നിന്നോടൊപ്പമുള്ള ദിവസങ്ങളെല്ലാം ആഘോഷമാണെന്ന് ശ്രിനിഷ്! പേളിക്കൊപ്പമുള്ള ദീപാവലി ആഘോഷം ഇങ്ങനെ!

ബിഗ് ബോസിലെക്കിയെതിന് ശേഷമായിരുന്നു പേളി മാണിയുടെ യഥാര്‍ത്ഥ മുഖം പുറത്തുവന്നത്. ക്യാമറയ്ക്ക് മുന്നില്‍ നില്‍ക്കുന്നതിനിടയില്‍ ബോള്‍ഡ്നെസ്സ് കാണിക്കുന്നതാണെന്നും യഥാര്‍ത്ഥത്തിലുള്ള തന്‍റെ ക്യാരക്ടര്‍ ഇങ്ങനെയാണെന്നും താരം വ്യക്തമാക്കിയിരുന്നു. പരിപാടിയുമായി മുന്നേറുന്നതിനിടയിലായിരുന്നു ഇരുവരും പ്രണയത്തിലായത്. മാറി നിന്നുള്ള സംസാരവും രാത്രിയിലെ മാറിയിരിക്കലിനെക്കുറിച്ചുമൊക്കെ പറഞ്ഞ് സഹമത്സരാര്‍ത്ഥികളും ഇവരെ മത്സരിച്ചിരുന്നു. അതിനിടയിലാണ് തങ്ങള്‍ പ്രണയത്തിലാണെന്ന് വ്യക്തമാക്കി ഇവരെത്തിയത്.

സീരിയലിലൂടെയാണ് തുടക്കം കുറിച്ചതെങ്കിലും സിനിമാമോഹമുണ്ടെന്ന് ശ്രിനിഷ് പറഞ്ഞിരുന്നു. ഇ ടിവിയുടെ പുതിയ സീരിയലുമായി ബന്ധപ്പെട്ട തിരക്കുകളിലാണ് താരം. കാത്തിരിപ്പിനൊടുവില്‍ മലയാളത്തിലേക്കും എത്തിയേക്കുമെന്ന തരത്തിലുള്ള വിലയിരുത്തലുകളും പുറത്തുവന്നിരുന്നു. ബോളിവുഡ് അരങ്ങേറ്റവുമായാണ് പേളി മാണി എത്തുന്നത്. അഭിഷേക് ബച്ചന്‍റെ നായികയായുള്ള വരവിനെക്കുറിച്ച് താരവും പറഞ്ഞിരുന്നു.

പേളിയും ശ്രീനിയും സോഷ്യല്‍ മീഡിയയില്‍ ഏറെ സജീവമാണ്. വിവാഹത്തിന് ശേഷവും ഇവര്‍ക്കെതിരെയുള്ള വിമര്‍ശനം തുടരുകയാണ്. അത്തരക്കാര്‍ക്ക് ചുട്ടമറുപടിയുമായി അഭിനേത്രിയായ സ്വാസിക വേണുഗോപാല്‍ എത്തിയിരുന്നു. താരത്തിന്റെ പോസ്റ്റ് സോഷ്യല്‍ മീഡിയയിലൂടെ വൈറലായിരുന്നു. വിവാഹശേഷമുള്ള വിശേഷങ്ങളറിയാനായി കാത്തിരുന്നവരെല്ലാം സന്തോഷത്തിലാണ്. പേളിഷ് ദമ്പതികള്‍ തന്നെ വിശേഷങ്ങള്‍ പങ്കുവെയ്ക്കുന്നുണ്ട്.

സോഷ്യല്‍ മീഡിയയിലൂടെ നിമിഷനേരം കൊണ്ടാണ് ചിത്രങ്ങള്‍ തരംഗമായി മാറിയത്. വിവാഹത്തിനിടയിലെ കാര്യങ്ങള്‍ മാത്രമല്ല അതിന് ശേഷമുള്ള വിശേഷങ്ങളും വൈറലായി മാറുന്നുണ്ട്. പേളിഷ് ദമ്പതികളുടെ ഈ സന്തോഷം എന്നും നിലനില്‍ക്കട്ടെയെന്നാണ് ആരാധകര്‍ പറയുന്നത്. സ്‌ക്രീനില്‍ മാത്രമല്ല ജീവിതത്തിലും മികച്ച പിന്തുണയുമായി ഇവര്‍ മുന്നേറുന്നതാണ് തങ്ങള്‍ക്ക് കാണേണ്ടതെന്നും ആരാധകര്‍ പറയുന്നുണ്ട്.