നിവിൻ പോളി ഉണ്ടോ? ഈ സ്റ്റണ്ട് സീൻ ഉറപ്പാണ്... നിവിന്റെ മാസ്റ്റർപ്പീസ് സംഘട്ടന രംഗം...

ചുവരിൽ ചേർത്തുളള അടി

നിവിൻ പോളി ചിത്രങ്ങളിൽ കണ്ടു വരുന്ന ഒരു പ്രത്യേകത ചൂണ്ടിക്കാട്ടി കൊണ്ടുളളതാണ് പോസ്റ്റ്. റൊമാൻസ്,കോമഡി, സ്റ്റണ്ട് ഇവയെല്ലാം തന്റെ കൈകളിൽ ഭഭ്രമാണെന്ന് ആദ്യകാലങ്ങളിൽ തന്നെ നിവിൻ തെളിയിച്ചതാണ്. ഇപ്പോൾ സിനിമ പാരഡൈസോ ക്ലബ്ബിൽ ചർച്ചയാകുന്നത് നിവിൻ പോളിയുടെ ആ ചുവരിൽ ചേർത്ത് പിടിച്ചുള്ള ആ അടിയാണ്. താരത്തിന്റെ ഭൂരിഭാഗം ചിത്രത്തിലും ഇത്തരത്തിലുളള ഒരു രംഗം ഉണ്ടായിരിക്കും.

പ്രേമം മുതൽ മിഖായേൽവരെ

നിവിൻ പോളിയുടെ സൂപ്പർ ഹിറ്റ് ചിത്രങ്ങളുടെ ചുവരിൽ ചേർത്തുളള അടിയുടെ രംഗങ്ങൾ ചൂണ്ടി കാണിച്ചിട്ടുണ്ട്. ഈ ചിത്രം ഇപ്പോൾ സോഷ്യൽ മീഡിയയിൽ സൂപ്പർ ഹിറ്റാണ്. നിവിൻ പോളിയുടെ സൂപ്പർ ഹിറ്റ് ചിത്രങ്ങളായ പ്രേമം, ആക്ഷൻ ഹീറോ ബിജു, ഒരു വടക്കൻ സെൽഫി പുതിയാതായി പുറത്തിറങ്ങാൻ പോകുന്ന മിഖായേലിന്റെ വരെയുളള ചിത്രങ്ങൾ യോജിപ്പിച്ചു കൊണ്ടുള്ള ഒരു പോസ്റ്ററാണ് പുറത്തു വിട്ടിരിക്കുന്നത്.

സൂപ്പർ ഹിറ്റാണ്

എന്തായാലു അച്ചായന്റെ അടി സൂപ്പർ ഹിറ്റാണ്. സ്ഫടികത്തിലെ ആടു തോമയുടെ മുണ്ടുരുഞ്ഞുള്ള അടി പ്രേക്ഷകർക്കിടയിൽ ഇന്നും ഹരമാണ്. അതു പോലെ നിവിന്റെ ചുവരിൽ ചേർത്ത് ആ അടിയും പ്രേക്ഷകരുടെ ഇടയിൽ സൂപ്പർ ഹിറ്റാണ്. ഇടത് കൈ കൊണ്ട് ഷർട്ടിൽ കുത്തിപ്പിടിച്ച് ചുവരിനോട് ചേർത്ത് പിടിച്ച് ഒരു അലക്ക് അലക്കുന്നത് അച്ചയന്റെ സിഗ്നേച്ചർ പതിഞ്ഞ ഒരു സംഘട്ടന രംഗമാണ്.

2019 അച്ചായൻ പൊളിക്കും

പ്രേക്ഷകരുടെ പ്രിയപ്പെട്ട അച്ചായനാണ് നിവിൻ പോളി. 2018 ൽ രണ്ട് ചിത്രങ്ങൾ മാത്രമാണ് നിവിന്റെ കരിയറിൽ ഉണ്ടായിരുന്നത്. ഹെയ് ജൂഡും, കായംകുളം കൊച്ചുണ്ണിയും മികച്ച വിജയം നേടാൻ കഴിഞ്ഞിരുന്നു. എന്നാൽ 2019 നിവിൻ പോളിയ്ക്ക് മികച്ച വർഷമായിരിക്കും. ഒരുപിടി മികച്ച ചിത്രങ്ങളാണ് അണിയറയിൽ ഒരുങ്ങുന്നത്. ഹനീഫ് അദേനി സംവിധാനം ചെയ്യുന്ന മിഖായേല്‍, ധ്യാന്‍ ശ്രീനിവാസന്റെ കന്നി സംവിധാന സംരംഭത്തില്‍ ഒരുങ്ങുന്ന ലവ് ആക്ഷന്‍ ഡ്രാമ, ഗീതു മോഹന്‍ദാസ് ഒരുക്കുന്ന മൂത്തോൻ എന്നീ ചിത്രങ്ങളാണ് 2019 ൽ എത്തുക.