സായ് പല്ലവിയെ കാണാൻ വീട്ടിലെത്തിയ സർപ്രൈസ് അതിഥികൾ! ചിത്രങ്ങൾ പങ്കുവെച്ച് താരം...

സാധാരണ സിനിമ താരങ്ങളിൽ നിന്ന് ഏറെ വ്യത്യസ്തമായ താരമാണ് സായ് പല്ലവി. വസ്ത്രധാരണത്തിലും തിരഞ്ഞെടുക്കുന്ന കഥാപാത്രങ്ങളിലും ഇത് കൃത്യമായി കാണാൻ സാധിക്കുന്നുണ്ട്. അധികം ഗ്ലാമറസ് വേഷങ്ങളിലും മേക്കപ്പിലും നടി പ്രത്യക്ഷപ്പെടാറില്ല. ഇത് തെന്നിനന്ത്യൻ സിനിമ ലോകത്ത് വലിയ ചർച്ച വിഷയവുമായിരുന്നു. അതുപോലെ പ്രമുഖ ഫെയർനസ് ക്രീമിന്റെ പരസ്യം നിഷേധിച്ചതും വാർത്തകളിൽ ഇടം പിടിച്ചിരുന്നു. രണ്ട് കോടിയോളം രൂപയാണ് താരത്തിന് പ്രതിഫലം ഓഫർ ചെയ്തത്.

സോഷ്യൽ മീഡിയയിൽ അത്രയധികം സജീവമല്ല സായ് പല്ലവി. എന്നാൽ പൂർണ്ണമായും സമൂഹമാധ്യമങ്ങളെ ഉപേക്ഷിച്ചിട്ടുമില്ല . സിനിമ വിശേഷങ്ങളെക്കാളും വീട്ടുവിശേഷങ്ങളാണ് സായ് അധികവും സോഷ്യൽ മീഡിയ പേജിലൂടെ പങ്കുവെയ്ക്കാറുള്ളത്. ഇപ്പോൾ സോഷ്യൽ മീഡിയയിൽ വൈറലാകുന്നത് നടയുടെ വീട്ടിൽ എത്തിയ സർപ്രൈസ് അതിഥികളുടെ ചിത്രമാണ്. ഇൻസ്റ്റഗ്രാം പേജിലൂടെയായിരുന്നു താരം ചിത്രം പങ്കുവെച്ചത്.

Recommended Video

2 കോടി തരാമെന്ന് പറഞ്ഞാലും ആ പരസ്യ ചിത്രം ചെയ്യില്ല, സായി പല്ലവി

പുതുതായി വീട്ടിലെത്തിയ മുയർ കുഞ്ഞുങ്ങളുടെ ചിത്രമാണ് സായ് ഇൻസ്റ്റഗ്രാമിൽ പങ്കുവെച്ചിരിക്കുന്നത്. ഞങ്ങൾക്ക് ഇന്ന് സന്ദർശകരുണ്ടായിരുന്നു എന്ന് കുറിച്ച് കൊണ്ടായിരുന്നു സായ് ചിത്രങ്ങൾ പങ്കുവെച്ചത്. മുയൽ കുഞ്ഞുങ്ങളെ സ്നേഹത്തോടെ പരിപാലിക്കുന്ന നടിയുടെ ചിത്രങ്ങളും മുയൽ കുഞ്ഞുങ്ങളുടെ ചിത്രവും സായ് ഇൻസ്റ്റഗ്രാമിൽ പങ്കുവെച്ചിട്ടുണ്ട്. താരത്തിന്റെ ചിത്രം ആരാധകർ ഏറ്റെടുത്തിട്ടുമുണ്ട്.

ഒരു പ്രകൃതി സ്നേഹി കൂടിയാണ് സായ് പല്ലവി. താരത്തിന്റെ ഇൻസ്റ്റഗ്രാം ചിത്രങ്ങളിൽ അധികവും പ്രകൃതിയുമായി ബന്ധപ്പെട്ട് ചിത്രങ്ങളാണ്. സൂര്യോദയവും മഴക്കാല ചിത്രങ്ങളും യാത്രകളുടെ ചിത്രങ്ങളുമാണ് അധികവും കാണാൻ സാധിക്കുന്നത്. ഈ ചിത്രങ്ങളെല്ലാം സോഷ്യൽ മീഡിയയിൽ വൈറലുമാണ്. മികച്ച കമന്റുകളാണ് പ്രേക്ഷകരുടെ ഭാഗത്ത് നിന്ന് ലഭിക്കുന്നത്. താരങ്ങളും സായ് യുടെ ചിത്രങ്ങൾ ലൈക്ക് ചെയ്യാറുണ്ട്. തെലുങ്കിൽ സജീവമാണെങ്കിലും മലയാളത്തിലും സായ് പല്ലവിയ്ക്ക് കൈ നിറയെ ആരാധകരുണ്ട്. താരത്തിന്റെ അന്യാഭാഷ ചിത്രങ്ങൾക്ക് കേരളത്തിൽ മികച്ച ആരാധകരുണ്ട്.