നിന്‍റെ വിജയം ഞാന്‍ ആഘോഷിക്കുന്നു ഗീതു! മൂത്തോന്‍ സന്തോഷം പങ്കുവെച്ച് പൂര്‍ണ്ണിമ! പോസ്റ്റ് വൈറല്‍

വലിയ കണ്ണുകളുള്ള, വലിയ സ്വപ്‌നങ്ങളുള്ള ഒരു കൊച്ചുപെണ്‍കുട്ടിയെ താനൊരിക്കല്‍ പരിചയപ്പെട്ടുവെന്നും വര്‍ഷങ്ങള്‍ക്ക് ശേഷം അവളെ വീണ്ടും കണ്ടുമുട്ടിയപ്പോള്‍ അവള്‍ ഒരു സുന്ദരിയായ യുവതിയായി വളര്‍ന്നിരുന്നു. അവളുടെ കണ്ണുകള്‍ക്ക് പറയാന്‍ ആ വലിയ കഥകളുണ്ടായിരുന്നു. എന്നായിരുന്നു പൂര്‍ണ്ണിമ കുറിച്ചത്. ഒന്നുമുതല്‍ പൂജ്യം വരെ എന്ന ചിത്രത്തിലെ ബാലതാരത്തിലൂടെയായിരുന്നു ഗീതു മോഹന്‍ദാസ് പ്രേക്ഷക ഹൃദയത്തില്‍ ഇടംപിടിച്ചത്.

ഇന്നിപ്പോള്‍ ഏറെ അഭിമാനത്തോടെ, ആ കൊച്ചുപെണ്‍കുട്ടിയുടെ റ്റേവും മികച്ച വേര്‍ഷന് താന്‍ സാക്ഷ്യം വഹിക്കുകയാണ്. അഭിനന്ദനീയമായ അഭിനിവേശത്തിന്റേയും ആത്മവിശ്വാസത്തിന്റേയും സ്ഥിരോത്സാഹത്തിന്റേയും ഒരു സംഗ്രഹമാണത്. ഇന്ന് ആ വലിയ കണ്ണുകള്‍ ഒരു യഥാര്‍ത്ഥ വിജയിയുടേതാണ്. ഞാന്‍ നിന്റെ വിജയം ആഘോഷിക്കുന്നു ഗീതു എന്നും പൂര്‍ണ്ണിമയുടെ കുറിപ്പില്‍ പറയുന്നുണ്ട്.

ഗീതുമോഹന്‍ദാസിനെക്കുറിച്ച് വാചാലായായെത്തിയ പൂര്‍ണ്ണിമയുടെ പോസ്റ്റിന് കീഴില്‍ നിരവധി പേരാണ് കമന്റുകള്‍ പോസ്റ്റ് ചെയ്തിട്ടുള്ളത്. വാട്ട എ ജേണിയെന്നായിരുന്നു റിമ കല്ലിങ്കലിന്റെ പ്രതികരണം. സംയുക്ത മേനോന്‍, നിമിഷ സജയന്‍ തുടങ്ങിയവരും താരത്തിന്റെ പോസ്റ്റിന് കീഴില്‍ കമന്റുകളുമായെത്തിയിട്ടുണ്ട്.

സിനിമയ്ക്കപ്പുറത്തുള്ള സൗഹൃദമാണ് ഗീതുവും മഞ്ജുവും പൂര്‍ണ്ണിമയുമൊക്കെ നിലനിര്‍ത്തുന്നത്. ഇടയ്ക്കിടയ്ക്ക് ഒത്തുകൂടിയും വിശേഷങ്ങള്‍ പങ്കുവെച്ചുമൊക്കെ ഇവരെത്താറുണ്ട്. മൂത്തോന്‍ പ്രദര്‍സനത്തിനായി ഗീതു മോഹന്‍ദാസ് മുംബൈയിലേക്ക് പോയപ്പോള്‍ പ്രിയകൂട്ടുകാരിക്ക് അണിയാനുള്ള വസ്ത്രമൊരുക്കിയത് പൂര്‍ണ്ണിമയായിരുന്നു.