സുപ്രിയ ഗര്‍ഭിണിയാണെന്നറിഞ്ഞ ദിവസവും പൃഥ്വിരാജ് അവിടെയുണ്ട്! അനുഭവം പങ്കിട്ട് തിരക്കഥാകൃത്ത്

പുതിയ നടന്‍മാരെ ഭയക്കുന്നുണ്ടോ?

നിത്യേന നിരവധി പുതുമുഖങ്ങളാണ് സിനിമയില്‍ അരങ്ങേറിക്കൊണ്ടിരിക്കുന്നത്. താരങ്ങളുടെ മക്കളും അല്ലാത്തവരുമൊക്കെയായി കുറേയേറെ പേരാണ് അഭിനയത്തില്‍ അരങ്ങേറ്റം കുറിച്ചത്. പുതിയ നടന്‍മാരുടെ വരവ് ഭയക്കുന്നുണ്ടോയെന്ന് ചോദിച്ചപ്പോള്‍ ഇല്ലെന്നുള്ള മറുപടിയായിരുന്നു പൃഥ്വിരാജ് നല്‍കിയത്. ഈ സംഭവം വാര്‍ത്തയായത് കണ്ടുവെന്നും അദ്ദേഹം ആരേയും ഭയക്കുന്നില്ലെന്നും കുറിപ്പില്‍ പറയുന്നു. 2002 മുതല് അദ്ദേഹത്തിനൊപ്പം ചേര്‍ത്ത് പല പേരുകളും പറഞ്ഞിരുന്നുവെങ്കിലും ഇന്നും മുന്‍നിരയിലുണ്ട് അദ്ദേഹം. നാളെ ഉണ്ടാവുകയും ചെയ്യും.

സെവന്‍ത് ഡേയിലെ അനുഭവം

2014, ഫെബ്രുവരി 21, സെവന്‍ത് ഡേയില് ഡേവിഡ് എബ്രഹാമിന്‍റെ വീടിനുള്ളിലെ രംഗങ്ങള് കൂടി തീര്‍ന്നതോടെ സിനിമയില്‍ രാജുവേട്ടന്‍ അഭിനയിക്കുന്ന
ഭാഗങ്ങള്‍ അവസാനിച്ചു. 4 ദിവസത്തെ വിശ്രമത്തിന് ശേഷം പിക്കറ്റ് 42 യുടെ ഷെഡ്യൂളില്‍ ജോയിന്‍ ചെയ്യണം അദ്ദേഹത്തിന്. അനു മോഹനും ജനനിയും ടൊവിനോ തോമസും പ്രവീണുമുള്ള രംഗങ്ങളാണ് സെവന്‍ത് ഡേയില്‍ ചിത്രീകരിക്കാനുള്ളത്. അതിരപ്പിള്ളിയില്‍ വെച്ചായിരുന്നു ഈ രംഗങ്ങള്‍ ചിത്രീകരിക്കേണ്ടത്.

അച്ഛനാവാന്‍ പോവുന്നു

2014 february 21 , സെവന്‍ത് ഡേയിലെ തന്‍റെ സീന്‍ പൂര്‍ത്തിയാക്കിയ അന്നാണ് പൃഥ്വിരാജ് താന്‍ അച്ഛനാവാന്‍ പോവുകയാണെന്ന് അറിഞ്ഞത്. ജീവിതത്തില്‍ ഏറ്റവും സന്തോഷം തോന്നിയ മുഹൂര്‍ത്തമായിരുന്നിട്ട് കൂടി അദ്ദേഹം 4 ദിവസം കൂടി അവിടെ തുടരുകയായിരുന്നു. സിനിമയോടുള്ള അദ്ദേഹത്തിന്‍റെ പാഷനും ഡെഡിക്കേഷനും അത്ഭുതപ്പെടുത്തുന്നുവെന്നുമായിരുന്നു അണിയറപ്രവര്‍ത്തകര്‍ പറഞ്ഞത്.