വീട്ടുകാരുടെ സമ്മതത്തോടെയുള്ള പ്രണയവിവാഹം; ഭര്‍ത്താവിനെ കുറിച്ച് വിവാഹശേഷം ആദ്യമായി പ്രതികരിച്ച് നടി മൈഥിലി

വിവാഹ വേഷത്തെ കുറിച്ചും മേക്കപ്പിനെ കുറിച്ചും മൈഥിലി പറഞ്ഞതിങ്ങനെ..

തന്റെ വിവാഹത്തിന്റെ ഒരുക്കങ്ങളെല്ലാം വളരെ പെട്ടെന്ന് ചെയ്തതാണ്. ഞങ്ങളുടെ ടീമാണ് എല്ലാം ചെയ്തത്. 10 ദിവസമാണ് കിട്ടിയത്. എല്ലാം ഭയങ്കര സിംപിള്‍ ആന്‍ഡ് എലഗന്റായിരിക്കണം എന്നായിരുന്നു തന്റെ ആഗ്രഹം. ഒത്തിരി മേക്കപ്പൊന്നും ചെയ്യാതെ ലൈറ്റായിട്ട് മതിയായിരുന്നു. അത് നല്ല നീറ്റായിരിക്കണം എന്നും പറഞ്ഞിരുന്നു. എല്ലാം വിചാരിച്ചത് പോലെ തന്നെ വന്നു. എല്ലാത്തിനുമുള്ള ക്രെഡിറ്റ് ഉണ്ണിക്ക് ആണെന്നും പറഞ്ഞ് സെലിബ്രിറ്റി മേക്കപ്പ് ആര്‍ട്ടിസ്റ്റ് ഉണ്ണി പിഎസിനെ മൈഥിലി ക്യാമറയ്ക്ക് മുന്നില്‍ പരിചയപ്പെടുത്തുകയും ചെയ്തു.

ഞാന്‍ ഭയങ്കര സന്തോഷത്തിലാണ്. ഞങ്ങള്‍ പ്രതീക്ഷിച്ചത് പോലെ തന്നെ എല്ലാം അടിപൊളിയായി വന്നിട്ടുണ്ട്. അതിന്റെ സന്തോഷം ഉണ്ടെന്നും ഉണ്ണി പറഞ്ഞു. സൂര്യന്‍ എന്ന് പറഞ്ഞയാളാണ് സമ്പത്തിനെ സ്‌റ്റൈല്‍ ചെയ്തിരിക്കുന്നത്. ഉണ്ണി എന്നെയാണ് മേക്കപ്പ് ചെയ്തത് എന്നും മൈഥിലി വ്യക്തമാക്കി. വിവാഹശേഷമുള്ള ജീവിതം എങ്ങനെയായിരിക്കുമെന്ന് കൂടി നടി സൂചിപ്പിച്ചു. ഇനി ഹാപ്പിയായി ലൈഫ് എന്‍ജോയ് ചെയ്യണമെന്നാണ് ആഗ്രഹിക്കുന്നത്.

പ്രതീക്ഷിച്ചപോലെ തന്നെയായാണ് വിവാഹത്തിന്റെ കാര്യങ്ങള്‍ നടന്നത്. സിംപിളായി നടത്തണമെന്നാണ് ആഗ്രഹിച്ചു. ഡെസ്റ്റിനേഷന്‍ വെഡ്ഡിംഗായിരുന്നു ഞങ്ങള്‍ ആഗ്രഹിച്ചത്, എല്ലാവര്‍ക്കും എത്തിപ്പെടാനുള്ള ബുദ്ധിമുട്ട് കാരണം അത് മാറ്റിയെന്നായിരുന്നു സമ്പത്ത് പറഞ്ഞത്. ഹണിമൂണിനെക്കുറിച്ചൊന്നും അങ്ങനെ പ്ലാന്‍ ചെയ്തിട്ടില്ല. അതൊക്കെ നോക്കി പ്ലാനിടാമല്ലോ, സമയമുണ്ടെന്നും മൈഥിലിയുടെ ഭര്‍ത്താവ് സമ്പത്ത് പറയുന്നത്.

ഇതിനിടെ ഭര്‍ത്താവ് സമ്പത്തിനെ മൈഥിലി ക്യാമറയ്ക്ക് മുന്നില്‍ പരിചയപ്പെടുത്തി. ഇതാണെന്റെ ഭര്‍ത്താവ്. സമ്പത്ത്, ഒരു ആര്‍ക്കിടെക്ട് ആണ്. ലവ് മ്യാരേജ് ആണോ എന്ന ചോദ്യത്തിന് വീട്ടുകാരുടെ സമ്മതത്തോടെയുള്ള പ്രണയ വിവാഹമാണ് ഞങ്ങളുടേതെന്ന് മൈഥിലി വെളിപ്പെടുത്തി. വിവാഹശേഷം ഭാര്യയുടെ അഭിനയ ജീവിതത്തെ കുറിച്ചും സമ്പത്ത് പറഞ്ഞു. 'മൈഥിലി ഭാവിയില്‍ അഭിനയിക്കുന്നതിന് എനിക്ക് പ്രശ്നമൊന്നുമില്ല. അവരുടെ വര്‍ക്ക് നിര്‍ത്താനായി ഞാനൊരിക്കലും പറയില്ല. അഭിനയിക്കുന്നതിന് എതിര് നില്‍ക്കില്ലെന്നാണ് സമ്പത്ത് പറയുന്നത്.