അലംകൃത നേരത്തെ ഉറങ്ങിയെന്ന് സുപ്രിയ! ഇന്ദ്രജിത്തിന്‍റെ വീട്ടില്‍ പൃഥ്വിരാജ്! ചിത്രങ്ങള്‍ വൈറല്‍!

ഇന്ദ്രജിത്തിനൊപ്പം പൃഥ്വിരാജ്

അടുത്ത സുഹൃത്തുക്കളെപ്പോലെയാണ് തങ്ങളെന്ന് ഇന്ദ്രജിത്തും പൃഥ്വിരാജും പറഞ്ഞിരുന്നു. ഇന്ദ്രന്‍ തന്നെപ്പോലെയാണെന്നും പൃഥ്വിക്ക് സുകുവേട്ടന്റെ സ്വഭാവമാണെന്നുമായിരുന്നു മല്ലിക പറഞ്ഞത്. തിരക്കിട്ട ഷെഡ്യൂളുകളുമായി മുന്നേറുന്നതിനിടയില്‍ ഇടയ്ക്കിടയ്ക്ക് ഒത്തുകൂടാറുണ്ട് ഇവര്‍. അത്തരത്തിലൊരു ആഘോഷമായിരുന്നു കഴിഞ്ഞ ദിവസം നടന്നത്. ആടുജീവിതത്തിനായി പോവുന്നതിനിടയില്‍ ചേട്ടനെ കാണാനെത്തുകയായിരുന്നു പൃഥ്വിരാജ്.

സുപ്രിയയും പൂര്‍ണിമയും

ഭര്‍ത്താക്കന്‍മാരോടൊപ്പം ചേര്‍ന്നുനില്‍ക്കുന്ന ചിത്രങ്ങള്‍ സുപ്രിയയും പൂര്‍ണിമയും പോസ്റ്റ് ചെയ്തിട്ടുണ്ട്. കുടുംബത്തിലേക്ക് ആദ്യമെത്തിയ മരുമകള്‍ പൂര്‍ണിമയായിരുന്നു. സുപ്രിയ എങ്ങനെയായിരിക്കുമെന്നോര്‍ത്ത് താന്‍ ആശങ്കപ്പെട്ടിരുന്നുവെന്നും എന്നാല്‍ പെട്ടെന്ന് തന്നെ അവളും തങ്ങളുമായി ചേര്‍ന്നുവെന്നും മല്ലിക സുകുമാരന്‍ പറഞ്ഞിരുന്നു. പൂര്‍ണിമയുടെ പോസ്റ്റിന് കീഴിലെല്ലാം കമന്റുകളുമായി സുപ്രിയയും എത്താറുണ്ട്.

അലംകൃത മിസ്സിംഗ്

പ്രാര്‍ത്ഥനയും നക്ഷത്രയും അലംകൃതയും ഒരുമിച്ചുള്ള ചിത്രം സുപ്രിയ മേനോന്‍ പോസ്റ്റ് ചെയ്തിരുന്നു. പുറംതിരിഞ്ഞിരിക്കുന്ന ഇവര്‍ക്ക് പിന്നിലായി നില്‍ക്കുന്ന വിശിഷ്ടാതിഥിയും ചിത്രത്തിലുണ്ടായിരുന്നു. കുടുംബസമേതമുള്ള ചിത്രം പോസ്റ്റ് ചെയ്തത് പൂര്‍ണിമയായിരുന്നു. അലംകൃതയെവിടെയന്നായിരുന്നു എല്ലാവരും തിരക്കിയത്. എന്റെ കുട്ടി നേരത്തെ ഉറങ്ങിയെന്ന് സുപ്രിയ പറഞ്ഞപ്പോള്‍ എന്റെ രസഗുളയെന്നായിരുന്നു പൂര്‍ണിമ ആലിയെക്കുറിച്ച് പറഞ്ഞത്. അലംകൃതയെ ആലിയെന്നാണ് പൃഥ്വിയും സുപ്രിയയും വിളിക്കുന്നത്. ആരാധകര്‍ക്ക് അലംകൃത അല്ലിയാണ്.

അവാര്‍ഡ് വേദിയിലും

ലൂസിഫറിലൂടെ സംവിധാനത്തില്‍ തുടക്കം കുറിച്ച് പൃഥ്വിരാജിന് ഗംഭീര സ്വീകരണമാണ് പ്രേക്ഷകര്‍ നല്‍കിയത്്. ചിത്രത്തിന്റെ രണ്ടാംഭാഗത്തിനായി അക്ഷമയോടെ കാത്തിരിക്കുകയാണ് പ്രേക്ഷകര്‍. ലൂസിഫറിലൂടെ നിരവധി പുരസ്‌കാരങ്ങളാണ് പൃഥ്വിരാജിനെ തേടിയെത്തിയത്. മികച്ച സംവിധായകനുള്ള ഏഷ്യാനെറ്റ് അവാര്‍ഡ് സ്വന്തമാക്കിയത് പൃഥ്വിരാജായിരുന്നു. അവാര്‍ഡിനെത്തിയ ചിത്രവും സുപ്രിയ പോസ്റ്റ് ചെയ്തിരുന്നു. കറുത്ത നിറത്തിലുള്ള വസ്ത്രങ്ങളണിഞ്ഞായിരുന്നു ഇവരെത്തിയത്.