മധുരരാജയില്‍ പൃഥ്വിരാജിന്‍റെ സര്‍പ്രൈസ് എന്‍ട്രി? ലൂസിഫറിലെപ്പോലെ സംഭവിക്കുമോ? താരം പറയുന്നത്? കാണൂ!

മധുരരാജയില്‍ പൃഥ്വി?

വര്‍ഷങ്ങള്‍ക്ക് ശേഷം പോക്കിരിരാജയുടെ രണ്ടാം ഭാഗവുമായി വൈശാഖനെത്തുമ്പോള്‍ സൂര്യയായി ആരായിരിക്കും എത്തുന്നതെന്നായിരുന്നു പ്രേക്ഷകരുടെ ചോദ്യം. തമിഴകത്തിന്റെ പ്രിയതാരങ്ങളിലൊരാളായ ജയ് യാണ് ആ വേഷത്തിലെത്തുന്നതെന്ന റിപ്പോര്‍ട്ടുകളായിരുന്നു പുറത്തുവന്നത്. പൃഥ്വിയോടും ഇതേക്കുറിച്ച് ചോദിച്ചിരുന്നു. മധുരരാജയില്‍ താനില്ലെന്ന തരത്തിലുള്ള മറുപടിയാണ് അദ്ദേഹം നല്‍കിയത്. ഒരു റേഡിയോ സ്‌റ്റേഷന് നല്‍കിയ അഭിമുഖത്തിനിടയിലായിരുന്നു അദ്ദേഹം ഇതേക്കുറിച്ചുള്ള കാര്യങ്ങള്‍ പങ്കുവെച്ചത്. സര്‍പ്രൈസ് എന്‍ട്രിയുമായി പൃഥ്വി എത്തിയേക്കുമോയെന്നാണ് എല്ലാവര്‍ക്കും അറിയേണ്ടത്.

ആഗ്രഹമുണ്ടായിരുന്നു

മധുരരജയുടെ ഭാഗമാവാന്‍ ആഗ്രഹമുണ്ടായിരുന്നുവെന്നും എന്നാല്‍ തന്നെ ആ ചിത്രത്തിലേക്ക് വിളിച്ചില്ലെന്നുമായിരുന്നു തുടക്കം മുതലേ പൃഥ്വി പറഞ#്ഞത്. ഇത്തവണയും അദ്ദേഹം അത് തന്നെ ആവര്‍ത്തിക്കുകയായിരുന്നു. ഈ സിനിമയുടെ ഭാഗമാവണമെന്ന് ആത്മാര്‍ത്ഥമായി ആഗ്രഹിച്ചിരുന്നുവെങ്കിലും തനിക്ക് അതിനുള്ള അവസരം ലഭിച്ചില്ലെന്നും തന്‍രെ കഥാപാത്രത്തിന് ഇത്തവണ പ്രാധാന്യമില്ലെന്ന് മനസ്സിലാക്കിയാവാം സംവിധായകന്‍ അങ്ങനെയൊരു തീരുമാനമെടുത്തതെന്നും പൃഥ്വി പറയുന്നു.

വൈശാഖനില്‍ വിശ്വാസം

മധുരരാജയുടെ റിലീസിനായി കാത്തിരിക്കുകയാണ് താനെന്ന് താരം നേരത്തെ പറഞ്ഞിരുന്നു. ലൂസിഫര്‍ സംഘത്തിന് വിജയാശംസ നേര്‍ന്ന് വൈശാഖും മമ്മൂട്ടിയും രംഗത്തെത്തിയിരുന്നു. ഇവര്‍ക്ക് നന്ദി അറിയിച്ചതിന് ശേഷം സിനിമയ്ക്കായി കാത്തിരിക്കുകയാണ് താനെന്നായിരുന്നു പൃഥ്വി പറഞ്ഞത്. പൃഥ്വിയെ സംവിധായകരുടെ ക്ലബിലേക്കും വൈശാഖന്‍ സ്വാഗതം ചെയ്തിരുന്നു. വൈശാഖനില്‍ തനിക്ക് വിശ്വാസമുണ്ടെന്നും സിനിമ ഗംഭീര വിജയമായി മാറുമെന്നും താരം പറയുന്നു.

അത് പോലെ പറയാനാവില്ല

മധുരരാജയില്‍ പൃഥ്വി ഇല്ലെന്ന് പറഞ്ഞാല്‍ ആരും വിശ്വസിക്കില്ലെന്ന സ്ഥിതിവിശേഷമാണ് ഇപ്പോഴത്തേത്. ലൂസിഫറിനെക്കുറിച്ച് കൊച്ചുചിത്രമെന്നായിരുന്നു അദ്ദേഹം തുടക്കത്തില്‍ പറഞ്ഞത്. ആരാധകരെ അമിത പ്രതീക്ഷയിലേക്ക് നയിക്കാതിരിക്കാനായിരുന്നു ആ നീക്കം. മോഹന്‍ലാല്‍ ആരാധകരെ തൃപ്തിപ്പെടുത്തുന്ന സിനിമയെന്നായിരുന്നു അദ്ദേഹം പറഞ്ഞത്. ബിഗ് ബാനറും മോഹന്‍ലാലിനെപ്പോലൊരു താരവുമുണ്ടാവുമ്പോള്‍ അത് ചെറിയ സിനിമയെന്ന് പറഞ്ഞാല്‍ ആര് വിശ്വസിക്കാനാണെന്നും താരം ചോദിച്ചിരുന്നു. എന്നാല്‍ അത് പോലെയല്ല ഇത്, സ്വന്തം സിനിമയെക്കുറിച്ച് പറയുന്ന പോലെ മറ്റൊരു സംവിധായകന്റെ സിനിമയെക്കുറിച്ച് പറയാനാവില്ല.

ഹിറ്റാവണം

മധുരരാജയും ഹിറ്റായി മാറണമെന്നാണ് ആഗ്രഹിക്കുന്നത് രാജ മാസ്സായിരുന്നുവെങ്കില്‍ മധുരരാജ കൊലമാസ്സാണെന്നായിരുന്നു മമ്മൂട്ടി പറഞ്ഞത്. എല്ലാ തരത്തിലുള്ള പ്രേക്ഷകരേയും തൃപ്തിപ്പെടുത്തുന്ന സിനിമയായിരിക്കും ഇതെന്നും അദ്ദേഹം പറഞ്ഞിരുന്നു. സിനിമയുടെ പോസ്റ്ററുകളും ലൊക്കേഷന്‍ ചിത്രവുമൊക്കെ സോഷ്യല്‍ മീഡിയയിലൂടെ വൈറലായിരുന്നു. ഏപ്രില്‍ 12നാണ് സിനിമയെത്തുന്നതെന്ന തരത്തിലുള്ള റിപ്പോര്‍ട്ടുകളാണ് ഇപ്പോള്‍ പുറത്തുവന്നിട്ടുള്ളത്. ഏപ്രില്‍ 5നാണ് സിനിമയുടെ ട്രെയിലര്‍ ലോഞ്ച്.

മൂന്നാം ഭാഗത്തില്‍ വിളിക്കണം

സിനിമയുടെ രണ്ടാം ഭാഗത്തില്‍ തന്നെ വിളിച്ചില്ലെങ്കിലും മൂന്നാം ഭാഗത്തില്‍ വിളിക്കണമെങ്കില്‍ സിനിമ ഹിറ്റായാലേ മതിയാവൂയെന്നായിരുന്നു പൃഥ്വിരാജിന്റെ മറുപടി. സംവിധായകനോടും അ്‌ദ്ദേഹം ഇതിനായി ആവശ്യപ്പെട്ടിരുന്നു. ലൂസിഫറിന് പിന്നാലെയായെത്തുന്ന മധുരരാജയ്ക്കായി കാത്തിരിക്കുകയാണ് എല്ലാവരും. അതിനിടയിലാണ് പൃഥ്വിയും ഈ വിശേഷം പങ്കുവെച്ചത്.

വിശ്വസിക്കില്ല

സ്വന്തം സിനിമയില്‍ അഭിനയിക്കില്ലെന്ന് പറഞ്ഞയാളാണ് പൃഥ്വി. സംവിധായകനായി അരങ്ങേറുന്നുവെന്നറിയിച്ചതിന് പിന്നാലെയായാണ് ഇക്കാര്യത്തെക്കുറിച്ചുള്ള ചോദ്യങ്ങളുമായി ആരാധകരെത്തിയത്. റിലീസിന് മുന്നോടിയായുള്ള പ്രമോഷണല്‍ പരിപാടികളിലൊന്നും ഇതേക്കുറിച്ച് പറഞ്ഞിരുന്നില്ല. 26 ക്യാരക്ടര്‍ പോസ്റ്ററുകള്‍ പുറത്തുവന്നതിന് പിന്നാലെയായി ട്രെയിലറും പുറത്തുവിട്ടതിന് ശേഷമാണ് ആ രഹസ്യം പരസ്യമാക്കിയത്. അത് പോലെ തന്നെയായിരിക്കും ഈ പറച്ചിലെന്നും അദ്ദേഹവും മധുരരാജയിലുണ്ടാവുമെന്നുമാണ് ഒരുവിഭാഗം പറയുന്നത്. ഇതേക്കുറിച്ചറിയാന്‍ റിലീസ് വരെ കാത്തിരിക്കണം.