അവിടെ നിന്ന് ഇറങ്ങിപ്പോയിട്ടും ആരും ഒന്നും ചോദിച്ചില്ല, വര്‍ക്കലയില്‍ വെച്ചുണ്ടായ ദുരനുഭവം പറഞ്ഞ് നിഹാല്‍

പൊതുവെ യാത്രകളില്‍ നേരിടേണ്ടി വരുന്ന ദുരനുഭവങ്ങള്‍ നിഹാലും പ്രിയയും പ്രേക്ഷകരുമായി പങ്കുവെയ്ക്കാറില്ല. എന്നാല്‍ ഈ സംഭവം താരങ്ങളെ വളരെയധികം വേദനിപ്പിച്ചു. ഇത്തരത്തിലുളള സമീപനം ശരിയല്ലെന്നാണ് വീഡിയോ പങ്കുവെച്ച് കൊണ്ട് പറയുന്നത്. വര്‍ക്കലയിലെ ഒരു കഫേയില്‍ വെച്ചാണ് താരങ്ങള്‍ക്ക് ദുരനുഭവം നേരിട്ടത്.

നിഹാലിന്റെ വാക്കുകള്‍ ഇങ്ങനെ...'കഴിഞ്ഞ ദിവസം തിരുവനന്തപുരത്തേക്ക് പോയിരുന്നു. കോവളത്ത് ഒരു വ്‌ലോഗൊക്കെ ചെയ്തതിന ശേഷം വര്‍ക്കലയ്ക്ക് പോയി. ഞാനും പ്രിയയും ആദ്യമായിട്ടാണ് അവിടെ പോകുന്നത്. അവിടെ നല്ല വ്യൂവുള്ള ഒര കഫേയായിരുന്നു ആദ്യം ഞങ്ങള്‍ നോക്കിയത്.നല്ല ഹൈറ്റിലുള്ളൊരു കഫേ കണ്ടു. അവിടെ കോഫി കുടിക്കാന്‍ വേണ്ടി പോയി.

'കഫേയ്ക്കുള്ളില്‍ പ്രവേശിച്ചതിന് ശേഷം അവിടെയൊരു സീറ്റില്‍ കയറിയിരുന്നു ഉടന്‍ തന്നെ അത് റിസേര്‍വ്ഡാണെന്ന് അവര്‍ അ്‌റിയിച്ചു. 6.30ന് റിസേര്‍വ്ഡ് എന്നായിരുന്നു എഴുതിയത്. ഞങ്ങള്‍ ചെല്ലുമ്പോള്‍ 5.30 ആയിട്ടേയുള്ളൂ. 6.30 മുന്‍പ് പോയ്ക്കോളാമെന്ന് പറഞ്ഞു. എന്നാല്‍ ഞങ്ങളെ ഇരിക്കാന്‍ അനുവദിച്ചില്ല'.

'അവിടെ വേറെ ആളുകളും വന്നിരുന്നു. എന്നാല അവരെയൊക്കെ എഴുന്നേല്‍പ്പിച്ച് വിടുന്നുണ്ടായിരുന്നു. പക്ഷെ ഈ സമയത്ത് രണ്ട് വിദേശികള്‍ എത്തി. അവരെ അവിടെ ഇരിക്കാന്‍ അനുവദിച്ചു. റിസര്‍വ്ഡാണെന്ന് പറഞ്ഞിട്ടും അവരെ അവിടെ ഇരുത്തി ബിയര്‍ നല്‍കി.ഞങ്ങളെ കോഫി കുടിക്കാന്‍ അനുവദിക്കാത്തവര്‍ വിദേശികള്‍ക്ക് അതേ സ്ഥലത്ത് ഇരുന്ന് ബിയര്‍ കുടിക്കാന്‍ കൊടുത്തത് ശരിയായ കാര്യമല്ല. നാഷണാലിറ്റിയുടേയും നിറത്തിന്റെയും പേരിലുള്ള ഡിസ്‌ക്രിമിനേഷനായിരുന്നു അവിടെ നടന്നത്'; നിഹാല്‍ പറഞ്ഞു.

'തുടര്‍ന്ന് ആ കഫേയില്‍ നിന്ന് ഞങ്ങള്‍ ഇറങ്ങി പോയി. എന്നിട്ടും കാരണമെന്താണെന്ന് ഇവര്‍ ചോദിച്ചില്ല. തൊട്ട് അടുത്ത കഫേയില്‍ കയറി കോഫി കുടിച്ചു. എന്നിട്ട് തിരികെ വന്നപ്പോഴും ആദ്യത്തെ കഫേയിലെ റിസേര്‍വ്ഡ് സീറ്റ് ഒഴിഞ്ഞ് കിടക്കുകയാണ്'.

ഈ സമയത്തിനിടെ ഏകദേശം 18ഓളം വിദേശരാജ്യങ്ങളില്‍ ഞങ്ങള്‍ പോയിട്ടുണ്ട്. ടൂറിസത്തെ പ്രധാനമായി പരിഗണിത്തുന്ന രാജ്യങ്ങളില്‍ വരെ സ്വദേശികള്‍ക്ക് പ്രാധാന്യം നല്‍കുന്നുണ്ടെന്നും താരം ഇന്‍സ്റ്റഗ്രാമില്‍ പങ്കുവെച്ച വീഡിയോയി പറയുന്നു.

Recommended Video

Dr. Robin On His Angry Behavior | ബിഗ് ബോസിലെ വിന്നര്‍ ഞാന്‍ തന്നെ | *Interview | FilmiBeat

നിഹാലിന്റെ വീഡിയോ നിമിഷനേരം കൊണ്ട് വൈറല്‍ ആവുകയായിരുന്നു. താരങ്ങളെ പിന്തുണച്ചു കൊണ്ടാണ് അധികം കമന്റുകളും എത്തിയത്. ഹെറിബിള്‍ എന്നായിരുന്നു പ്രാര്‍ത്ഥനയുടെ കമന്റ്.