ആരാധികയുടെ കമന്റ് കണ്ട് പൊട്ടിച്ചിരിച്ച് മഞ്ജു വാര്യർ, ഇങ്ങനെ തുടങ്ങിയാൽ കുറെ പെണ്ണുങ്ങൾ വിഷമിക്കും...

സിനിമയിലെ മഞ്ജുവിന്റെ കഥാപാത്രം പോലെ നടിയുടെ ഗെറ്റപ്പുകളും പ്രേക്ഷകരുടെ ഇടയിൽ ചർച്ചയാകാറുണ്ട്. ലുക്കിൽ അതിഗംഭീരമായ മാറ്റത്തോടെയാണ് നടി ഒരോ സിനിമകളിലും എത്താറുളളത്. താരങ്ങളുടെ ഇടയിൽ തന്നെ മഞ്ജുവിന്റെ മേക്കോവർ ചർച്ചയാകാറുണ്ട്. അത്ഭുതപ്പെടുത്തുന്ന ഗെറ്റപ്പിലാണ് നടി ഓരോ പ്രവശ്യം പ്രത്യക്ഷപ്പെടുന്നത്. ഇപ്പോൾ ആരാധകരെക്കാളും താരങ്ങളാണ് മ‍്ജുവിന്റെ ഇൻസ്റ്റഗ്രാം ചിത്രങ്ങൾക്ക് കമന്റുമായി എത്തുന്നത്.

ഇപ്പോൾ സോഷ്യൽ മീഡിയയിൽ വൈറലാകുന്നത് മഞ്ജുവിന്റെ പുതിയ ചിത്രമാണ്. കഴിഞ്ഞ ദിവസമാണ് നടിയുടെ സോഷ്യൽമീഡിയ പേജിലൂടെയാണ് ചിത്രം പുറത്തു വന്നത്. ഹോളിവുഡ് ലുക്കിലുള്ള ലേഡിസൂപ്പർസ്റ്റാറിന്റെ ചിത്രമായിരുന്നു അത്. നിമിഷനേരം കൊണ്ടായിരുന്നു വൈറലായത്. ആരാധകരും താരങ്ങളും മഞ്ജുവിന്റെ ചിത്രത്തിന് കമന്റുമായി എത്തിയിരുന്നു. സുഹൃത്തുക്കളുടെ കമന്റുകൾക്ക് മഞ്ജു മറുപടി നൽകുകയും ചെയ്തിരുന്നു.

ഇപ്പോൾ സോഷ്യൽ മീഡിയയിൽ വൈറലാകുന്നത് മഞ്ജുവിന്റെ ചിത്രത്തിന് ഒരു ആരാധിക നൽകിയ കമന്റാണ്. ഷൈനി തോമസ് എന്ന ആരാധികയുടെ പേര്. കമന്റിന് താരം മറുപടിയും നൽകിയിട്ടുണ്ട്."മഞ്ജു, നിങ്ങൾ അറിയുന്നുണ്ടോ.. നിങ്ങളുടെ പേരിൽ ഞങ്ങൾ അനുഭവിക്കുന്നത്. സ്വന്തം ഇഷ്‌ടത്തിന് ഇച്ചിരി ഊന്നൽ കൊടുത്താൽ മഞ്ജു വാര്യർക്ക് പഠിക്കാണോ എന്ന് കേൾക്കേണ്ടി വരുന്നു. ശരീരമൊന്നു വണ്ണിച്ചാൽ മഞ്ജു വാര്യരെ കണ്ടു പഠിക്കൂ. ബോഡി ഷെയിമിങ്, അല്ലാതെന്ത്?...

Recommended Video

Manju Warrier's new look viral | FilmiBeat Malayalam

സങ്കടത്തോടെ കാറിൽ കയറി മാസായിട്ട് ഇറങ്ങി വരണ സീനൊക്കെ ഇവിടെ പീക്കിരി പിള്ളേരുടെ സ്റ്റാറ്റസിൽ കറങ്ങി നടക്കിണ്ട്. കാണുമ്പോ ഒരു ത്രില്ലൊക്കെയുണ്ട്. മാസ് ലുക്ക് പോയിട്ട് ഇവിടെ ബോഡി മാസ്സ് കൂടാന്നല്ലാതെ. ഇങ്ങനെ തുടങ്ങിയാൽ കുറെ പെണ്ണുങ്ങൾ വിഷമിക്കും. പോസിറ്റിവിറ്റിയിൽ ഒരു പിടുത്തം കിട്ടണില്ലല്ലാ എന്റെ പഴുവിൽകാവിലമ്മേ... എന്നാണ് ഷൈനിയുടെ കമന്റ്. ആരാധികയ്ക്ക് ഒരു മറുപടിയും മഞ്ജു നൽകിയിട്ടുണ്ട്. പൊട്ടിച്ചിരിക്കുന്ന ഇമോജിക്കൊപ്പം നിറയെ സ്നേഹം എന്നായിരുന്നു മഞ്ജു മറുപടി നൽകിയത്. ആരാധികയുടെ കമന്റും മഞ്ജുവിന്റെ മറുപടിയും വൈറലായിട്ടുണ്ട്.