പാടാത്ത പൈങ്കിളി സീരിയല്‍ താരം ഐശ്വര്യ വിവാഹിതയായി; അവന്തികയ്ക്ക് ആശംസയുമായി ആരാധകര്‍...

മിനിസ്‌ക്രീന്‍ രംഗത്ത് സജീവമാണ് ഐശ്വര്യ ദേവി. നിലവില്‍ ഏഷ്യാനെറ്റ് സംപ്രേക്ഷണം ചെയ്യുന്ന പാടാത്ത പൈങ്കിളി എന്ന പരമ്പരയിലാണ് അഭിനയിക്കുന്നത്. നായകന്‍ ദേവയുടെ പെങ്ങളായ അവന്തിക എന്ന കഥാപാത്രത്തെയാണ് നടി അവതരിപ്പിക്കുന്നത്. അനു മോള്‍ക്ക് പകരമാണ് താരം സീരിയലില്‍ എത്തിയത്. വളരെ പെട്ടെന്ന് തന്നെ ഐശ്വര്യയയെ അവന്തികയായി പ്രേക്ഷകര്‍ അംഗീകരിക്കുകയായിരുന്നു.

സ്വന്തം കല്യാണമായത് കൊണ്ട് അല്‍പം ടെന്‍ഷനുണ്ടെന്ന് ഐശ്വര്യ പറയുന്നുണ്ട്. ഷൂട്ടിംഗിലൊക്കെ ഒരുപാട് കല്യാണങ്ങള്‍ നടന്നിട്ടുണ്ട്. അതുപോലൊക്കെയാണ് തോന്നുന്നത്. എന്നാലും സ്വന്തം കല്യാണമാണ്, കുറച്ച് ടെന്‍ഷനുണ്ടെന്നായിരുന്നു വിവാഹ ശേഷം നടി പറഞ്ഞത്. താരത്തിന്റെ വിവാഹ വസ്ത്രം ശ്രദ്ധിക്കപ്പെട്ടിട്ടുണ്ട്. ബ്ലൗസില്‍ ഒരു പല്ലക്കിന്റെ ഡിസൈന്‍ ആണ് ചെയ്തിരിക്കുന്നത്. അതുപോലെ മെഹന്ദിയില്‍ ഒരു ബ്രൈഡിന്റേയും ഗ്രൂമിന്റേയും ഡിസൈനാണ് വരച്ചിക്കുന്നത്. വിവാഹത്തിന് ശേഷവും അഭിനയത്തില്‍ തുടരുമോ എന്നാണ് ആരാധകര്‍ക്ക് അറിയേണ്ടത്.

സേവ് ദ് ഡേറ്റ് വീഡിയോയും ചിത്രങ്ങളും പുറത്ത് വന്നപ്പോഴാണ് ഐശ്വര്യയുടേയും സിദ്ധാര്‍ത്ഥിന്റേയും വിവാഹ വാര്‍ത്ത പുറം ലോകത്ത് എത്തുന്നത്. നടി തന്നെയാണ് ഇന്‍സ്റ്റഗ്രാം പേജില്‍ വീഡിയോ പങ്കുവെച്ചത്. നറുമുകയേ എന്ന തമിഴ് പാട്ടിന്റെ പശ്ചാത്തലത്തിലാണ് വീഡിയോ ഒരുക്കിയത്. തമിഴ് ഗെറ്റപ്പിലാണ് ഇരുവരും വീഡിയോയില്‍ എത്തിയത്. പ്രൈം ടൈസ് വെഡ്ഡിങ് ആണ് സേവ് ദ് ഡേറ്റ് ചെയ്തത്.
ഇതും വൈറല്‍ ആയിരുന്നു. ഒമാനില്‍ ജോലി ചെയ്യുകയാണ് സിദ്ധാര്‍ത്ഥ്.