വര്‍ഷങ്ങള്‍ക്ക് ശേഷം തമിഴ്‌നാട് ചലച്ചിത്ര പുരസ്‌കാരം കൊടുത്തു! ഏറ്റ് വാങ്ങി മലയാളി താരങ്ങളും!!

തമിഴ്‌നാട് ചലച്ചിത്ര പുരസ്‌കരാം

2009 മുതല്‍ 2014 വരെ ആറു വര്‍ഷത്തെ ചലച്ചിത്ര പുരസ്‌കാരമാണ് കഴിഞ്ഞ ദിവസം കൊടുത്തത്. എട്ട് വര്‍ഷത്തെ ഇടവേളയ്ക്ക് ശേഷമായിരുന്നു ഇത്തരമൊരു പുരസ്‌കാരം സര്‍ക്കാര്‍ സംഘടിപ്പിച്ചത്.

മികച്ച നടിമാര്‍

കഴിഞ്ഞ ആറു വര്‍ഷത്തെ മികച്ച നടിമാരായി തിരഞ്ഞെടുക്കപ്പെട്ടത് ഇവരാണ്. 2009 ല്‍ പത്മപ്രിയ, 2010 ല്‍ അമല പോള്‍, 2011 ല്‍ ഇനിയ, 2012 ല്‍ ലക്ഷ്മി മേനോന്‍, 2013 ല്‍ നയന്‍താര, 2014 ല്‍ ഐശ്വര്യ രാജേഷ്.

മികച്ച നടന്മാര്‍

മികച്ച് നടന്മാര്‍ക്കുള്ള പുരസ്‌കാരം നാല് വര്‍ഷത്തെ മാത്രമെ ഉള്‍പ്പെടുത്തിയിരുന്നുള്ളു. 2009 ല്‍ കരണ്‍, 2010 ല്‍ വിക്രം, 2011ല്‍ വെമല്‍, 2013 ല്‍ ജീവ എന്നിവര്‍ക്കാണ് മികച്ച നടന്മാര്‍ക്കുള്ള പുരസ്‌കാരം ലഭിച്ചത്.

നസ്രിയയ്ക്ക്

അല്‍ഫോണ്‍സ് പുത്രന്റെ ആദ്യത്തെ സിനിമയായ നേരം എന്ന ചിത്രത്തിലെ അഭിനയത്തിന് നസ്രിയ നസിമിന് പ്രത്യേക പുരസ്‌കാരമാണ് ലഭിച്ചത്.

പൃഥ്വിരാജ്

2014 ല്‍ പുറത്തിറങ്ങിയ കാവ്യ തലൈവന്‍ എന്ന ചിത്രത്തിലെ വില്ലന്‍ കഥാപാത്രത്തെയായിരുന്നു പൃഥ്വിരാജ് അവതരിപ്പിച്ചിരുന്നത്. ചിത്രത്തിലെ അഭിനയത്തിന് മികച്ച വില്ലനുള്ള പുരസ്‌കാരമാണ് പൃഥ്വിക്ക് കിട്ടിയിരിക്കുന്നത്.

നന്ദി പറയുന്നു

വര്‍ഷങ്ങള്‍ കഴിഞ്ഞിട്ടാണ് കിട്ടിയതെങ്കിലും തനിക്ക് കിട്ടിയ അംഗീകാരത്തിന് നന്ദി അറിയിച്ച് പൃഥ്വിരാജ് രംഗത്തെത്തിയിരിക്കുകയാണ്. ഫേസ്ബുക്കിലുടെയാണ് താരം കാവ്യ തലൈവന്റെ അണിയറ പ്രവര്‍ത്തകര്‍ക്ക് നന്ദി പറഞ്ഞ് പോസ്റ്റിട്ടിരുന്നത്.