അനിയത്തിക്ക് പണികൊടുത്ത് പൂര്‍ണിമ! തമിഴ് ശൈലിയിലെ വിവാഹത്തിനിടയിലെ ചിരിനിമിഷങ്ങള്‍ വൈറല്‍!

തമിഴ് ശൈലിയില്‍ വിവാഹം

തമിഴ് ശൈലിയിലാണ് പ്രിയ മോഹന്റെ വിവാഹം നടത്തിയത്. തങ്കച്ചിക്കും തങ്കയിന്‍ കണവനും ആശംസയെന്ന് പറഞ്ഞ് രസകരമായ പോസ്റ്റുമായി പൂര്‍ണിമ എത്തിയിരുന്നു. പണ്ടക്കല്‍ മുഹൂര്‍ത്തം മുതല്‍ ശാന്തിമുഹൂര്‍ത്തം വരെയുള്ള കാര്യങ്ങളെക്കുറിച്ചും താരം കുറിച്ചിട്ടുണ്ട്. ശരിക്കും ചിരിച്ച് രസിക്കാവുന്ന കാര്യങ്ങളാണ് തമിഴ് വിവാഹത്തിലേതെന്നും താരം കുറിച്ചിട്ടുണ്ട്. ഇതിനകം തന്നെ പൂര്‍ണിമയുടെ പോസ്റ്റും ചിത്രങ്ങളും വൈറലായി മാറിക്കഴിഞ്ഞിട്ടുണ്ട്. അതെന്താണ് തമിഴ് ശൈലിയില്‍ സഹോദരിയുടെ വിവാഹം നടത്തിയതെന്നായിരുന്നു ആരാധകരുടെ ചോദ്യം.

ക്യൂട്ട് ചിത്രങ്ങള്‍

പ്രിയ മോഹന്റേയും നിഹാല്‍ പിള്ളയുടേയും വിവാഹത്തിന്റെ ക്യൂട്ട് ചിത്രങ്ങളും പൂര്‍ണിമ പങ്കുവെച്ചിട്ടുണ്ട്. ചടങ്ങുകളുടെ ചിത്രവും വിവാഹത്തിന് ശേഷം എല്ലാവരും സന്തോഷത്തോടെയുള്ള ചിത്രങ്ങളുമെല്ലാം പൂര്‍ണിമ പോസ്റ്റ് ചെയ്തിട്ടുണ്ട്. പൂര്‍ണിമയുടെ സഹോദരിയായി ജനിക്കാന്‍ കഴിഞ്ഞതാണ് ജീവിതത്തിലെ വലിയ ഭാഗ്യങ്ങളിലൊന്ന് എന്നായിരുന്നു നേരത്തെ പ്രിയ മോഹന്‍ പറഞ്ഞത്. ചേച്ചിയെപ്പോലെ തന്നെ ഫാഷന്‍ മേഖലയോട് പ്രിയയ്ക്കും പ്രത്യേക താല്‍പര്യമാണ്. ബാങ്കോക്ക് കലക്ഷന്‍സുമായി സജീവമാണ് പ്രിയ.

അനിയനും അനിയത്തിയും

അനിയനും അനിയത്തിക്കും വിവാഹ വാര്‍ഷിക ആശംസകള്‍ നേര്‍ന്ന് ഇന്ദ്രജിത്തും എത്തിയിരുന്നു. ഇവരുടെ പോസ്റ്റുകള്‍ക്ക് നന്ദി പറഞ്ഞ് പ്രിയയും നിഹാലും എത്തിയിരുന്നു. ക്യൂട്ട് കപ്പിള്‍സിന് ആശംസ അറിയിച്ച് പ്രാര്‍ത്ഥനയും എത്തിയിരുന്നു. തിരക്കുകള്‍ക്കിടയില്‍ കുടുംബസമേതമായി യാത്ര നടത്താറുണ്ട് ഇവരെല്ലാം. അനിയനും അനിയത്തിയുമായാണ് ഇവരെ കാണുന്നതെന്ന് ഇന്ദ്രജിത്തും മുന്‍പ് പറഞ്ഞിരുന്നു. സന്തോഷനിമിഷങ്ങളിലെല്ലാം ഇവര്‍ ഒത്തുചേരാറുമുണ്ട്.

വേദുവാണ് താരം

പ്രിയ മോഹന്റേയും നിഹാല്‍ പിള്ളയുടേയും മകനായ വര്‍ധാനെന്ന വേദുവാണ് ഇപ്പോള്‍ കുടുംബത്തിലെ താരം. കുഞ്ഞനിയനെക്കുറിച്ച് വാചാലരായി പ്രാര്‍ത്ഥനയും നക്ഷത്രയും എത്താറുണ്ട്. വേദുവിന്റെ ക്യൂട്ട് ചിത്രങ്ങളും വീഡിയോയുമൊക്കെ പങ്കുവെച്ച് ഇവരെല്ലാം എത്താറുണ്ട്. വേദുവിന്റെ ഒന്നാം പിറന്നാളാഘോഷത്തിന്റെ ചിത്രങ്ങളും വീഡിയോയുമെല്ലാം വൈറലായി മാറിയിരുന്നു. മകന്‍ ജനിച്ചത് മുതലിങ്ങോട്ടുള്ള ചിത്രങ്ങളും വീഡിയോയുമെല്ലാം താന്‍ പകര്‍ത്തിവെച്ചിട്ടുണ്ടെന്ന് നിഹാല്‍ പറഞ്ഞിരുന്നു.

ഹാപ്പി ഫാമിലി

ഹാപ്പി ഫാമിലിയെന്ന യൂട്യൂബ് ചാനലിലൂടെയാണ് നിഹാലും പ്രിയയും വിശേഷങ്ങള്‍ പങ്കുവെക്കാറുള്ളത്. ഭക്ഷണം, യാത്ര തുടങ്ങിയ കാര്യങ്ങളാണ് പ്രധാനമായും ഹാപ്പി ഫാമിലിയില്‍ ഉള്‍പ്പെടുത്തുന്നതെന്ന് നിഹാല്‍ പറഞ്ഞിരുന്നു. ഇവര്‍ നടത്തിയ യാത്രകളുടെ വീഡിയോയെല്ലാം ഹാപ്പി ഫാമിലിയിലൂടെ പുറത്തുവിട്ടിരുന്നു. ലോക് ഡൗണ്‍ സമയത്തെ വിഷു ആഘോഷത്തിന്റെ വീഡിയോയും ഇവര്‍ പങ്കുവെച്ചിരുന്നു. ഇതിന് ശേഷമായാണ് അമ്മയുടെ പാചകമികവിനെക്കുറിച്ച് വാചാലനായി നിഹാല്‍ എത്തിയത്.