'അവള്‍ ഭ്രാന്തമായി സ്‌നേഹിക്കുന്നു.. ഇത് യഥാര്‍ഥ പ്രണയം'; മഹാലക്ഷ്മിയുടേയും രവീന്ദറിന്റേയും പരസ്യ ചാറ്റ്!

ഒരു വിഭാ​ഗം പരിഹാസിച്ചുപ്പോൾ മറ്റൊരു വിഭാ​ഗം ദമ്പതികളെ പിന്തുണച്ച് കൊണ്ട് രം​ഗത്തെത്തി. സെപ്റ്റംബർ 1ന് ആയിരുന്നു മഹാലക്ഷ്മി-രവീന്ദര്‍ വിവാഹം. തിരുപ്പതിയിൽ വെച്ച് നടന്ന ചടങ്ങിൽ ഇരുവരുടേയും അടുത്ത ബന്ധുക്കളും സുഹൃത്തുക്കളും മാത്രമായിരുന്നു പങ്കെടുത്തിരുന്നത്.

ഇരുവരുടെയും രണ്ടാം വിവാഹം കൂടിയാണിത്. നടിക്ക് പുറമെ അവതാരിക കൂടിയാണ് മഹാലക്ഷ്മി. തമിഴിലെ പ്രശസ്ത നിർമാണ കമ്പനിയായ ലിബ്ര പ്രൊഡക്‌ഷന്റെ ഉടമയാണ് രവീന്ദർ.

വിടിയും വരൈ കാത്തിര് എന്ന ചിത്രത്തിൽ മഹാലക്ഷ്മിയാണ് പ്രധാന കഥാപാത്രത്തെ അവതരിപ്പിക്കുന്നത്. രവീന്ദറാണ് ചിത്രത്തിന്റെ നിർമാണം.

ഇതിന്റെ സെറ്റിൽ വെച്ചാണ് ഇരുവരും പ്രണയത്തിലായത്. സുട്ട കഥൈ, നളനും നന്ദിനിയും, നട്പെന്നാ എന്നാന്നു തെരിയുമാ എന്നിവയാണ് രവീന്ദർ നിർമിച്ച ചിത്രങ്ങൾ. ഇനിയും നിരവധി ചിത്രങ്ങൾ അദ്ദേഹത്തിന്റെ നിർമാണത്തിൽ അണിയറയിൽ ഒരുങ്ങുന്നുണ്ട്.

പരിഹാസ കമന്റുകൾ‌ നിറയുമ്പോഴും തങ്ങളുടെ പ്രണയം എത്രത്തോളം ദൃഢമാണെന്ന് കാണിക്കുന്ന നിരവധി പോസ്റ്റുകൾ മഹാലക്ഷ്മിയും രവീന്ദറും സോഷ്യൽമീഡിയയിൽ പങ്കുവെച്ച് കളിയാക്കുന്നവരുടെ വായടപ്പിക്കുന്നുണ്ട്.

'എന്റെ ജീവിതത്തിൽ നിങ്ങളെ ലഭിച്ചതിൽ ഞാൻ ഭാഗ്യവതിയാണ്... നിന്റെ ഊഷ്മളമായ സ്നേഹത്താൽ നീ എന്റെ ജീവിതം നിറയ്ക്കുന്നു.. ലവ് യു' എന്നാണ് മഹാലക്ഷ്മി വിവാഹ ചിത്രങ്ങൾ പങ്കുവെച്ച് കുറിച്ചിരുന്നത്.

'മഹാലക്ഷ്മിയെ പോലൊരു പെണ്ണിനെ കിട്ടിയാൽ ജീവിതം നല്ലതാണെന്ന് പറയും' എന്നാണ് രവീന്ദർ കുറിച്ചത്. ഇപ്പോഴിത ഇരുവരുടേയും പരസ്യ ചാറ്റിങാണ് സോഷ്യൽമീഡിയയിൽ വൈറലാകുന്നത്. 'പ്രണയം എന്നാല്‍ എല്ലാം തികഞ്ഞത് ആയിരിക്കണം എന്നില്ല.'

'സത്യസന്ധമായിരുന്നാല്‍ മതി' എന്നായിരുന്നു മഹാലക്ഷ്മിയുടെ പുതിയ സോഷ്യൽമീഡിയ പോസ്റ്റ്. അതിന് താഴെ ഉടൻ ഭർത്താവ് രവി കമന്റുമായി എത്തി. 'എനിക്ക് മഹാലക്ഷ്മിയെ ഇഷ്ടമാണ്. അവള്‍ എന്നെ ഭ്രാന്തമായി തിരിച്ച് സ്‌നേഹിക്കുന്നതാണ് യഥാര്‍ഥ പ്രണയം' എന്നാണ് രവി മറുപടിയായി കുറിച്ചത്.

മഹാലക്ഷ്മിയുടെ ഇന്‍സ്റ്റഗ്രാം പോസ്റ്റിന് മറുപടിയുമായി രവി കമന്റില്‍ എത്തിയതോടെയാണ് അതൊരു പരസ്യമായ ചാറ്റിങായി മാറിയത്. കുറ്റപ്പെടുത്തുന്നവർക്കും കളിയാക്കുന്നവർക്കും ഇതിലും നല്ലൊരു മറുപടി കിട്ടാനില്ല. 1990 മാർച്ച് 21ന് ജനിച്ച മഹാലക്ഷ്മിക്ക് 32 വയസാണ് പ്രായം.

1970 ജൂൺ 1ന് ജനിച്ച രവീന്ദർ ചന്ദ്രശേഖരന് 52 ​​വയസുണ്ട്. ഇരുവരുടെയും പ്രായത്തിൽ 20 വയസിന്റെ വ്യത്യാസമുണ്ട്. ഇതിനെ ചൊല്ലിയും ഒരു വിഭാഗം പരിഹാസ കമന്റുകൾ കുറിക്കുന്നുണ്ട്.

ആദ്യ വിവാഹത്തിൽ എട്ട് വയസുകാരനായ ഒരു മകനും മഹാലക്ഷ്മിക്കുണ്ട്. 2019ലാണ് മഹാലക്ഷ്മി ആദ്യത്തെ ബന്ധം വേർപ്പെടുത്തിയത്.