ഇദ്ദേഹത്തെ തന്നെ ഭര്‍ത്താവായി തന്നതിന് നന്ദി; 365 ദിവസത്തെ ദാമ്പത്യത്തിന് നന്ദി പറഞ്ഞ് മൃദുലയും യുവകൃഷ്ണയും

'നല്ലൊരു ജീവിത പങ്കാളിയെ എനിക്ക് തന്നതിന് നന്ദി. പരിശുദ്ധമായ പ്രണയത്തിന്റെയും ആനന്ദത്തിന്റെയും 365 ദിവസങ്ങള്‍. എന്റെ എട്ടായിയ്ക്ക് ഒന്നാം വിവാഹ വാര്‍ഷിക ആശംസകള്‍'.. എന്നും മൃദുല കുറിച്ചു. യുവയുടെ കൂടെയിരിക്കുന്ന പുതിയ ഫോട്ടോയുമായിട്ടാണ് നടി എത്തിയത്. ഇതേ ചിത്രം പങ്കുവെച്ച് ഭാര്യയ്ക്ക് ആശംസ അറിയിച്ച് യുവയും എത്തി. 'എന്റെ ബെറ്റര്‍ ഹാഫിന് വിവാഹ വാര്‍ഷിക ആശംസകള്‍' എന്നാണ് യുവ എഴുതിയത്.

ലാലേട്ടന്റെ അനിയത്തിയാവാന്‍ പോയി, സംവിധായകന്‍ പറഞ്ഞത് കേട്ട് സങ്കടത്തിലായി! വെളിപ്പെടുത്തി നടി സരിത ബാലകൃഷ്ണൻ

നടി രേഖ രതീഷിന്റെ ആലോചനയിലൂടെയാണ് യുവയും മൃദുലയും പരിചയപ്പെടുന്നത്. രണ്ടാള്‍ക്കും വിവാഹാലോചന നടക്കുന്നതിനാല്‍ വീട്ടുകാരെ ഇക്കാര്യം അറിയിച്ചു. ശേഷം വീട്ടുകാര്‍ക്കും ഇഷ്ടപ്പെട്ടതോടെ വിവാഹം കഴിക്കാമെന്ന തീരുമാനത്തിലേക്ക് എത്തി. 2020 ഡിസംബറിലാണ് താരങ്ങളുടെ വിവാഹനിശ്ചയം നടത്തുന്നത്. ആറ് മാസത്തിന് ശേഷം വിവാഹം തീരമാനിച്ചു. അങ്ങനെ 2021 ജൂലൈ എട്ടിനാണ് യുവയും മൃദുലയും വിവാഹിതരാവുന്നത്.

മോനിഷ നാല് വയസില്‍ അത്ഭുതപ്പെടുത്തിയ പ്രകടനം കാഴ്ച വെച്ചു; അന്ന് നടന്ന സംഭവത്തെ കുറിച്ച് ശ്രീദേവി ഉണ്ണി

വീണ്ടുമൊരു ജൂലൈ എട്ട് വന്നപ്പോള്‍ താരങ്ങള്‍ ഒന്നാം വിവാഹ വാര്‍ഷികം ആഘോഷിക്കുകയാണ്. വിവാഹം കഴിഞ്ഞതിന് പിന്നാലെ സന്തോഷങ്ങളുടെ നാളുകളായിരുന്നു ഇരുവര്‍ക്കും. മാസങ്ങള്‍ക്കുള്ളില്‍ മൃദുല ഗര്‍ഭിണിയായി. ഇപ്പോള്‍ ആദ്യ കണ്മണിയെ വരവേല്‍ക്കാന്‍ ഒരുങ്ങുകയാണ് താരങ്ങള്‍. ഗര്‍ഭകാലത്തെ കുറിച്ചുള്ള വിശേഷങ്ങള്‍ യൂട്യൂബ് ചാനലിലൂടെ മൃദുല പങ്കുവെക്കാറുണ്ടായിരുന്നു. ഇതിനിടെ മൃദുല സ്വന്തമായി ഉണ്ടാക്കിയ വീട്ടിലേക്ക് താമസം മാറ്റുകയും ചെയ്തു.

ഐവി ശശിയുമായിട്ടുള്ള കല്യാണം നടക്കാന്‍ കാരണം ജയനാണെന്ന് നടി സീമ; ഭർത്താവിൻ്റെ വേർപാടിനെ കുറിച്ചും നടി

Recommended Video

തന്നെക്കുറിച്ച് വരുന്നത് മുഴുവൻ ഗോസിപ്പുകളെന്ന് മൃദുല

മൃദുല സ്വന്തമായി അധ്വാനിച്ചുണ്ടാക്കിയ വീടിന്റെ പാലുകാച്ചല്‍ ചടങ്ങ് അടുത്തിടെയാണ് നടത്തിയത്. അങ്ങനെ യുവയുമായി ജീവിച്ച് തുടങ്ങിയതിന് പിന്നാലെ ഉണ്ടായ സന്തോഷങ്ങളുടെ നടുവിലാണ് മൃദുലയിപ്പോള്‍. കുഞ്ഞ് ജനിച്ചതിന് ശേഷം നടി അഭിനയത്തിലേക്ക് തിരിച്ച് വരുമെന്നാണ് ആരാധകരും പ്രതീക്ഷിക്കുന്നത്. തുമ്പപ്പൂ എന്ന സീരിയലിലാണ് നടി അവസാനം അഭിനയിച്ചിരുന്നത്. ഈ സീരിയലിലെ വീണ എന്ന കഥാപാത്രം വലിയ ജനപിന്തുണ നേടിയെടുത്തിരുന്നു.