നിഗൂഢതകൾ ഒളിപ്പിച്ച് വെച്ച് ഹൂ!! പേളി കാണുന്നതു പോലെയല്ല!! ഹൂവിനെ കുറിച്ചുള്ള പ്രതികരണം ഇങ്ങനെ...

ക്രിസ്തുമസ് രാത്രി

ഒരു ക്രിസ്തുമസ് രാത്രിയിൽ സംഭവിക്കുന്ന ചില നിഗൂഡസംഭവങ്ങളെ കുറിച്ചുള്ള അന്വേഷണത്തെ ആസ്പദമാക്കിയാണ് ചിത്രം മുന്നോട്ട് പോകുന്നത്. കഥയുടെ രണ്ടാം ഭാഗമാണ് ആദ്യം സിനിമയിൽ കാണിക്കുന്നത്. WHO എന്ന് ചിത്രത്തിന്റെ ആദ്യ ഭാഗം ഇസബെല്ലാ പിന്നീടായിരിക്കും പ്രേക്ഷകരിലേയ്ക്ക് എത്തുക. ഇതു തന്നെയാണ് ചിത്രത്തെ മറ്റുളള വരിൽ നിന്ന് വ്യത്യസ്തമാക്കുന്നത് . ഒരു ചിത്രത്തിന്റെ രണ്ടാം ഭാഗം ആദ്യം വരുന്നു ആദ്യ ഭാഗത്തിൽ നമുക്ക് ഉണ്ടായേക്കാവുന്ന ചോദ്യങ്ങളുടെ ഉത്തരങ്ങളും അതിനുള്ളിലെ രഹസ്യങ്ങളും നാമാദ്യമറിയുകയും പിന്നീട് അതിലേക്കു നയിച്ച സംഭവങ്ങൾ പിന്നീട് അറിയുകയും ചെയ്യുന്നു. ഇതാണ് ചിത്രത്തിന്റെ വ്യതസ്ത.

മികച്ച അണിയറ പ്രവർത്തകർ

മികച്ച അണിയറ പ്രവർത്തകരാണ് WHOൽ പ്രവർത്തിച്ചിരിക്കുന്നത്. രാജ്യന്തര സിനിമമേഖലയിൽ നിന്ന് മലയാളത്തിലേയ്ക്ക് എത്തിയ അജയ് ദേവലോകയാണ് ചിത്രത്തിന്റെ സംവിധായകൻ. ഒരേ സമയം മലയാളം, ഇംഗ്ലീഷ്, ഹിന്ദി ഇങ്ങനെ മൂന്ന് ഭാഷകളാണ് ചിത്രത്തിൽ കൈകാര്യം ചെയ്യുന്നത്. ഷൈൻ ടോം ചാക്കോ, ശ്രുതി മേനോൻ, രാജീവ് പിള്ള, പേളി മാണി, ശ്രീകാന്ത് മേനോൻ, സജിൻ സലിം, ശങ്കർ നായർ, ബേബി പാർവതി, ഗോപു പടവീടൻ എന്നിവരാണ് ചിത്രത്തിൽ മറ്റ് പ്രധാന കഥാപാത്രങ്ങളെ അവതരിപ്പിക്കുന്നത്.

ഇന്ത്യയുടെ വിവിധ ഭാഗങ്ങൾ

കേരളത്തിലും ഉത്തര ഖണ്ഡിലുമാണ് ചിത്രത്തിന്റെ പ്രധാന ലൊക്കേഷനുകൾ. നൈനിത്താൽ, ഋഷികേശ്, കേരളം എന്നിവിടങ്ങളിലെ പ്രകൃതി മനോഹാരിത ചിത്രത്തിൽ മുഴച്ചു നിൽക്കുന്നുണ്ട്.. ഒരു മികച്ച സ്വപ്നാനുഭൂതിയാണ് ചിത്രം നമുക്ക് നൽകുന്നത്.

മികച്ച സ്വീകാര്യത

മികച്ച അഭിപ്രായമാണ് ചിത്രത്തിനു ലഭിക്കുന്നത്. സമൂഹ മാധ്യമത്തിലൂടെ ചിത്രത്തിന് മികച്ച റസ്പോൺസാണ് കേൾക്കുന്നത്. പേളിയുടേയും മറ്റ് താരങ്ങളുടേയും അഭിനയം ഗംഭീരമായിരുന്നു എന്നും പ്രേക്ഷകർ പറയുന്നത്. ചിരിച്ച് താമശ പറഞ്ഞു നടക്കുന്ന പേളിമാണിയാണ് നമുക്ക് എല്ലാവർക്കും സുപരിചിതം. എന്നാൽ ഹൂവിൽ നമ്മൾ ആരും ഒട്ടും പ്രതീക്ഷിക്കാത്ത പേളിമാണിയെയാണ് കാണുന്നത്. ചിത്രത്തിന്റെ പാട്ടും ടീസറുമൊക്കെ വൻ വിജയമായിരുന്നു. സമൂഹ മാധ്യമങ്ങളിൽ ശ്രദ്ധ നേടാൻ ഇവയ്ക്ക് കഴിഞ്ഞിരുന്നു