ഇത്ര വലിയൊരു ‘സോറി നോട്ട്’ ആർക്കും അയച്ചിട്ടില്ല! രജനി ചിത്രം ഉപേക്ഷിച്ചതിനെ കുറിച്ച് പൃഥ്വി

ലൂസിഫർ‌ കണ്ടതിനു ശേഷമാണ് ആദ്ദേഹം തന്റെ പുതിയ ചിത്രം സംവിധാനം ചെയ്യാൻ എന്നെ സമീപിക്കുന്നത്. നിർഭാഗ്യവശാൽ ആടുജീവിതം എന്ന സിനിമ കാരണം എനിയ്ക്ക് അത് സാധിച്ചില്ല. അദ്ദേഹത്തിന്റെ മകൾ ഐശ്വര്യയോട് ഈക്കാര്യം പറയുകയും ചെയ്തു. എന്റെ ജീവിതത്തിലെ ഏറ്റവും വലിയ സുവർണ്ണാവസരവും ഭാഗ്യവുമാണ് ഈ അവസരം. പക്ഷെ മറ്റൊരു ചിത്രത്തിന് സമയം മാറ്റി വച്ചതു കൊണ്ട് എനിക്ക് അത് സാധിക്കുകയില്ലെന്ന് താൻ പറഞ്ഞു. തന്റെ ജീവിതത്തിൽ ഏറ്റവും വലിയ സോറി നോട്ട് അയച്ചത് ഐശ്വര്യയ്ക്കാണ് ഇനിയെങ്കിലും ഇങ്ങനെയൊരു അവസരം ലഭിക്കട്ടെയെന്നും പൃഥ്വി കൂട്ടിച്ചേർത്തു.

രജനികാന്തുമായി ആദ്യമായി ഫോണിൽ സംസാരിച്ചതിനെ കുറിച്ചും പൃഥ്വി വെളിപ്പെടുത്തി. വർഷങ്ങൾക്ത് മുൻപത്തെ സംഭവമാണ് താരം വെളിപ്പെടുത്തിയത്. കോഴിക്കോട് കാക്കി എന്ന ചിത്രത്തിൽ അഭിനയിക്കുന്ന സമയമാണ്.. രാവിലെ ജിമ്മിൽ പോകാനായി ഒരുങ്ങുമ്പോൾ ചെന്നൈയിലെ ഒരു ലാൻഡ് ലൈൻ നമ്പറിൽ നിന്ന് തനിയ്ക്ക് ഒരു കോൾ വന്നു. തലേ ദിവസം രാത്രിയും ഇതേ നമ്പറിൽ നിന്ന് കോളുകൾ വന്നിരുന്നു. ഫോൺ സൈലന്റ് ആയിരുന്നതിനാൽ താൻ ഇത് അറിഞ്ഞിരുന്നില്ല.

നേരത്തെ വന്ന നമ്പറിൽ നിന്നു തന്നെ വീണ്ടും കോൾ വന്നു. ഞാൻ ഫോൺ എടുത്തു. അപ്പുറത്ത് നിന്നൊരാൾ രജനി സാറിന് പേശണം എന്നു പറഞ്ഞു. അപ്പോഴും തനിയ്ക്ക് വിശ്വാസം വന്നിരുന്നില്ല പത്ത് സെക്കൻഡ് കഴിഞ്ഞ് വീ ണ്ടും രജനി സാറിന്റെ ഫോൺ വന്നു. . അദ്ദേഹം തലേന്ന് മൊഴി എന്ന സിനിമ കണ്ടിട്ട് വന്ന് എന്നെ വിളിച്ചതായിരുന്നു.കണ്ണാ എന്നൊക്കെയാണ് അദ്ദേഹം വിളിച്ചിരുന്നത്. അരമുക്കാൽ മണിക്കൂറോളം അദ്ദേഹം എന്നോട് സംസാരിച്ചു. അദ്ദേഹത്തിന് എന്നെ വിളിച്ചിട്ട് ഒന്നും കിട്ടാനില്ലായിരുന്നു.

പ്രേക്ഷകർ ഏറെ ആകാംക്ഷയോടെ കാത്തിരിക്കുന്ന പൃഥ്വിരാജ് ചിത്രമാണ് ആട് ജീവിതം. ബ്ലെസ്സി സംവിധാനം ചെയ്യുന്ന ചിത്രത്തിനായുള്ള തയ്യറെടുപ്പിലാണ് താരം. നജീബ് എന്ന കഥാപാത്രമാകാനുള്ള തയ്യാറെടുപ്പിലാണ് പൃഥ്വിരാജ്. പ്രവാസി വ്യാവസായി കെജി എബ്രഹാമിന്റെ പ്രൊഡക്ഷൻ കമ്പനിയായ കെജിഎ ഫിലിംസാണ് ചിത്രം നിർമ്മിക്കുന്നത്. കുവൈത്ത്, ദുബായ്, ഓമാർ, ജോർദാൻ എന്നിവിടങ്ങഴിലാണ് ചിത്രീകരണം നടക്കുന്നത്.