അവസാന രാത്രിയിൽ ചിരു നോക്കിയ നോട്ടം ഇന്നും മറക്കില്ല; പ്രിയതമനൊപ്പമുള്ള നിമിഷത്തെ കുറിച്ച് പറഞ്ഞ് മേഘ്‌ന രാജ്

2020 ജൂണ്‍ ആറിന് ചിരഞ്ജീവി ഉറങ്ങുന്നതിനും മുന്‍പ് ഞാന്‍ നേരത്തെ തന്നെ കിടന്ന് ഉറങ്ങിയിരുന്നു. ഉറക്കത്തിനിടെ രാത്രിയില്‍ ഞാന്‍ കണ്ണ് തുറന്ന് നോക്കിയപ്പോള്‍ അദ്ദേഹം എന്നെ തുറിച്ച് നോക്കുകയും പുഞ്ചിരിക്കുകയും ചെയ്യുന്നത് മാത്രം കണ്ടു. എന്താണ് ചിന്തിച്ചിരിക്കുന്നതെന്ന് ഞാന്‍ ചോദിച്ചു. അദ്ദേഹം ഒന്നും പറഞ്ഞില്ല. അന്ന് രാത്രി അദ്ദേഹം എന്റെ മുഖത്തേക്ക് നോക്കിയ ആ നോട്ടം എന്നും എന്റെയുള്ളില്‍ ഉണ്ടാവും. ഓരോ ദിവസവും ഞാന്‍ അതിനെ കുറിച്ചാണ് ചിന്തിക്കുന്നത്.

മകന്‍ ജനിച്ചതിന് ശേഷം ആദ്യമായി അദ്ദേഹത്തിന്റെ സ്മാരകം ഉള്ള ഫാമിലേക്ക് ഞാന്‍ കൊണ്ട് പോവുകയാണ്. ജൂണ്‍ ഏഴിന് തന്നെ അവിടെ പോകണമെന്ന് ഞാന്‍ ആഗ്രഹിച്ചു. അങ്ങനെ വീണ്ടും ഞങ്ങള്‍ ഒരുമിക്കാന്‍ പോവുകയാണ്. ചിരുവിനെ കുറിച്ച് എന്നോട് സംസാരിക്കുന്ന ഒരുപാട് ആളുകള്‍ ഉണ്ട്. കുടുംബാംഗങ്ങളോ സുഹൃത്തുക്കളോ അത് പറഞ്ഞ് കരയുന്നത് എനിക്ക് ഇഷ്ടപ്പെടുന്നില്ല.

ശരിയാണ്, നമ്മളെല്ലാവരും ദുഃഖിക്കുന്നത് തുടര്‍ന്ന് കൊണ്ടേ ഇരിക്കുകയാണ്. അതൊരിക്കലും കുറയുകയുമില്ല. എന്നാല്‍ ചിരഞ്ജീവിയെ കുറിച്ച് എല്ലാവരും സംസാരിക്കുമ്പോള്‍ അദ്ദേഹം ചെയ്ത നല്ല കാര്യങ്ങളെ കുറിച്ചും മറ്റുള്ളവരോട് ചിരു സംസാരിക്കുന്നത് പോലെ ആയിരിക്കണമെന്നും ഞാന്‍ ആഗ്രഹിക്കുകയാണ് എന്നും മേഘ്‌ന പറയുന്നു.

Recommended Video

Meghna raj shares cute interaction with jr c

ചിരഞ്ജീവിയുടെ വേര്‍പാടിന്റെ സമയത്ത് മേഘ് അഞ്ച് മാസം ഗര്‍ഭിണിയായിരുന്നു. ഒക്ടോബര്‍ 22 നാണ് ഒരു ആണ്‍കുഞ്ഞിന് ജന്മം കൊടുക്കുന്നതും. മകന്റെ വരവോട് കൂടി ജീവിതം തിരികെ പിടിച്ചിരിക്കുകയാണ് നടി. സിംബ എന്നാണ് കുഞ്ഞിന് പേരിട്ടിരിക്കുന്നത്. ചിരു ആഗ്രഹിച്ചത് പോലെ മകനെ വളര്‍ത്തണമെന്നാണ് തന്റെ ആഗ്രഹമെന്നും സ്ത്രീകള്‍ക്ക് വേണ്ടി സംസാരിക്കുന്ന വ്യക്തിയായി അവനെ വളര്‍ത്തുമെന്നും മേഘ്‌ന മുന്‍പ് പറഞ്ഞിരുന്നു. ചിരുവിന്റെ വേര്‍പാട് ദിവസം അദ്ദേഹത്തിനൊപ്പമുള്ള പ്രിയപ്പെട്ടൊരു ഫോട്ടോയും നടി പങ്കുവെച്ചിരുന്നു.