ഹണിമൂണ്‍ തകര്‍ത്തു, വിവാഹശേഷം ഭര്‍ത്താവിനെ കുറിച്ച് പേളി പറയുന്നതിങ്ങനെ! വൈറലായി പേളിയുടെ പോസ്റ്റ്

പേര്‍ളിയുടെ കുറിപ്പ്

പ്രിയപ്പെട്ട ശ്രീനി.. നമ്മുടെ വിവാഹം കഴിഞ്ഞതിന് ശേഷം നിങ്ങളുടെ ആദ്യത്തെ പിറന്നാളാണിത്. ഇനിയും നമുക്ക് ഒരുപാട് ദൂരം പോവാനുണ്ട്. വിവാഹം നടത്തിയിരിക്കുന്നത് യഥാര്‍ഥ ആളോടൊപ്പമാണെന്ന കാര്യം നീ എനിക്ക് തെളിയിച്ച് തന്നിരിക്കുകയാണ്. ഇത് മനോഹരമായ അനുഭവമാണ്. ഒരു ജീവിത പങ്കാളിയില്‍ നിന്നും ലഭിക്കാവുന്ന എല്ലാ കാര്യങ്ങളും നിന്നിലൂടെ എനിക്ക് ലഭിക്കുന്നുണ്ട്. നിങ്ങള്‍ എന്നെ മനസിലാക്കുന്നു, ചെറിയ കാര്യങ്ങളില്‍ പോലും സന്തോഷം കണ്ടെത്തുന്ന ആളാണ് നിങ്ങള്‍. ഞാന്‍ ടെന്‍ഷന്‍ അടിച്ചിരിക്കുമ്പോള്‍ നിങ്ങള്‍ എന്നെ ചിരിപ്പിക്കാറുണ്ട്.

ഒരു കുഞ്ഞിനെ പോലെ നിങ്ങളെന്നെ ലാളിക്കുന്നു. നിങ്ങളൊരു തമാശക്കാരനാണ്, വിനയമുള്ള ആളാണ്, സൗഹൃദം സുക്ഷിക്കുന്ന ആളാണ്, നിങ്ങള്‍ ആരാണെന്നുള്ളതില്‍ അതില്‍ ആത്മവിശ്വാസമുള്ള ആളാണ്. എന്തെങ്കിലും സംശയമുണ്ടെങ്കില്‍ അതൊരു മടിയുമില്ലാതെ ചോദിക്കും. എന്നെങ്കിലും ഹൃത്വിക് റോഷനെ കണ്ടുമുട്ടുക എന്നതാണ് നിങ്ങളുടെ ഏറ്റവും വലിയ ആഗ്രഹം. എന്നെ പോലെ തന്നെ ഭക്ഷണത്തെയും നിങ്ങള്‍ ഒരുപാട് സ്‌നേഹിക്കുന്നു. മലമുകളിലുള്ള കാക്കകള്‍ എന്താ വ്യത്യസ്തമായിരിക്കുന്നതെന്ന് നമ്മള്‍ ചര്‍ച്ച ചെയ്യാറുണ്ട്.

അത്രയും മനോഹരമായ കുട്ട യില്‍ നീ എന്നെ കൊണ്ടുപോയി. ഈ ജീവിതം മുഴുവന്‍ നിങ്ങളോടൊപ്പം ജീവിക്കുന്നതില്‍ ഞാനിപ്പോഴും ആകാംഷയിലാണ്. ഈ സ്‌നേഹം ഒരിക്കലും അവസാനിക്കില്ലെന്ന് നീ എനിക്ക് തെളിയിച്ച് തന്നതില്‍ നന്ദി പറയുന്നു. പിറന്നാള്‍ ആശംസകള്‍. ഞാന്‍ നിങ്ങളെ ഒരുപാട് സ്‌നേഹിക്കുന്നു. ദശലക്ഷം ആളുകളില്‍ ഒരാളെ നിങ്ങളെ പോലെ ഉണ്ടാവുകയുള്ളു. ഞാന്‍ നിങ്ങളിലൂടെ കാണുന്നത് പോലെ ലോകം മുഴുവന്‍ കാണുവാന്‍ ആഗ്രഹിക്കുകയാണ്. നിങ്ങള്‍ ശരിക്കുമൊരു ജെന്റില്‍മാന്‍ ആണെന്ന് ഭാഗ്യത്തോടെ ഞാന്‍ വിളിക്കുമെന്നും പേര്‍ളി പറയുന്നു.

ഹണിമൂണ്‍ യാത്രകള്‍

വിവാഹം കഴിഞ്ഞതോടെ ഹണിമൂണ്‍ ആഘോഷത്തിലായിരുന്നു പേര്‍ളിയും ശ്രീനിഷും. പേര്‍ളിയുടെ ജീവിതത്തിലെ ഏറ്റവും വലിയ ആഗ്രഹങ്ങളിലൊന്നായ ഹിമാലയത്തിലേക്കാണ് ഇരുവരും യാത്ര പോയത്. വിവാഹത്തിന് ശേഷമുള്ള ആദ്യ പിറന്നാള്‍ ഇരുവരും ആഘോഷിച്ചത് ഇവിടെ നിന്നുമായിരുന്നു. പേര്‍ളിയുടെ പിറന്നാളിന് സര്‍പ്രൈസാണ് ശ്രീനി ഒരുക്കിയിരുന്നത്. ക്യാംപ് ഫയര്‍ ഒരുക്കിയും കാട്ടിലൂടെയും മലകള്‍ കയറിയും വേറിട്ടൊരു യാത്രാനുഭവമായിരുന്നു താരദമ്പതികള്‍ക്ക് ലഭിച്ചത്. ഇക്കാര്യങ്ങള്‍ ഇന്‍സ്റ്റാഗ്രം പേജിലൂടെ ഇരുവരും പങ്കുവെക്കാറുണ്ട്. ഹിമാലയത്തില്‍ നിന്നുള്ള ചിത്രങ്ങള്‍ ആരാധകര്‍ ഏറ്റെടുത്തിരുന്നു.