സോഷ്യൽ മീഡിയയിലെ ഇപ്പോഴത്തെ താരം നൂറിൻ! താരം ഒരു അഡാറ് സംഭവം തന്നെ! ചിത്രങ്ങൾ കാണാം

അഡാറ് ലവിലെ ഗാനം

ഒരു അഡാറ് ലവിലെ ഷാൻ റഹാമാൻ സംഗീതം നൽകി വിനീത് ശ്രീനിവാസൻ ആലപിച്ച മാണിക്യ മലരായ പൂവി എന്ന ഗാനമാണ് നൂറിനേയും ഹിറ്റാക്കിയത്. പാട്ടിൽ താരത്തിന്റെ ഗെറ്റപ്പ് ഏറെ ശ്രദ്ധേയമായിരുന്നു. പ്രത്യേക രീതിയിൽ കളർ ചെയ്ത് ഒരു ചുരുണ്ടമുടിക്കാരി മെഞ്ചത്തിയെ അന്നേ പ്രേക്ഷകർ ശ്രദ്ധിച്ചിരുന്നു.

പുള്ളിക്കാരി സ്റ്റാറാണ്

ചിത്രത്തിന്റെ പേരു പോലെ തന്നെയാണ് അതിലെ താരങ്ങളും. നൂറിൻ ഷെരിഫ് ഒരു അഡാറ് സംഭവം തന്നെയാണ്. 2017 ലെ മിസ് കേരളയായിരുന്നു ചവറ സ്വദേശിയായ നൂറിൻ. കൂടാതെ കൂടാതെ അരോറ ഫിലിം കമ്പനി നടത്തിയ ബ്യൂട്ടി അന്റ് ഫിറ്റ്നസ് കോണ്ടസ്റ്റിൽ നൂറിൻ വിജയി ആയിരുന്നു.

സോഷ്യൽ മീഡിയയിൽ പണ്ടേ ഹിറ്റ്

സിനിമയിൽ എത്തുന്നതിനു മുൻപ് തന്നെ നൂറിൻ സോഷ്യൽ മീഡിയയിൽ ഹിറ്റായിരുന്നു. താരത്തിന്റെ ഡബ്സ്മാഷ് സമൂഹമാധ്യമങ്ങളിൽ സൂപ്പർ ഹിറ്റായിരുന്നു. സിനിമയിൽ എത്തിയതിനു ശേഷവും നൂറിൻ തന്റെ ഈ പരിപാടി വിട്ടില്ല. ഒരു അഡാറ് ലവ് താരങ്ങളുടെ ഡബ്സ്മാഷ് സോഷ്യൽ മീഡിയയിൽ ഇപ്പോഴും വൈറലാണ്.

കലോത്സവത്തിൽ മിന്നുന്ന പ്രകടനം

സംസ്ഥാന കലേത്സവത്തിലെ താരമായിരുന്നു ചവറ സ്വദേശിയായ ഈ 19 കാരി. തുടർച്ചയായി കഴിഞ്ഞ 5 വർഷവും മർഗം കളിയ്ക്ക് ഒന്നാംസ്ഥാനം അടിച്ചെടുത്തത് ഈ താരസുന്ദരിയും കൂട്ടരുമായിരുന്നു. ഇതിനു പുറമേ ഒപ്പന, കഥാപ്രസംഗം, മിമിക്രി എന്നിവയിലും തന്റെ കഴിവു തെളിയിച്ചിരുന്നു ഈ താരം.

ചങ്ക്സിൽ

നൂറിൻ ഷെരിഫിന്റെ ആദ്യചിത്രമല്ല ഒരു അഡാറ് ലവ്. സംവിധായകൻ ഒമർ ലുലുവിന്റെ ചങ്കസ് എന്ന ചിത്രത്തിലും നൂറിൻ പ്രത്യക്ഷപ്പെട്ടിരുന്നു. എന്നാൽ ചിത്രത്തിൽ കുറച്ചു ഭാഗങ്ങളിൽ മാത്രമാണ് താരം ഉണ്ടായിരുന്നത്.