മഹാബലിപുരം ഇസിആർ റോഡിലെ സ്റ്റാർ റിസോർട്ടിൽ വച്ചാണ് ഇരുവരുടെയും വിവാഹം ആഡംബരത്തോടെ നടന്നത്. വിവാഹ പരിപാടിയുടെ നടത്തിപ്പ് സ്വകാര്യ ഈവന്‍റ് മാനേജ്മെന്‍റ് കമ്പനിക്ക് കൈമാറിയതോടെയാണ് കർശന നിയന്ത്രണങ്ങൾ ഏർപ്പടുത്തിയത്. വിവാഹത്തിന് എത്തിയ അതിഥികളുടെ മൊബൈൽ ഫോൺ ക്യാമറകളിൽ ഉൾപ്പെടെ സ്റ്റിക്കർ പതിച്ചു മറച്ചിരുന്നു. സുരക്ഷയ്ക്കുവേണ്ടി റിസോർട്ടിന്റെ പിൻഭാഗത്തെ ബീച്ചിലേക്കുള്ള പ്രവേശനം തടഞ്ഞിരുന്നു.

കത്തൽ ബിരിയാണി എന്ന പേരിൽ ചക്ക ബിരിയാണിയായിരുന്നു വിരുന്നിലെ പ്രധാന ആകർഷണം. കേരള ശൈലിയിൽ ഇളനീർ പായസവും ഒരുക്കി. തമിഴ്‌നാട്ടിലെ വിവിധ ഭാഗങ്ങളിലായി ഒരു ലക്ഷം പേർക്ക് ഭക്ഷണവിതരണം നടത്തി.

ലേഡി സൂപ്പർസ്റ്റാറിൻ്റെ വിവാഹം ആരാധകർ ഏറ്റെടുത്തിരുന്നു. നയൻസിൻ്റെയും വിഘ്നേഷിൻ്റയും വേഷം മുതൽ വിവാഹ വേദി, ഭക്ഷണം ഒരുക്കിയത് ഇതെല്ലാം അറിയാൻ ആരാധകർക്ക് ആവേശമായിരുന്നു. വിവാഹത്തിന് വേണ്ടി നയൻസോ വിക്കിയോ ഒരു കാശും മുടക്കിയില്ലെന്നും റിപ്പോർട്ടുകൾ വരുന്നുണ്ട്. വിവാഹ സഏഷവും താരം അഭിനയത്തിൽ സജീവമാണ്. ഹോട്സ്റ്റാറിൽ ഇറങ്ങിയ ഒ2 വാണ് അവസാനം പുറത്തിറങ്ങിയ സിനിമ. ത്രില്ലർ വിഭാ​ഗത്തിൽ ഉൾപ്പെടുന്ന ചിത്രത്തിന് സമ്മിശ്ര പ്രതികരണമാണ് കിട്ടുന്നത്.

Recommended Video

Dhyan Sreenivasan On Nayanthara Wedding | നയൻതാരയുടെ കല്യാണത്തെ കുറിച്ച് ധ്യാൻ ശ്രീനിവാസൻ

വിഘ്നേഷ് സംവിധാനം ചെയ്ത കാതുവാക്കല രണ്ട് കാതൽ ബോക്സ് ഓഫീസ് വിജയം നേടിയിരുന്നു. നയൻതാരയും സമാന്തയുമായിരുന്നു ചിത്രത്തിലെ നായികമാർ. നടൻ വിജയ് സേതുപതിയുടെ നായികമാരായാണ് ഇരുവരും ചിത്രത്തിലെത്തിയത്. കൺമണി, ഖദീജ എന്നീ രണ്ട് കഥാപാത്രങ്ങളെയാണ് നയൻസും സമാന്തയും അവതരിപ്പിച്ചത്.

നയൻതാര നീണ്ട 19 വർഷമായി സിനിമാ രം​ഗത്തുണ്ട്. 74 ചിത്രങ്ങളിൽ അഭിനയിച്ച് കഴിഞ്ഞു. 75 -ാമത്തെ ചിത്രം പ്രഖ്യാപിച്ചു. നിലേഷ് കൃഷ്ണ ഒരുക്കുന്ന ചിത്രത്തിന് ഇതുവരെ പേര് പ്രഖ്യാപിച്ചിട്ടില്ല. സീ സ്റ്റുഡിയോസ് ആണ് ചിത്രം ഒരുക്കുന്നത്. വിവാഹ ശേഷം ചെയ്യുന്ന സിനിമകൾ നയൻസ് ശ്രദ്ധിച്ചേ തെരഞ്ഞെടുക്കൂ എന്നും ​ഗ്ലാമറസ് റോളുകൾ ചെയ്യാൻ നടി ഇനി താൽപര്യപ്പെടുന്നില്ലെന്നാണ് പുറത്ത് വരുന്ന റിപ്പോർട്ടുകൾ.