ആ ഡയലോഗ് വീണ്ടും പാർവതി ആവർത്തിച്ചു!! വൈകാരികമായി പ്രതികരിച്ച് കെഎസ് ചിത്ര...

പാട്ട് വേദിയിൽ കണ്ണ് നിറച്ച് നടി

മഴവില്ല് മനോരമ സംപ്രേക്ഷണം ചെയ്യുന്ന പാടാം നമുക്ക് പാടം എന്ന റിയാലിറ്റി ഷോയിലായിരുന്നു വൈകാരിക മുഹൂർത്തം അരങ്ങേറിയത്. ഷോയിൽ പാർവതി അതിഥിയായി എത്തിയപ്പോഴായിരുന്നു പ്രേക്ഷകർക്കായി ആ സൂപ്പർ ഹിറ്റ് ഇമോഷണൽ ഡയലോഗ് പറഞ്ഞത്. അപ്പേട്ടൻ എന്നെ സ്നേഹിക്കുന്നതിനെക്കാലും ഒരായിരം മടങ്ങ് ഞാൻ എന്റെ മൊയ്തിനെ സ്നേഹിക്കുന്നു എന്നുള്ള ഡയലോഗ് പാർവതി പറഞ്ഞപ്പോൾ നിറകയ്യടികളോടെയായിരുന്നു സദസ് സ്വീകരിച്ചത്.

പാർവതിയോട് അഭ്യർഥന

ചിത്രം പുറത്തിറങ്ങി വർഷങ്ങൾക്ക് ശേഷമാണ് ആ സൂപ്പർ ഹിറ്റ് ഡയലോഗ് പാർവതി വീണ്ടും വേദിയിൽ അവതരിപ്പിക്കുന്നത്. അതും പ്രേക്ഷകരുടെ അഭ്യർഥന പ്രകാരമായിരുന്നു നടി ഈ ഡയലോഗ് അവതരിപ്പിച്ചത്. കയ്യടികളോടൊയായിരുന്നു ക‍ഞ്ചനമാലയെ ഒരിക്കൽ കൂടി പ്രേക്ഷകർ സ്വീകരിച്ചത്.

വൈകാരികമായി പ്രതികരിച്ച് ചിത്ര

കാഞ്ചനമാലയായിട്ടുള്ള പാർവതിയുടെ അതിഗംഭീര പ്രകടനത്തെ വൈകാരികമായിട്ടാണ് ചിത്രയുൾപ്പെടെയുളളവർ പ്രതികരിച്ചത്. തനിയ്ക്ക് ഒരുപാട് ആരാധിക്കുകയും ബഹുമാനിക്കുകയും ചെയ്യുന്ന നടിയാണ് പാർവതിയെന്നും ചിത്ര പറഞ്ഞു. അങ്ങനെ പെട്ടെന്ന് ആരോടും ഇഷ്ടം തോന്നുന്ന ആളല്ലെ താൻ, എന്നാൽ പാർവതിയുടെ കഥാപാത്രങ്ങളോട് നല്ല ഇഷ്ടം തോന്നാറുണ്ടെന്നും സംഗീത സംവിധായകൻ ശരത് പറഞ്ഞു. പിന്നീട് എന്നിലെ എല്ലിനാൽ എന്ന തുടങ്ങുന്ന ഗാനവും പാർവതിയ്ക്കായി പാടിയിരുന്നു.

പാർവതിയും പൃഥ്വിരാജ്

പാർവതിയും പൃഥ്വിരാജും തകർത്ത് അഭിനയിച്ച ചിത്രമായിരുന്ന എന്ന് നിന്റെ മെയാതീൻ. ഈ ചിത്രത്തിലെ പ്രകടനത്തിന് പാർവതിയെ തേടി പുരസ്കാരങ്ങൾ എത്തിയിരുന്നു. 2016 ലെ കേരള സർക്കാരിന്റെ മികച്ച നടിയ്ക്കുള്ള പുരസ്കാരം, ആ വർഷം തന്നെ ഫിലിം ഫെയർ പുരസ്കാരം എന്നിവയ്ക്ക് താരം ആർഹയായിരുന്നു.