പേളി മാണിക്ക് പെണ്‍കുഞ്ഞായിരിക്കുമെന്ന് പ്രിയ മോഹന്‍, ഗര്‍ഭകാല വിശേഷം പറഞ്ഞ് സ്നേഹയും പ്രിയയും

പേളിയുടെ പോസ്റ്റ്

അഞ്ചാം മാസത്തിലേക്ക് കടന്നതിന്റെ സന്തോഷം പങ്കുവെച്ചായിരുന്നു പേളി മാണി എത്തിയത്. ഇപ്പോള്‍ കാര്യങ്ങളെല്ലാം രസകരമാണ്. ക്ലീനിംഗിലും ഡ്രൈവിംഗിലും കുക്കിങ്ങിലുമെല്ലാം ഇപ്പോള്‍ സജീവമാണ്. ഇടയ്ക്ക് കുഞ്ഞ് ഇളകുന്നുണ്ട്, അങ്ങനെ എന്നോട് സംവദിക്കുന്നുണ്ട്. ഈ കൈകള്‍ മിക്കപ്പോഴും വയറുചുറ്റിനുമായാണ് വെക്കുന്നത്. അമ്മയുടെ വികാരം മനസ്സില്‍ നിറയുന്നത് കൊണ്ടാണ് അങ്ങനെ ചെയ്യുന്നതെന്നും പേളി മാണി പറയുന്നു. കുഞ്ഞതിഥിയെ ഈ ലോകത്തേക്ക് ക്ഷണിക്കാന്‍ കഴിയുന്നതില്‍ സന്തുഷ്ടരാണ് ഞങ്ങള്‍.

കമന്റുമായി താരങ്ങള്‍

താരങ്ങളും ആരാധകരുമെല്ലാം പേളിയുടെ പോസ്റ്റിന് കീഴില്‍ കമന്റുകളുമായെത്തിയിരുന്നു. പേളിയും ശ്രിനിഷും മാത്രമല്ല ആരാധകരും കുഞ്ഞതിഥിയെ വരവേല്‍ക്കാനായാണ് കാത്തിരിക്കുന്നത്്. ജൂനിയര്‍ പേളിയായിരിക്കും വരാന്‍ പോവുന്നതെന്ന തരത്തിലുള്ള കമന്റുകളുമായാണ് ആരാധകരെത്തിയത്. ആദ്യമായി സ്‌കാനിംഗിന് പോയപ്പോഴുള്ള അനുഭവത്തെക്കുറിച്ച് പറഞ്ഞും മുന്‍പ് പേളി എത്തിയിരുന്നു. പ്രഗ്നന്‍സി ടെസ്റ്റില്‍ രണ്ട് വര കണ്ടത് മുതല്‍ അച്ഛനിലേക്കുള്ള യാത്ര തുടങ്ങിയെന്നായിരുന്നു ശ്രിനിഷ് അരവിന്ദ് പറഞ്ഞത്.

കുഞ്ചാക്കോ ബോബനും ജീവയും

ബേബി ബംപ് ചിക്ക് വാവയെന്ന് പറഞ്ഞായിരുന്നു കുഞ്ചാക്കോ ബോബനെത്തിയത്. ഹണി ഹണി ബേബിയെന്നല്ലേ ചാക്കോച്ചനെ പേളി ചേച്ചി വിളിക്കുന്നതെന്നായിരുന്നു ഒരു ആരാധിക ചോദിച്ചത്. പേളിഷ് ജൂനിയര്‍ മാസ് എന്‍ട്രിക്കുള്ള തയ്യാറെടുപ്പിലാണെന്നായിരുന്നു അവതാരകനായ ജീവ ജോസഫ് കമന്റിട്ടത്. ഇരുവരുടെ കമന്റും ഇതിനകം തന്നെ വൈറലായി മാറിക്കഴിഞ്ഞിട്ടുണ്ട്. രണ്ടുപേര്‍ക്കും പേളി മാണിയും തിരിച്ച് മറുപടി കൊടുത്തിരുന്നു.

സ്‌നേഹ പറഞ്ഞത്

പേളി മാണിയുടെ അഞ്ചാം മാസ വിശേഷങ്ങള്‍ക്ക് കീഴില്‍ കമന്റുമായി സ്‌നേഹയും എത്തിയിരുന്നു. ഈ നിമിങ്ങള്‍ വളരെ മനോഹരമാണ്, പരമാവധി ആസ്വദിക്കൂ. ഗര്‍ഭിണിയായിരുന്ന സമയത്തെ വയറും മറ്റ് കാര്യങ്ങളുമെല്ലാം താന്‍ ശരിക്കും ആസ്വദിച്ചിരുന്നു. ഇപ്പോള്‍ അത് മിസ്സ് ചെയ്യുന്നുണ്ട്. വളരെ മനോഹരമായ അനുഭവമാണ് ഗര്‍ഭകാലം സമ്മാനിക്കുന്നത്. ശരിയാണ്, ഓരോ നിമിഷവും താന്‍ ആസ്വദിച്ചുകൊണ്ടിരിക്കുകയാണെന്നായിരുന്നു സ്‌നേഹ പേളി മാണിയോട് പറഞ്ഞത്.

പ്രിയ മോഹന്റെ കമന്റ്

ജീവിതത്തിലെ എക്കാലത്തേയും മികച്ച അനുഭവമാവാന്‍ പോവുന്ന കാലഘട്ടമാണിത്. അതിനാല്‍ ശരിക്കും ആസ്വദിക്കണം. ഇപ്പോഴും എനിക്ക് ആ ദിനങ്ങള്‍ മിസ്സ് ചെയ്യുന്നുണ്ട്. അതുപോലെ തന്നെ പേളിക്ക് പെണ്‍കുഞ്ഞായിരിക്കുമെന്നാണ് താന്‍ കരുതുന്നതെന്നുമായിരുന്നു പ്രിയ മോഹന്‍ പറഞ്ഞത്. ധാരാളം വെള്ളം കുടിക്കണം. അതുപോലെ തന്നെ നിത്യേന രണ്ട് നേരം നടക്കണമെന്നും പ്രിയ പറഞ്ഞിരുന്നു. കുഞ്ഞിനെ എന്റെ സ്‌നേഹം അറിയിക്കണം, നിങ്ങളുടെ യൂട്യൂബ് ചാനലിലെ വീഡിയോയെല്ലാം കാണാറുണ്ടെന്നുമായിരുന്നു പേളി പ്രിയയോട് പറഞ്ഞത്.