ബ്രില്യന്‍റ് ജോബ്! പൃഥ്വിയിലെ സംവിധാന മികവിന് കൈയ്യടിച്ച് സിനിമാലോകവും ആരാധകരും! കാണൂ!

പൃഥ്വിരാജിന്റെ മോഹം

അഭിമുഖങ്ങളില്‍ പങ്കെടുക്കുമ്പോള്‍ ആളാവുന്നതിന് വേണ്ടിയായിരുന്നില്ല പൃഥ്വിരാജ് സംവിധാനത്തെക്കുറിച്ച് തുറന്നുപറഞ്ഞത്. മനസ്സിലെ വലിയ മോഹത്തെക്കുറിച്ചായിരുന്നു താരപുത്രന്‍ തുറന്നുപറഞ്ഞത്. ഭാവിയില്‍ താനൊരു വലിയ നടനാവുമെന്നും നിര്‍മ്മാണത്തിലും സംവിധാനത്തിലേക്കുമൊക്കെ തിരിയുമെന്നും അദ്ദേഹം പറഞ്ഞിരുന്നു. അന്ന് പറഞ്ഞ കാര്യങ്ങളെല്ലാം പിന്നീട് നേടിയെടുക്കുകയായിരുന്നു അദ്ദേഹം. ആല്‍ക്കെമിസ്റ്റില്‍ പൗലോ കൊയ്‌ലോ പറഞ്ഞത് പോലെ മനസ്സിലെ ആഗ്രഹം ശക്തമാണെങ്കില്‍ അത് നേടിയെടുക്കുന്നതിനായി പ്രപഞ്ചവും ഈ താരപുത്രനൊപ്പം നില്‍ക്കുന്ന കാഴ്ചയായിരുന്നു നമ്മള്‍ കണ്ടത്.

സുകുമാരന്‍ പറഞ്ഞത്

മലയാള സിനിമയില്‍ നിന്നും മോശം അനുഭവങ്ങള്‍ നേരിടേണ്ടി വന്നിട്ടുണ്ട് സുകുമാരന്. തന്നെ അകറ്റി നിര്‍ത്തിയവര്‍ പോലും ഭാവിയില്‍ തന്റെ മക്കലുടെ വളര്‍ച്ച കാണുമെന്നും അവരുടെ ഡേറ്റിനായി കാത്തുനില്‍ക്കുമെന്നുമായിരുന്നു അന്നദ്ദേഹം പറഞ്ഞത്. ആ കാഴ്ച കാണാനുള്ള യോഗം അദ്ദേഹത്തിനില്ലെങ്കിലും അന്നൊപ്പമുണ്ടായിരുന്നവരില്‍ പലരും ഇന്ന് മനസ്സ് തുറന്ന് സന്തോഷിക്കുന്നുണ്ട്്. മോഹന്‍ലാലും മമ്മൂട്ടിയുമൊക്കെ ഇക്കാര്യത്തെക്കുറിച്ച് കൃത്യമായി വ്യക്തമാക്കിയിരുന്നു.

ലക്ഷ്യത്തിന് പിന്നാലെ

മനസ്സിലെ ലക്ഷ്യം സഫലീകരിക്കുന്നതിനായി കഠിന പ്രയത്‌നം നടത്താനും താരപുത്രന്‍ തയ്യാറായിരുന്നു. മാസങ്ങളോളമിരുന്ന് ഹോംവര്‍ക്ക് ചെയ്താണ് അദ്ദേഹം ലൂസിഫറിനെ ഇന്ന് കാണുന്ന രീതിയിലേക്കെത്തിച്ചത്. മലയാള സിനിമയുടെ ചരിത്രം തന്നെ തിരുത്തിക്കുറിക്കുന്ന തരത്തിലായിരിക്കും ഇത്തവണത്തെ വരവെന്ന തരത്തിലുള്ള വിലയിരുത്തലുകള്‍ നേരത്തെ പുറത്തുവന്നിരുന്നു. അത് തന്നെയാണ് സംഭവിച്ചിട്ടുള്ളതും. സംവിധായകനായുള്ള വരവിന് നിറഞ്ഞ കൈയ്യടിയാണ് ലഭിച്ചുകൊണ്ടിരിക്കുന്നത്.

ബ്രില്യന്‍സിന് കൈയ്യടി

ഊണും ഉറക്കവുമില്ലാതെ ലക്ഷ്യത്തിനായി പ്രയത്‌നിക്കുകയായിരുന്നു അദ്ദേഹം. നയന്‍ സിനിമയുടെ ചിത്രീകരണത്തിലും പൃഥ്വി ചിന്തിച്ചിരുന്നത് ലൂസിഫറിന്‍രെ തിരക്കഥയെക്കുറിച്ചായിരുന്നു. മുരളി ഗോപി എന്ന സുഹൃത്തിന്‍റെ ശക്തമായ പിന്‍ബലത്തോടെയുള്ള വരവ് വെറുതെയാവില്ലെന്ന വിലയിരുത്തല്‍ നേരത്തെ തന്നെ പുറത്തുവന്നിരുന്നു. ഇപ്പോഴിതാ അക്കാര്യം അതേ പോലെ സംഭവിച്ചിരിക്കുകയാണ്. ട്രെയിലറിലെ ബ്രില്യന്‍സ് തിയേറ്ററിലും ആവര്‍ത്തിച്ച പൃഥ്വിരാജിലെ സംവിധായകന് 8ന് മുകളിലുള്ള മാര്‍ക്കാണ് ആരാധകര്‍ നല്‍കുന്നത്. പല ഷോട്ടുകളിലും അദ്ദേഹം ഞെട്ടിച്ചുവെന്ന് ഒപ്പമുളഅളവരൊക്കെ പറഞ്ഞിരുന്നു

Recommended Video

പൃഥ്വിയും ലാലേട്ടനും ബോക്സോഫീസ് തകർക്കും

തന്നിലെ സംവിധായകനേയും രേഖപ്പെടുത്തി

തന്നിലെ സംവിധായകനേയും രേഖപ്പെടുത്തിയിരിക്കുകയാണ് പൃഥ്വിരാജ്. നടനും നിര്‍മ്മാതാവും മാത്രമല്ല സംവിധായകനെന്ന സ്ഥാനവും ഇനി അദ്ദേഹത്തിന് സ്വന്തമാണ്. സിനിമയുടെ സമസ്ത മേഖലകളിലും വിരാചിക്കണമെന്ന ആഗ്രഹത്തെക്കുറിച്ച് അദ്ദേഹം നേരത്തെ തന്നെ പറഞ്ഞിരുന്നു. മിതത്വത്തോടെ സംസാരിച്ചായിരുന്നു അദ്ദേഹം സിനിമയെക്കുറിച്ച് വിവരിച്ചത്. അനാവശ്യമായ അവകാശ വാദങ്ങളുമില്ലായിരുന്നു.