പവിത്രത്തിലെ ചേട്ടച്ഛനും മീനാക്ഷിയും ഇന്ന്; സോഷ്യൽമീഡിയയിൽ വൈറലായി ചിത്രം

താര സംഘടനയായ അമ്മയുടെ ആസ്ഥാന മന്ദിരത്തിന്റെ ഉദ്ഘാടന ചടങ്ങിയിലായിരുന്നു ചേട്ടച്ഛനും മീനാക്ഷിയും കണ്ടുമുട്ടിയത്. ഇരുവരും ചേർന്ന് എടുത്ത സെൽഫിയാണ് സമൂഹമാധ്യമങ്ങളിൽ വൈറലാകുന്നത്. മോഹൻലാൽ ചേട്ടച്ഛൻ ആയപ്പോൾ വിന്ദുജ മേനോനാണ് മീനാക്ഷിയായി ചിത്രത്തിലെത്തിയത്. ഹിറ്റ് ചിത്രമായ പവിത്രത്തിന്റെ 27ാം വർഷികം ആരാധകർ ആഘോഷിത്തവെയാണ് താരങ്ങളുടെ ഒന്നിച്ചുള്ള കണ്ടുമുട്ടൽ.ചിത്രം പ്രേക്ഷകരുടെ ഇടയിൽ വൈറലായിട്ടുണ്ട്.

സിനിമയുടെ പേര് പോലെ തന്നെ പവിത്രമായ ബാനധത്തിന്റെ കഥയാണ ചിത്രവും പറഞ്ഞത്. അച്ഛനും അമ്മയ്ക്കും പ്രായമായപ്പോൾ ഒരു പെൺകുഞ്ഞ് പിറക്കുന്നതും കുഞ്ഞിനെ സ്വന്തം മകളെ പോലെ ചേട്ടൻ വളർത്തുന്നതുമണ് ചിത്രം. പ്രമേയം കൊണ്ട് ഏറെ വ്യത്യസ്തത പുലർത്തിയിരുന്ന ചിത്രം അന്ന് ഏറെ ശ്രദ്ധിക്കപ്പെട്ടിരുന്നു. സിനിമ പുറത്തിറങ്ങി വർഷങ്ങൾ കഴിഞ്ഞിട്ടും ഇന്നും പ്രേക്ഷകരുടെ ഇടയിൽ പവിത്രം ചിത്രത്തിലെ കഥാപാത്രങ്ങളും ഏറെ ചർച്ചാ വിഷയമാണ്.

ബിന്ദുജ മേനോന്റെ ആദ്യ ചിത്രമായിരുന്നു ഇത്14, 15 വയസ്സ് പ്രായമുളളപ്പോഴായിരുന്നു നടി ചിത്രത്തിൽ അഭിനയിക്കുന്നത്. അതിനാൽ തന്നെ ഇത്ര വൈകാരികമായ സിനിമയുടെ വൈകാരികതയെ കുറിച്ച് അന്ന് അറിയില്ലായിരുന്നെന്ന് ഒരു അഭിമുഖത്തിൽ ബിന്ദുജ മേനോൻ പറ‍ഞ്ഞിരുന്നു. പ്രായം ചെല്ലുന്തോറുമാണ് സിനിമയുടെ ആ ഒരു ആഴം മനസിലാകുന്നതെന്നും നടി പറഞ്ഞിരുന്നു. മീനാക്ഷിയ്ക്ക് ശേഷം അത്രയും മികച്ച ഒരു കഥാപാത്രത്തെ ലഭിച്ചിട്ടില്ലെന്നു നടി പഴയ ഒരു അഭിമുഖത്തിൽ പറഞ്ഞിരുന്നു.

ചിത്രത്തിൽ മോഹൻലാലിനോടൊപ്പം വൻ താരനിരയായിരുന്നു ചിത്രത്തിൽ അണിനിരന്നത്. ശോഭന, വിന്ദുജ മേനോന്‍, തിലകന്‍, ശ്രീവിദ്യ, ശ്രീനിവാസന്‍, നെടുമുടി വേണു, ഇന്നസെന്റ് എന്നിവരാണ് ചിത്രത്തിലെ പ്രധാന കഥാപാത്രങ്ങളെ അവതരിപ്പിച്ചത്.കഥാതന്തുകൊണ്ടും സംഗീത സൗകുമാര്യം കൊണ്ടും പ്രേക്ഷക ഹൃദയങ്ങള്‍ ഏറ്റെടുത്തുടുത്ത ചിത്രമായിരുന്നു പവിത്രം. ശരത്ത് സംഗീത സംവിധാനം നിര്‍വ്വഹിച്ച ചിത്രത്തിന്റെ ഛായാഗ്രഹണം നിര്‍വഹിച്ചിരിക്കുന്നത് സന്തോഷ് ശിവനാണ്.