ചോര പൊടിയുന്നെങ്കില്‍ പോയി പ്രാക്ടീസ് ചെയ്യൂ, മമ്മൂട്ടിയോട് ഹരിഹരന്‍, ഭരത് അവാര്‍ഡും നേടി

ചന്തുവിനെ തോല്‍പ്പിക്കാനാവില്ല മക്കളേ

ചന്തുവിനെ തോല്‍പ്പിക്കാനാവില്ല മക്കളേ എന്ന ഡയലോഗ് അറിയാത്തവരായി ആരുമില്ല. 1989 ല്‍ റിലീസ് ചെയ്ത ചിത്രത്തിലെ സംഭാഷണ ശകലങ്ങളുള്‍പ്പടെ ചിത്രം ഇന്നും പ്രേക്ഷക മനസ്സില്‍ മായാതെ കിടപ്പുണ്ട്. വടക്കന്‍ പാട്ടുകളിലൂടെ പാടിപ്പതിഞ്ഞ ചതിയന്‍ ചന്തുവിന്റെ മുഖമായിരുന്നു വടക്കന്‍ വീരഗാഥയിലൂടെ കണ്ടത്.

എംടിയുടെ തൂലികയില്‍ പിറന്നു

മലയാളത്തിന്റെ സ്വന്തം കൂടല്ലൂര്‍കാരനായ എംടി വാസുദേവന്‍ നായരാണ് ചിത്രത്തിന്റെ തിരക്കഥ ഒരുക്കിയത്. പ്രേക്ഷകര്‍ ഇന്നും ഓര്‍ത്തിരിക്കുന്ന ഒട്ടേറെ മുഹൂര്‍ത്തങ്ങള്‍ക്ക് പിറകില്‍ തൂലിക ചലിപ്പിച്ചത് എംടിയെന്ന അതുല്യ പ്രതിഭയാണ്.

മമ്മൂട്ടിയെ ഭരത് മമ്മൂട്ടിയാക്കി

മെഗാസ്റ്റാര്‍ മമ്മൂട്ടിയുടെ കരിയര്‍ തന്നെ മാറ്റി മറിച്ച ചിത്രമായിരുന്നു ഒരു വടക്കന്‍ വീരഗാഥ. സംസ്ഥാനത്തില്‍ മാത്രമല്ല ദേശീയ തലത്തിലും പുരസ്‌കാരങ്ങള്‍ വാങ്ങിക്കൂട്ടിയ ചിത്രത്തിലൂടെയാണ് മമ്മൂട്ടിക്ക് ആദ്യമായി ഭരത് അവാര്‍ഡ് ലഭിച്ചത്.

കളരിപ്പയറ്റ് അറിയില്ലായിരുന്നു

വടക്കന്‍ വീരഗാഥ സിനിമ ചെയ്യുമ്പോള്‍ മമ്മൂട്ടിക്ക് കളരിപ്പയറ്റ് അറിയില്ലായിരുന്നു. ചന്തു ചേകവരായി വേഷമിടാന്‍ കളരിപ്പയറ്റ് നിര്‍ബന്ധവുമായിരുന്നു. ചിത്രത്തിനു വേണ്ടിയാണ് മെഗാസ്റ്റാര്‍ കളരിപ്പയറ്റ് അഭ്യസിച്ചത്.

കളരിപ്പയറ്റ് പഠിച്ചു

വടക്കന്‍ വീരഗാഥയ്ക്കു വേണ്ടി മമ്മൂട്ടിയെ കളരിപ്പയറ്റ് പഠിപ്പിക്കുന്നതിനയായി ആളെ ഏര്‍പ്പാടാക്കിയിരുന്നു. ആശാന്റെ ശിക്ഷണത്തിലൂടെയാണ് താരം കളരി അഭ്യസിച്ചത്. എത്ര മെയ് വഴക്കത്തോടെയാണ് കളരി രംഗങ്ങള്‍ മെഗാസ്റ്റാര്‍ പൂര്‍ത്തിയാക്കിയത്.

മുറിവു പറ്റി രക്തം പൊടിഞ്ഞു

ചിത്രീകരണ സമയത്ത് അങ്കം വെട്ടുന്നതിനിടയില്‍ പലപ്പോഴും മമ്മൂട്ടിയുടെ ശരീരത്തില്‍ നിന്നും രക്തം പൊടിഞ്ഞിരുന്നു. പരിശീലനം കപറവായതു കൊണ്ടാണ് ഇങ്ങനെ സംഭവിക്കുന്നതെന്നാണ് അന്ന് സംവിധായകനായ ഹരിഹരന്‍ മമ്മൂട്ടിയോട് പറഞ്ഞത്.