സിനിമയിൽ എല്ലാം അഡ്ജസ്റ്റ്‌മെന്റാണ്! സിനിമ സൗഹൃദങ്ങളെ കുറിച്ച് സംവിധായകൻ

സിനിമയിൽ സൗഹൃദങ്ങളില്ല, സൗഹൃദങ്ങൾക്ക് സ്ഥാനവുമില്ല. കാരണം താനൊരു സിനിമക്കാരനോ സിനിമ പശ്ചാത്തലമുള്ള ആളോ ആല്ല. ആത്മാർഥ സൗഹൃദങ്ങളൊന്നും സിനിമയിൽ നിന്ന് കണ്ടിട്ടുമില്ല. എല്ലാം ഒരു തരത്തിലുളള അഡ്ജസ്റ്റ്മെന്റായിട്ടാണ് തോന്നിയിട്ടുള്ളത്- ഒമർ ലുലു അഭിമുഖത്തിൽ പറഞ്ഞു

സിനിമകളിലൂടെ ലഭിക്കുന്ന വിമർശനങ്ങളെ കുറിച്ചും സംവിധായകൻ തന്റെ നിലപാട് വ്യക്തമാക്കി. ഒരു പ്രൊഡക്ട് ചെയ്ത് നാൽ ആൾ അറിയുമ്പോഴാണ വിമർശനങ്ങളുണ്ടാകുന്നത്. അങ്ങനെ ലഭിക്കുന്ന റീച്ചിൽ സന്തോഷിക്കുകയാണ് ചെയ്യുന്നത്. കഴിഞ്ഞ വർഷം മലയാളത്തിൽ 190 ഓളം ചിത്രങ്ങൾ പുറത്തിറങ്ങിയിരുന്നു. അതിൽ 23 ചിത്രങ്ങൾ മാത്രമാണ് മുടക്കി പണം തിരിച്ചു പിടിച്ചത്. ആ ഒരു സാഹചര്യത്തിൽ പുതിയ കുട്ടികളെ വെച്ച സിനിമ എടുത്ത് മുടക്കിയ പണം തിരികെ പിടിക്കാൻ സാധിച്ചതിൽ സന്തോഷമുണ്ട്.

ഒരു കോമഡി എന്റർടെയ്മെന്റ് വിഭാഗത്തിൽ ഒരുങ്ങുന്ന ചിത്രമാണ് ധമാക്ക. വലിയ താരങ്ങളൊന്നും ചിത്രത്തിലില്ല. കഥയെ അടിസ്ഥാനമാക്കിയാണ് ആളുകൾ സിനിമ കാണുന്നത്. കോമഡി ആണെങ്കിൽ മാത്രമേ എല്ലാ വിഭാഗത്തിവുമുള്ള ആളുകൾ സിനിമ കാണാൻ എത്തുകയുള്ളു.വലിയ താരങ്ങളെ കിട്ടിയാല്‍ ബാക്കിയുള്ള കാര്യങ്ങള്‍ ശ്രദ്ധിച്ചാല്‍ മതിയാകും. ഓരോ സീനും ഇന്ററസ്റ്റ് ആക്കാന്‍ ശ്രമിക്കേണ്ടതില്ല. വലിയ താരങ്ങളെ ഇതുവരേ തേടി പോയിട്ടില്ലെന്നും ഒമർ ലുലു പറഞ്ഞു. ബാബു ആന്റണിയെ നായകനാക്കി ഒരുങ്ങുന്ന പവർസ്റ്റാറാണ് പുതിയ ചിത്രം.

രണ്ട് തലമുറയിലെ താരങ്ങളാണ് ധമാക്കയിലുള്ളത്. ഇന്നസെന്റ്, മുകേഷ്, ഉൾവശി എന്നിവർക്കൊപ്പം തെന്നിന്ത്യൻ താരം നിക്കി ഗൽറാണി, ധർമജൻ, ഹരീഷ് കണാരൻ , അരുൺ കുമാർ എന്നിവരും ചിത്രത്തിൽ പ്രധാന വേഷത്തിലുണ്ട്. മുകേഷിന്റെ ഭാര്യയായിട്ടാണ് ഉർവശി എത്തുന്നത്. അച്ഛനായി ഇന്നസെന്റും. ഒരുപാട് കാലത്തിന് ശേഷമാണ് ഇത്തരത്തിലുളല കഥാപാത്രവുമായി മുകേഷ് എത്തുന്നത്.