അക്ബറിനെ പോലെ ഒരു വിരഹം ഉണ്ടായിരുന്നു!! എന്നാൽ അതിലൊരു ട്വിസ്റ്റുണ്ട്, തുറന്ന് പറഞ്ഞ് നിതിൻ

അക്ബർ എന്ന കഥാപാത്രം

അൻവർ ഷെരീഫ് ചെയ്ത് അലോഷി എന്ന കഥാപാത്രമായിട്ടായിരുന്നു ആദ്യം തന്നെ പരിഗണിച്ചത്. എന്നാൽ പിന്നീട് ഇത് മാറുകയായിരുന്നു. അക്ബർ എന്ന കഥാപാത്രത്തിൽ വേറെയൊരു കഥാപാത്രത്തെയായിരുന്നു പരിഗണിച്ചത്. എന്നാൽ ആദ്യം മുതൽ ആ വേഷത്തിൽ തന്നെ പരിഗണിച്ചിരുന്നു. എന്നാൽ മറ്റൊരു ശ്രദ്ധേയനായ നടനെ ഈ റോൾ ചെയ്യാൻ സെറ്റ് ചെയ്തിരുന്നു. പിന്നീട് ഡേറ്റിന്റെ പ്രശ്നം കാരണം അത് ഡ്രോപ്പ് ചെയ്യേണ്ടി വന്നു. അങ്ങനെയാണ് അക്ബർ എന്ന കഥാപാത്രം എന്നെ തേടിയെത്തിയത്.

പോലീസുകാരൻ വിളിച്ചു

അക്ബർ സൗമ്യനായ ഒരു പോലീസ് ഉദ്യോഗസ്ഥനാണ്. അതുകൊണ്ട് തന്നെ അക്കാര്യം വളരെ ശ്രദ്ധിച്ചായിരുന്നു കൈകാര്യ ചെയ്തിരുന്നത്. ഈ കഥാപാത്രം വളരെ നോർമലായിട്ടുഴള്ള വ്യക്തിയാണ്. അളുടെ വികാരങ്ങൾ പുറമേ കാണിക്കാറില്ല. എല്ലാം ഉള്ളിലൊതുക്കുന്ന ആളാണ്. അതുകൊണ്ട് തന്നെ കഥാപാത്രം അവതരിപ്പിക്കുമ്പോൾ ഒരു മിതത്വം വേണമെന്ന് നിർബന്ധം ഉണ്ടായിരുന്നു. ഫ്ലാഷ്ബാക്കിലെ ഒരു ഗാനത്തിൽ മാത്രമാണ് ഇയാൾ ചിരിക്കുന്നത്. ചിത്രം കണ്ടിട്ട് ഒരു പോലീസുകാരൻ തന്നെ തന്നെ വിളിച്ച് അഭിനന്ദിച്ചു. ഇതു കേട്ടപ്പോൾ വളരെയധികം സന്തോഷം തോന്നി.

അക്ബറിനെ പോലെ വിരഹം

ജീവിതത്തിലും ഞാൻ വിരഹം അനുഭവിച്ചിരുന്നു. ഞാൻ കോളേജിൽ പഠിക്കുന്ന കാലത്ത് പ്രണയിച്ചിരുന്നു. ഈ സമയത്ത് തന്നെ സിനിമയും തലയ്ക്ക് പിടിച്ചു. ഒരു സമയത്ത് സിനിമ മാത്രം എന്ന ഘട്ടത്തിൽ എത്തിയിരുന്നു. അപ്പോഴും അപ്പുറത്തെ സൈഡിൽ പ്രണയമുണ്ട്. ആ ബന്ധത്തിൽ പല ഘട്ടത്തിലും തനിയ്ക്ക് വിരഹം അനുഭവിക്കേണ്ടി വന്നിട്ടുണ്ട്. പക്ഷെ ട്വിസ്റ്റ് എന്താണെന്ന് വച്ചാൽ അയാളെ തന്നെയാണ് ഞാൻ വിവാഹം കഴിച്ചിരിക്കുന്നത്.9 വര്‍ഷം പ്രണയിച്ചിട്ടാണ് വിവാഹം കഴിച്ചത്.

വില്ലൻ വേഷം

എല്ലാ തരം റോളുകളും ചെയ്യാൻ ഇഷ്ടമാണ്. വില്ലനായും കുഴപ്പമില്ല. നല്ല വേഷങ്ങൾക്കായിട്ടാണ് ഞാൻ കാത്തിരിക്കുന്നത്. നായകനാവണമെന്ന് ഒരിക്കൽ പോലും ചിന്തിച്ചിരുന്നില്ല.വരുന്നെങ്കിൽ വരട്ടെ. തീർച്ചയായും നായകന്റെ റോൾ പ്രലോഭിപ്പിക്കും. പെർഫോം ചെയ്യാൻ ഒരുപാടുണ്ടല്ലോ. ഞാൻ ഇപ്പോൾ കഥയുടെ ഭാഗമാകാനും നല്ല കഥാപാത്രങ്ങളും ചെയ്യാനാണ് ആഗ്രഹിക്കുന്നത്.