ചിത്രം പങ്കുവെയ്ക്കുക മാത്രമല്ല, മനസിലുള്ളത് പറയുകയും ചെയ്യും, വീടിനെ കുറിച്ച് പ്രണവ് മോഹന്‍ലാല്‍

ഇപ്പോഴിത സോഷ്യല്‍ മീഡിയയില്‍ വൈറല്‍ ആവുന്നത് പ്രണവ് പങ്കുവെച്ച പോസ്റ്റാണ്. സാധാരണ ചിത്രങ്ങളാണ് താരം സമൂഹമാധ്യമഘങ്ങളില്‍ പങ്കുവെയ്ക്കാറുള്ളത്. ഇതാദ്യമായിട്ടാണ് പോസ്റ്റിടുന്നത്. വീടിനെ കുറിച്ചുള്ള താരത്തിന്റെ വാക്കുകള്‍ സോഷ്യല്‍ മീഡിയയില്‍ വൈറല്‍ ആയിട്ടുണ്ട്.'കുപ്പായ കയ്യില്‍ തൂങ്ങി പിന്നോട്ട് പിടിച്ചുവലിക്കുന്ന ഒരു കുട്ടിയെ പോലെയാണ് വീട്' എന്നായിരുന്നു പ്രണവ് ഇന്‍സ്റ്റഗ്രാമില്‍ കുറിച്ചത്. താരത്തിന്റെ പോസ്റ്റ് സോഷ്യല്‍ മീഡിയയില്‍ വൈറല്‍ ആയിട്ടുണ്ട്.

രസകരമായ കമന്റുകളാണ് ചിത്രത്തിന് ലഭിക്കുന്നത്.കറങ്ങി നടന്ന് ഒടുവില്‍ വീടെത്തിയല്ലേ എന്നാണ് പ്രണവിന്റെ പോസ്റ്റിന് താഴെ വന്ന് പലരും ചോദിക്കുന്നത്. നമ്മുടെ ഹൃദയം എവിടെ ആണോ അവിടെയാണ് നമ്മുടെ വീട് എന്നായിരുന്നു ചിത്രത്തിന് താഴെ വന്ന മറ്റൊരു കമന്റ്.
നമുക്ക് ഏറ്റവും സുരക്ഷിതമായി തോന്നുന്ന ലോകത്തിലെ മറ്റൊരിടവും കാണില്ലെന്നും വീട് ഒരു വികാരമാണെന്നുമാണ് മറ്റ് കമന്റുകള്‍. തിരിച്ചുവീട്ടിലേക്ക് വരാന്‍ പ്ലാന്‍ ഇട്ടോയെന്നും അതോ വീട്ടില്‍ എത്തിയോ എന്നൊക്കെയാണ് ചിലര്‍ ചോദിക്കുന്നത്.പ്രണവ് എന്നും തങ്ങളുടെ ഹൃദയത്തിലുണ്ടെന്നും കൂടുതല്‍ ചിത്രങ്ങളില്‍ പ്രണവിനെ കാണാന്‍ തങ്ങള്‍ ആഗ്രഹിക്കുന്നുണ്ടെന്നുമൊക്കെയുള്ള കമന്റുകള്‍ വരുന്നുണ്ട്.

ദിവസങ്ങള്‍ക്ക് മുന്‍പ് മോഹന്‍ലാലിനൊപ്പമുള്ള കുട്ടിക്കാലത്തെ ചിത്രവും പ്രണവ് പങ്കുവെച്ചിരുന്നു. കുഞ്ഞ് പ്രണവിനെ നെഞ്ചോട് ചേര്‍ത്ത് ഉമ്മവെക്കുന്ന മോഹന്‍ലാലിന്റെ ചിത്രം ആരാധകര്‍ ഇരുകയ്യും നീട്ടി സ്വീകരിക്കുകയും ചെയ്തു. രാജാവും രാജകുമാരനും എന്നാണ് ചിത്രത്തിന് താഴെ അധികം പ്രേക്ഷകരും കുറിച്ചത്. ച ഈ ചിത്രത്തിന് കമന്റുമായി മോഹന്‍ലാലും എത്തിയിരുന്നു. ദുല്‍ഖറിനെ പോലെ പ്രണവും അച്ഛന്റെ ഫോണ്‍ അടിച്ചു മാറ്റിയോ എന്നും പ്രേക്ഷകര്‍ ചോദിക്കുന്നുണ്ട്.

Recommended Video

കൂടെ നിൽക്കുന്നവരെല്ലാം ചേർന്ന് മോഹൻലാലിനെ ചതിക്കുന്നു | Santhosh Varkey Interview | Filmibeat

സോഷ്യല്‍ മീഡിയയില്‍ സജീവമാണെങ്കിലും മാധ്യമങ്ങളില്‍ നിന്ന് മറഞ്ഞ് നില്‍ക്കുകയാണ് പ്രണവ്. മകന്‍ മാധ്യനങ്ങളില്‍ നിന്ന് അകലം പാലിക്കുന്നതിനെ കുറിച്ച് മോഹന്‍ലാല്‍ മനോരമയ്ക്ക് നല്‍കിയ അഭിമുഖത്തില്‍ പറഞ്ഞിരുന്നു. കത്തേയ്ക്ക് വലിഞ്ഞ് ജീവിക്കുന്ന ആളാണ് പ്രണവ്. എന്നാല്‍ ഇന്‍ട്രോവോര്ട്ട് അല്ല. നിക്കും ആദ്യകാലങ്ങളില്‍ അങ്ങനെ തന്നെയായിരുന്നു. വളരെ ഷൈ ആയിട്ടുള്ള ആളായിരുന്നു ഞാന്‍. എന്നാല്‍ പ്രണവിന് കുറച്ച്കൂടി കൂടുതലാണ്. സാധാരണ ജീവിത നയിക്കാന്‍ ആയാള്‍ക്ക് പറ്റുന്നുണ്ട്. അഭിമുഖത്തിന് വിളിച്ചാല്‍ എന്തിനാണ് ഞാന്‍ വരുന്നതെന്ന് ചോദിക്കും. അതൊരുവലിയ ചോദ്യം ആണെന്നും മോഹന്‍ലാല്‍ പറഞ്ഞിരുന്നു