കൊച്ചുണ്ണിയല്ല പക്കിയാണ് ഹീറോ! ഏട്ടനാണ് താരം? അച്ചായന്‍റെ ചങ്ക് തകര്‍ത്ത് ട്രോളന്‍മാരും! കാണൂ!

നിവിന്‍ പോളിയുടെ അവസ്ഥ

കായംകുളം കൊച്ചുണ്ണിയിലെ നായകന്‍ താനായിരുന്നുവെന്ന് പറഞ്ഞ് മനസ്സിലാക്കാന്‍ പെടാപ്പാട് പെടുകയാണ് നിവിന്‍ പോളി. ഇത്തരമൊരു അവസ്ഥയെക്കുറിച്ചോര്‍ത്താണ് അന്ന് ആരാധകരും ടെന്‍ഷനടിച്ചത്. കേവലം 20 മിനിറ്റിലൂടെ മോഹന്‍ലാല്‍ സിനിമ തന്നെ അദ്ദേഹത്തിന്റേതാക്കി മാറ്റുമെന്ന് പാവം നിവിന്‍ കരുതിക്കാണില്ല.

അതിലും ഭേദം എന്നെ കൊല്ലുന്നതല്ലേ?

ഇടയ്ക്ക് അതിഥിയായി എത്തുന്ന ഇത്തിക്കര പക്കിയെ സിനിമയുടെ ക്ലൈമാക്‌സിലേക്കും ക്ഷണിച്ചാലോയെന്ന് സംവിധായകനൊരു സംശയം. ഇതേക്കുറിച്ച് നിവിനോട് ചോദിച്ചപ്പോള്‍ ഇതിലും ഭേദം തന്നെയങ്ങ് കൊല്ലുന്നതായിരുന്നില്ലെയെന്ന് താരവും. തന്നെ ഗസ്റ്റ് റോളിലാക്കുന്നതായിരിക്കും അതിനേക്കാള്‍ ഭേദമെന്നും താരം പറഞ്ഞുവെന്നാണ് ട്രോളര്‍മാരുടെ കണ്ടെത്തല്‍.

മോഹന്‍ലാലിന്റെ സിനിമയോ?

താന്‍ നായകനായി അഭിനയിച്ച സിനിമയെക്കുറിച്ച് മറ്റുള്ളവര്‍ ചോദിക്കുമ്പോഴും അഭിപ്രായം രേഖപ്പെടുത്തുമ്പോഴും താരങ്ങള്‍ സന്തോഷിക്കാറുണ്ട്. എന്നാല്‍ താനല്ല അതിഥിയായെത്തിയ മോഹന്‍ലാലാണ് നായകനെന്നും അദ്ദേഹത്തിന്റെ സിനിമയെന്നും കേള്‍ക്കേണ്ടി വരുന്ന നിവിന്റെ മാനസികാവസ്ഥ വല്ലാത്തതല്ലേ, അതെങ്കിലും ഓര്‍ത്തൂടേ.

എന്നോടാണോ ഇത് പറയുന്നത്?

കായംകുളം കൊച്ചുണ്ണിയില്‍ ലീഡ് റോളിലെത്തിയത് താനാണെന്നും നായകനായത് താനാണെന്നും വിളിച്ച് പറയേണ്ട ഗതികേടിലാണ് അച്ചായന്‍. ഇത്തരമൊരവസ്ഥ ശത്രുക്കള്‍ക്ക് പോലും വരുത്തല്ലേയെന്നാണ് പ്രാര്‍ത്ഥന.

പുതിയ പടത്തിന്റെ പേരോ?

തന്റെ പുതിയ പടത്തിന്റെ പേര് ചോദിച്ചപ്പോള്‍ നിവിന്‍ ആദ്യം പറഞ്ഞത് ഇത്തിക്കര പക്കിയെന്നായിരുന്നു പിന്നീടാണ് അത് തിരുത്തി കായംകുളം കൊച്ചുണ്ണിയെന്ന് പറഞ്ഞത്. സ്വന്തം കഥാപാത്രത്തപ്പോലും മറന്നുപോയിരിക്കുകയാണ് ഈ താരം

ഏട്ടന്‍ പൊളിച്ചു

മോഹന്‍ലാല്‍ പൊളിച്ചുവെന്നാണ് സിനിമ കണ്ടിറങ്ങിയവരെല്ലാം പറഞ്ഞത്. അതിഥി താരമായ മോഹന്‍ലാലിനെക്കുറിച്ച് വാചാലരാവുന്നവര്‍ എന്തുകൊണ്ട് നിവിനെക്കുറിച്ച് മിണ്ടുന്നില്ലെന്നുള്ളതാണ് ചോദ്യം.

മികച്ച ഗസ്റ്റ് റോള്‍

മലയാള സിനിമയുടെ ചരിത്രം തന്നെ തിരുത്തിക്കുറിച്ച അതിഥി കഥാപാത്രമായിരുന്നു നിരഞ്ജന്‍. 20 വര്‍ഷത്തിന് ശേഷം മറ്റൊരു മാസ് കഥാപാത്രവുമായി എത്തിയിരിക്കുകയാണ് മോഹന്‍ലാല്‍. മികച്ച ഗസ്റ്റ് റോളും ഇന്‍ട്രോയും അദ്ദേഹത്തിന്റെ പേരിലായി മാറിയിരിക്കുകയാണ് ഇപ്പോള്‍.

അജു വര്‍ഗീസും അത് പറഞ്ഞു

നിവിന്‍ പോളിയുടെ ആത്മാര്‍ത്ഥ സുഹൃത്തുക്കളിലൊരാളായ അജു വര്‍ഗീസും മോഹന്‍ലാലിന്റെ പുതിയ സിനിമയുടെ റിലീസെന്നും പറഞ്ഞാണ് ഓടിയത്. ഇതാണ് നിവിനെ കൂടുതല്‍ വിഷമിപ്പിച്ചത്.

സൂര്യയ്ക്ക് മുന്നറിയിപ്പ്

കെവി ആനന്ദ് സംവിധാനം ചെയ്യുന്ന സൂര്യ ചിത്രത്തില്‍ മോഹന്‍ലാല്‍ അഭിനയിക്കുന്നുണ്ട്. ഗസ്റ്റ് റോളെന്ന് പറയേണ്ടത് ആരുടെ പേരാണെന്ന് വ്യക്തമാക്കിയിരിക്കുകയാണ് നിവിന്‍.

പൊളിച്ചടുക്കിയ താരങ്ങള്‍

ഏത് തരം കഥാപാത്രത്തെയും അനായാസമായി തന്നിലേക്ക് ആവാഹിക്കുന്ന മോഹന്‍ലാല്‍ മാത്രമല്ല മറ്റ് താരങ്ങളും അവരവരുടെ വേഷം ഗംഭീരമാക്കിയാണ് മുന്നേറിയത്. കരിയര്‍ ബെസ്റ്റ് പെര്‍ഫോമന്‍സുമായി നിവിനും കിടുക്കന്‍ വില്ലനായി സണ്ണിയും തിരിച്ചുവരവ് ഗംഭീരമാക്കി ബാബു ആന്റണിയേയും അത്ര പെട്ടെന്ന് മറക്കാനാവുമോ?

മോഹന്‍ലാലിനെ അങ്ങനെ വിളിക്കാന്‍ കാരണം?

മലയാള സിനിമ കണ്ടതില്‍ വെച്ച് ഏറ്റവും വലിയ സൂപ്പര്‍ സ്റ്റാറാണെന്നാണ് മോഹന്‍ലാലിനെ വിളിക്കുന്നത് അങ്ങനെ വിളിക്കുന്നതിന് പിന്നിലെ കാരണത്തെക്കുറിച്ച് സംശയമുള്ളവര്‍ പക്കിയുടെ പെര്‍ഫോമന്‍സ് കണ്ടാല്‍ മതി.

അവസാനം വീണ്ടും വന്നാലോ?

ഇടയ്ക്ക് വന്ന ഞെട്ടിച്ചത് പോലെ തന്നെ ക്ലൈമാക്‌സിലും പക്കിയെത്തിയിരുന്നുവെങ്കില്‍ ചങ്ക് പൊട്ടി ചത്തേനെയെന്നാണ് നിവിന്‍ പോളി ആരാധകര്‍ പറയുന്നത്.

കൈയ്യടിക്കെടാ മക്കളെ

ആദ്യ ദിനത്തില്‍ തന്നെ റെക്കോര്‍ഡ് നേട്ടമാണ് നിവിന്‍ പോളി സ്വന്തമാക്കിയത്. ഓപ്പണിങ് ദിന കലക്ഷനിലെ സകല റെക്കോര്‍ഡും തിരുത്തിക്കുറിച്ചിരിക്കുകയാണ് ഈ താരം. ഇത്തരമൊരു നേട്ടത്തെക്കുറിച്ച് മനസ്സിലാക്കിയ ആരാധകര്‍ പറയുന്നത് ഇതാണ്.

വല്ലാത്ത പണിയായിപ്പോയി

പുലര്‍ച്ചെ മുതല്‍ത്തുടങ്ങുന്ന ഷൂട്ടിങ്ങിനെക്കുറിച്ച് നിവിന്‍ പോളി വാചാലനായിരുന്നു. രാത്രി ഒരു മണി വരെയൊക്കെ ഷൂട്ടിങ്ങുണ്ടാവുമായിരുന്നു. കളരി അഭ്യാസവും കുതിര സവാരിയുമൊക്ക അഭ്യസിച്ചിരുന്നു. മോഹന്‍ലാലിന് ഗസ്റ്റ് റോള്‍ കൊടുത്തതാണ് തനിക്ക് അബദ്ധമായതെന്നാണ് താരം പറയുന്നത്.

അടുത്ത തലമുറയുടെ കൂടി

58 ന്റെ ചെറുപ്പത്തില്‍ മലയാള സിനിമയില്‍ നിറഞ്ഞുനില്‍ക്കുകയാണ് മോഹന്‍ലാല്‍. പക്കിക്ക് പിന്നാലെ തന്നെ ഒടിയന്‍ മാണിക്കനുമെത്തും. മാണിക്കനെ അനുകരിക്കുന്നവരെ കണ്ടാല്‍ത്തന്നെ മനസ്സിലാവില്ലേ ആ കഥാപാത്രത്തിന്‍രെ ജനപ്രീതി.

പുലിമുരുകന്‍ തുടങ്ങിവെച്ചത്

കോടികള്‍ മുടക്കി ചരിത്ര സിനിമകളും ബ്രഹ്മാണ്ഡ ചിത്രങ്ങളുമൊരുക്കാന്‍ നിര്‍മ്മാതാക്കള്‍ തയ്യാറാകുന്നുവെങ്കില്‍ അതിന് പിന്നിലെ മുഖ്യ കാരണങ്ങളിലൊന്ന് പുലിമുരുകനാണ്. മലയാള സിനിമയെ നൂറുകോടി നേട്ടത്തിലെത്തിച്ച ചിത്രത്തെ പിന്തുടരുകയാണ് എല്ലാവരും,

അന്ന് യോദ്ധ ഇന്ന് കൊച്ചുണ്ണി

ഈ ചിത്രങ്ങള്‍ സാദൃശ്യമുള്ള രംഗങ്ങളായി തോന്നുന്നത് സ്വഭാവികമാണ്. 1992 ന് ശേഷം വീണ്ടും അതേ ഗെറ്റപ്പുമായി മോഹന്‍ലാല്‍ എത്തിയത് കായംകുളം കൊച്ചുണ്ണിയിലാണ്.

കാഴ്ചക്കാരനായി നോക്കി നിന്നു

59 വയസ്സുകാരന്റെ അസാമാന്യ മെയ് വഴക്കത്തിന് മുന്നില്‍ യുവതാരമായ നിവിന്‍ പോളി പോലും മുട്ടുമടക്കിയിരുന്നു. 34 കാരനായ താരം കേവലമൊരു കാഴ്ചക്കാരനെപ്പോലെ നോക്കി നില്‍ക്കുകയായിരുന്നു.

വേണ്ട ഇനി പറയണ്ട

മോഹന്‍ലാലുമായി സിനിമ ചെയ്യണമെന്ന് വളരെ നാളുകളായി കരുതുന്നുവെന്ന് പറഞ്ഞായിരുന്നു പലരും കൊച്ചുണ്ണിയിലേക്കെത്തിയത്. എന്നാല്‍ റിലീസിന ശേഷമാണ് അത് വേണ്ടായിരുന്നുവെന്ന് തോന്നിയത്. ഇനിയിപ്പോള്‍ സംവിധായകന്റെ വിശദീകരണത്തിന് എന്ത് പ്രസക്തി.

പക്കിയായാല്‍ മതിയായിരുന്നു

കൊച്ചുണ്ണിയെ കൊച്ചുണ്ണിയാക്കുന്നതില്‍ നിര്‍ണ്ണായക പങ്ക് വഹിച്ചയാളാണ് ഇത്തിക്കര പക്കി. സിനിമ റിലീസ് ചെയ്തപ്പോഴാണ് തനിക്ക് ഇത്തിക്കര പക്കിയായാല്‍ മതിയായിരുന്നുവെന്ന് നിവിന് തോന്നിയത്.

സെക്കന്‍ഡ് ഹീറോയോ?

കായംകുളം കൊച്ചുണ്ണിയില്‍ സെക്കന്‍ഡ് ഹീറോയായിരുന്നുവോയെന്ന് നിവിനോട് ചോദിച്ചപ്പോഴുള്ള പ്രതികരണം ഇങ്ങനെ, ആരായാലും ചങ്ക് തകര്‍ന്നുപോവില്ലേ. ഇ്ങ്ങനെയൊക്കെ ചോദിക്കാമോ?

നിവിന്റെ ഗസ്റ്റ് റോളോ?

കൊച്ചുണ്ണിയെക്കുറിച്ച് മികച്ച പ്രതികരണം ലഭിക്കുന്നതിന്‍രെ ത്രില്ലിലായിരുന്നു നിവിന്‍ പോളി. എന്നാല്‍ അതിനിടയിലാണ് ആ ഞെട്ടിക്കുന്ന കാര്യം പുറത്തുവന്നത്. മോഹന്‍ലാല്‍ പൊളിച്ചുവെന്നും നിവിന്റെ അതിഥി വേഷം പൊളിച്ചുവെന്നും കേട്ടതോടെ നിവിന്റെ ബോധവും പോയി.

ഗസ്റ്റും മാസ്സ് ഗസ്റ്റും

മോളിവുഡ് സിനിമയിലെ മികച്ച അതിഥി വേഷങ്ങളിലൊന്നാണ് നിരഞ്ജനെന്ന് നിസംശയം പറയാം, അത് മികച്ചതായിരുന്നുവെങ്കില്‍ ഇത് മികച്ച മാസ്സ് ഗസ്റ്റ് റോളാണ്.

ആര്‍ക്ക് ലഭിക്കും?

25 മിനിറ്റ് ഗസ്റ്റ് റോളില്‍ എത്തുന്ന മോഹന്‍ലാലിനായി നൂറിലധികം ഫാന്‍സ് ഷോകളാണ് സംഘടിപ്പിച്ചത്. ഓര്‍ക്കുക അതിഥി താരമായെത്തിയപ്പോഴാണ് ഇത് സംഭവിച്ചത്. നായകനായിരുന്നുവെങ്കിലോ?