ഓരോ പടികളായി കേറുമ്പോൾ കിട്ടുന്ന സുഖം പറഞ്ഞറിയിക്കാൻ സാധിക്കില്ല, പുതിയ സന്തോഷം പങ്കുവെച്ച് സൂരജ് സൺ

സീരിയലിൽ നിന്ന് മാറി എങ്കിലും പ്രേക്ഷകരുമായി വളരെ അടുത്ത ബന്ധമാണ് സൂരജിനുള്ളത്. സോഷ്യൽ മീഡിയയിലൂടേയും മാറ്റും ആരാധകരുമായി ആശയവിനിമയം നടത്താറുണ്ട്. സ്വന്തമായി യുട്യൂബ് ചാനലും സൂരജിനുണ്ട്. ഇതിലൂടെ തന്റെ വിശേഷവും മോട്ടിവേഷൻ വീഡിയോകളും പങ്കുവെച്ച് താരം എത്താറുണ്ട്. ഇപ്പോഴിത തന്റെ പുതിയ വിശേഷവുമായി താരം എത്തിയിരിക്കുന്നത്. തന്റെ ഉയർത്ത് എഴുന്നേൽപ്പിനെ കുറിച്ചാണ് സൂരജ് പറയുന്നത്

നമ്മളെല്ലാരും ജീവിതത്തിൽ വന്ന വഴിയിലേക്ക് ഒന്ന് തിരിഞ്ഞു നോക്കുമ്പോൾ പലരും ഇപ്പോൾ നമ്മളോട് ചോദിക്കുന്ന ഒരു ചോദ്യം ഓർമ്മവരും "എന്തായി ഒന്നും നടന്നില്ല അല്ലേ വല്ലതും നടക്കുമോ" അപ്പോ എനിക്ക് ഒക്കെ പറയാൻ പറ്റുന്ന ഒരു ഉത്തരം "ഇത്രയെങ്കിലും ചെയ്യാൻ സാധിച്ചല്ലോ എന്നാണ് " അതെ കുറച്ചു വർഷങ്ങൾക്കു മുൻപ് സിനിമകളുടെ കൊട്ടാരം എന്ന് വിശേഷിപ്പിക്കുന്ന എറണാകുളത്തേക്ക് ഞാൻ വന്നപ്പോൾ പുറത്ത് പറയാൻ കൂടി യോഗ്യതയില്ലാത്ത അടക്കിപ്പിടിച്ച ഒരുപാട് സ്വപ്നങ്ങൾ മാത്രമായിരുന്നു കൈമുതൽ. ഏതു വഴിയിൽ സഞ്ചരിച്ചാൽ ലക്ഷ്യത്തിലെത്തും എന്ന് ഒരു പിടിയും ഉണ്ടായിരുന്നില്ല, ചോദിക്കാനോ പറയാനോ നല്ലതും ചീത്തയും ചൂണ്ടിക്കാണിക്കാനോ ആരുമില്ലാതിരുന്ന ഒരു കാലം. അനുഭവങ്ങൾ ചൂണ്ടിക്കാണിച്ചു തന്നു ശരിയും തെറ്റും, കഠിനാധ്വാനം സ്വപ്നങ്ങൾ നെയ്യാൻ സഹായിച്ചു. ആത്മവിശ്വാസം വിജയിക്കുമെന്നുള്ള ധൈര്യം തന്നു.

വിലപിടിപ്പുള്ള ക്യാമറകൾ വാങ്ങി കൊച്ചിയിൽ നടക്കുന്ന പലപല ഫോട്ടോഷൂട്ടുകളും ഫാഷൻ ഷോകളും പലരുടെയും മുതലെടുപ്പിന് വേണ്ടി സൗജന്യമായി ചെയ്തു കൊടുത്ത കാലം, പക്ഷേ നാളെ എന്ന പ്രതീക്ഷയും ആ വർക്കുകളിൽ നിന്ന് കിട്ടുന്ന ഒരു നല്ല contact experience അതാണ് നമ്മുടെ സമ്പാദ്യം. നാളെ ഒരു നടൻ ആവണം വൈകുന്ന ഓരോ ചുവടുകളും ഉറപ്പുള്ളതും ആയിരിക്കണം എന്ന ആത്മവിശ്വാസം എന്നെ കൈവിടാത്തത് കൊണ്ട് ഞാൻ പിടിച്ചു നിന്നു.

ഫാഷൻ ഷോകൾക്ക് ഫോട്ടോ എടുക്കുമ്പോൾ ജഡ്ജ്മെന്റ് പാനലിന്റെ തൊട്ടു പിറകിൽ ആയിരിക്കും ഞാൻ, അന്നും ഒന്ന് എത്തി നോക്കുമായിരുന്നു ആഗ്രഹങ്ങൾ കൊണ്ട് ഓരോ സെലിബ്രിറ്റികളും കയറിവരുമ്പോൾ അവരുടെ മുന്നിലും സൈഡിൽ നിന്ന് ഫോട്ടോ എടുക്കുമ്പോൾ അറിയാതെ എന്നെ തന്നെ ഞാൻ അവരിൽ കാണാറുണ്ടായിരുന്നു. വല്ലാത്ത ഒരു അവസ്ഥയാണ് കേട്ടോ😊..ഇന്നു അതെ പോലെ ഉള്ള ജഡ്ജിംഗ് പാനലിൽ ഇരിക്കാൻ സാധിക്കുമ്പോൾ കിട്ടുന്ന ആത്മവിശ്വാസവും അഭിമാനവും സന്തോഷവും ഒക്കെ വളരെ വലുതാണ്. ഇപ്പോൾ ഓരോ പടികളായി കേറുമ്പോൾ ആ കിട്ടുന്ന സുഖം പറഞ്ഞറിയിക്കാൻ സാധിക്കില്ല. എനിക്ക് നിങ്ങളോട് പറയാനുള്ളത് ഇത് മാത്രമാണ് ലക്ഷ്യ വും സത്യസന്ധവും ആത്മാർത്ഥവും പ്രയത്നവും കൂടെ ഉണ്ടെങ്കിൽ വിജയം ഉറപ്പാണെന്ന്💪 നിങ്ങളുടെ സ്വന്തം സൂരജ്... എന്ന് ഇൻസ്റ്റഗ്രാമിൽ കുറിച്ചു .

താരത്തിന്റെ വാക്കുകൾ സോഷ്യൽ മീഡിയയിൽ വൈറലായിട്ടുണ്ട്. കഠിനപ്രയത്നത്തിന് ഫലം ഉണ്ടാവുമെന്നാണ് ആരാധകർ പറയുന്നത്. ''പ്രയത്നത്തിന്റെ ഫലം വിജയം അത് ഉറപ്പുനൽകും... ആഗ്രഹങ്ങൾ മനസ്സിൽ കൊണ്ട് നടക്കുന്നതിൽ അല്ല അതെ ആഗ്രഹങ്ങൾക്ക് ഒരുപടി മുന്നേ നടന്നു നേടി എടുക്കുവന്നവരാണ് യഥാർത്ഥ പോരാളി.... അതിൽ സൂരജ് ഏട്ടന് അഭിമാനിക്കാം 💪... ഓരോ തോൽവികളും ഓരോ വിഷമ ഘട്ടങ്ങളും positive ആയി എടുത്തു വിജയത്തിലേക്കുള്ള ചവിട്ടുപാടികളായി കാണാൻ ഉള്ള ആ മനസ്സ് അത് എല്ലാർക്കും കിട്ടണമെന്നില്ല, എല്ലാം നല്ലതിനാവും എന്ന പോസിറ്റീവ് mind ആ വിശ്വാസം, അതു കൈമുതലായുള്ളടത്തോളം ഒരാൾക്കും തോല്പിക്കാൻ സാധിക്കില്ല.. 🔥... Be happy be confident... സ്വപ്നങ്ങൾ നെയ്യുന്നതിൽ അല്ല സ്വപ്‌നങ്ങൾ സഫലമാക്കാൻ പൊരുതുന്നതാണ് ഒരാളുടെ വിജയം അത് സൂരജ് ഏട്ടൻ പഠിപ്പിച്ചു തന്നു ഒരാൾ കുറിച്ചു.

ക്യാമറയ്ക് പിന്നിൽ നിന്നും മുന്നിലേയ്ക്! പല സൂപ്പർ താരങ്ങളുടെയും ജീവിതത്തിൽ സംഭവിച്ചിട്ടുള്ള കാര്യം. തന്റെ ലക്ഷ്യം നേടിയെടുക്കാനുള്ള വഴിയിൽ തടസ്സമായി വന്ന വ്യക്തികളെയും സാഹചര്യങ്ങളെയും നേരിട്ട അപമാനങ്ങളെയും അതിജീവിച്ച് വിജയിച്ചയാളെ പിന്നീട് എത്ര വലിയ പ്രതിസന്ധിയിൽപ്പെടുത്തി തകർക്കാൻ നോക്കിയാലും അയാൾ തകരില്ല. അതുകൊണ്ട് തന്നെ കടന്നുപോയ കഷ്ടപാടുകൾ ഇനിയങ്ങോട്ടുള്ള വിജയത്തിന്റെ മുന്നോടിയായിയിരുന്നു എന്ന് കരുതുക എന്നാണ് മറ്റൊരാളുടെ വാക്ക്.

Recommended Video

രാജാവിന്റെ മകന്‍ മോഹന്‍ലാലിനെ സൂപ്പര്‍സ്റ്റാര്‍ ആക്കിയ പോലെ കുറുപ്പ് ദുല്‍ഖറിനും ഗുണകരമാകും

സൂരജ് ഏട്ടന്റെ ഓരോ വിജയത്തിലും ഒരുപാടു സന്തോഷമുണ്ട്. ഇനിയുള്ള ഓരോ ചുവടുവപ്പുകളും വിജയങ്ങളുടേത്‌ മാത്രമാകട്ടെ. ഇപ്പോഴുള്ള ഈ വിജയത്തിൽ എന്റെ ഹൃദയംനിറഞ്ഞ ആശംസകൾ, ഇനിയും ഒരുപാട് ഉയരങ്ങളിൽ എത്താൻ ഈശ്വരൻ അനുഗ്രഹിക്കട്ടെ എന്ന് പ്രാർത്ഥിക്കുന്നു പടവുകൾ ചവിട്ടി കയറാൻ ഈശ്വരൻ കൂടെ ഉണ്ടാവട്ടെ എന്നിങ്ങനെയുള്ള കമന്റുകളാണ് ലഭിക്കുന്നത്.