കുഞ്ഞുവാവയെ കാണാത്തത് എന്‍ഐസിയുവില്‍ ആക്കിയത് കൊണ്ടാണ്; ആശുപത്രിയിലെ പിറന്നാളാഘോഷത്തെ പറ്റി മൃദുലയും യുവയും

ആശുപത്രിയില്‍ നിന്ന് തന്നെ ആഘോഷിച്ച പിറന്നാളിന്റെ വീഡിയോയാണ് താരങ്ങളിപ്പോള്‍ പുറത്ത് വിട്ടിരിക്കുന്നത്. മാത്രമല്ല വീഡിയോയിലൊന്നും കുഞ്ഞിനെ കാണാത്തതിന്റെ കാരണത്തെ കുറിച്ചും യുവ പറയുന്നു. വിശദമായി വായിക്കാം..

ഞാനും മൃദുലയും മാത്രമുള്ള വളരെ ചെറിയൊരു പിറന്നാള്‍ ആഘോഷമാണ് നടത്തുന്നതെന്ന്പറഞ്ഞാണ് യുവ സംസാരിച്ച് തുടങ്ങിയത്. ഈ ആഘോഷം കഴിഞ്ഞ ഉടനെ കൊല്ലത്ത് വച്ചുള്ള സീരിയലിന്റെ ഷൂട്ടിങ്ങിലേക്ക് താന്‍ തിരികെ പോവുമെന്നും നടന്‍ പറയുന്നു. അതേ സമയം വീഡിയോയില്‍ കുഞ്ഞിനെ കാണാത്തതിനെ പറ്റി ആളുകള്‍ ചോദിക്കുന്നുണ്ട്. വാവ എന്‍ഐസിയുവിലാാണ് ഉള്ളത്. ചില ചെക്കപ്പുകള്‍ക്ക് വേണ്ടി കൊണ്ട് പോയതാണെന്നും യുവ പറയുന്നു.

പിറന്നാള്‍ ആഘോഷത്തിനായി നേരത്തെ കരുതി വച്ചിരുന്ന തൊപ്പി മൃദുലയ്ക്ക് വച്ച് കൊടുക്കുന്നു. ശേഷം പ്രസവത്തിന് തൊട്ട് മുന്‍പ് തനിക്ക് വേണമെന്ന് മൃദുല ആവശ്യപ്പെട്ട ചോക്ലേറ്റും യുവ സര്‍പ്രൈസായി കൊണ്ട് വന്നിരുന്നു. ചോക്കോ ലാവ കഴിക്കണമെന്ന് താന്‍ ആഗ്രഹിച്ചിരുന്നതിനെ പറ്റി മൃദുലയും പറയുന്നു. ചോക്കോ ലാവ സ്പൂണില്‍ വാരി കൊടുത്ത് കൊണ്ടാണ് യുവ തന്റെ സ്‌നേഹം പ്രകടിപ്പിച്ചത്. ഇതിന് പിന്നാലെ സര്‍പ്രൈസായി മാലയും കമ്മലും വളയുമൊക്കെ വാങ്ങി കൊടുത്തിരുന്നു.

അപ്രതീക്ഷിതമായിട്ടുള്ള സമ്മാനങ്ങള്‍ കിട്ടിയെങ്കിലും ഇതൊക്കെ എപ്പോഴാണ് ഇട്ട് തീര്‍ക്കുക എന്ന സംശയം മൃദുലയ്ക്ക് വന്നിരുന്നു. അതൊക്കെ വേഗം തന്നെ ഇടാനുള്ള അവസരമുണ്ടാവുമെന്ന് യുവ മറുപടിയായി പറയുകയും ചെയ്തു. ഇങ്ങനൊരു സന്തോഷം തന്നതിന് ഭര്‍ത്താവിന് ഉമ്മ കൊടുക്കുകയും നന്ദി പറയുകയുമൊക്കെ മൃദുല ചെയ്തിരുന്നു.

എന്നും ഇതുപോലെ സന്തോഷത്തോടെ കഴിയണമെന്നാണ് മൃദുലയോടും യുവയോടും ആരാധകര്‍ ആവശ്യപ്പെടുന്നത്. നടിയുടെ പിറന്നാളാഘോഷത്തിന്റെ വീഡിയോയ്ക്ക് താഴെ നൂറ് കണക്കിന് കമന്റുകളാണ് വന്ന് നിറയുന്നത്. വൈകാതെ കുഞ്ഞുവാവയെ പുറംലോകത്തിന് കാണിക്കണമെന്നുള്ള ആഗ്രഹവും എല്ലാവരും പങ്കുവെക്കുന്നുണ്ട്.

മലയാളത്തിലെ ഹിറ്റായ സീരിയലുകളിൽ അഭിനയിച്ച് കൊണ്ടിരിക്കവേയാണ് മൃദുലയും യുവയും വിവാഹിതാരവുന്നത്. 2021 ൽ വിവാഹിതരായ താരങ്ങൾ വൈകാതെ കുഞ്ഞതഥിയെ സ്വീകരിക്കാൻ തയ്യാറായി. ആദ്യ വിവാഹ വാർഷികം കഴിഞ്ഞ് മാസങ്ങൾക്കുള്ളിലാണ് ഈ സന്തോഷ വാർത്തയെത്തുന്നത്.