നടി പ്രിയ മോഹന്‍ അമ്മയായി! കുഞ്ഞതിഥിയെ വരവേറ്റ് പൂര്‍ണ്ണിമയും ഇന്ദ്രജിത്തും! ചിത്രങ്ങള്‍ വൈറല്‍!കാണൂ

പ്രിയ മോഹന് ആണ്‍കുഞ്ഞ്

പ്രിയ മോഹനും നിഹാല്‍ പിള്ളയ്ക്കും ആണ്‍കുഞ്ഞ് ജനിച്ചുവെന്നുള്ള സന്തോഷവുമായെത്തിയത് പൂര്‍ണ്ണിമയും ഇന്ദ്രജിത്തുമായിരുന്നു. പ്രാണയുടെ പുതിയ പരിപാടിയിലേക്ക് എത്തിയപ്പോഴാണ് താന്‍ ആശുപത്രിയില്‍ നിന്നാണ് വരുന്നതെന്നും അനിയത്തിയുടെ പ്രസവ സമയത്ത് ഒപ്പമുണ്ടായിരുന്നുവെന്നും താരം വ്യക്തമാക്കിയത്. പ്രാര്‍ത്ഥനയ്ക്കും നക്ഷത്രയ്ക്കും പിന്നാലെയാണ് ഇവരുടെ കുടുംബത്തിലേക്ക് ഒരു കുഞ്ഞതിഥി കൂടിയെത്തിയത്. ആ സന്തോഷത്തിലാണ് താരകുടുംബം.

ദീപാവലി ആഘോഷത്തിനിടയില്‍

സഹോദരി കുഞ്ഞതിഥിക്കായുള്ള കാത്തിരിപ്പിലാണെന്ന് നേരത്തെ പൂര്‍ണ്ണിമ വ്യക്തമാക്കിയിരുന്നു. ഇത്തവണത്തെ ദീപാവലി ആഘോഷത്തിനിടയിലായിരുന്നു വളക്കാപ്പ് ചടങ്ങും നടത്തിയത്. ആഘോഷത്തിനിടയിലെ ചിത്രങ്ങള്‍ സോഷ്യല്‍ മീഡിയയിലൂടെ വൈറലായിരുന്നു. അതിന് പിന്നാലെയായാണ് ഈ സന്തോഷ വാര്‍ത്തയെത്തിയത്. അഭിനേത്രി എന്നതിനും അപ്പുറത്ത് നല്ലൊരു അവതാരക കൂടിയാണ് താനെന്ന് പൂര്‍ണ്ണിമ തെളിയിച്ചിരുന്നു. പാട്ടും അഭിനയവുമൊക്കെയായി പ്രാര്‍ത്ഥനയും നക്ഷത്രയും കലാരംഗത്ത് സജീവമാണ്.

സന്തോഷം പങ്കുവെച്ച് ഇന്ദ്രജിത്തും

കുടുംബത്തിലേക്ക് കുഞ്ഞതിഥി എത്തിയെന്നും അച്ഛന്‍ ക്ലബിലേക്ക് നിഹാലിനെ സ്വാഗതം ചെയ്യുന്നുവെന്ന് ഇന്ദ്രജിത്തും വ്യക്തമാക്കിയിട്ടുണ്ട്. സോഷ്യല്‍ മീഡിയയിലൂടെ ഇതിനോടകം തന്നെ താരത്തിന്റെ പോസ്റ്റും വൈറലായിക്കഴിഞ്ഞിട്ടുണ്ട്. സിനിമയില്‍ സജീവമല്ലെങ്കിലും പൂര്‍ണ്ണിമയുടെ ഓരോ ചുവടിന് പിന്നിലും അദ്ദേഹത്തിന്റെ ശക്തമായ പിന്തുണയുണ്ട്. പ്രാണയുടെ കാര്യത്തെക്കുറിച്ച് പറഞ്ഞപ്പോള്‍ തന്നെ ശക്തമായ പിന്തുണയാണ് അദ്ദേഹം നല്‍കിയതെന്ന് നേരത്തെ താരപ്തനി പറഞ്ഞിരുന്നു.

നേരത്തെ പങ്കുവെച്ച ചിത്രങ്ങള്‍

ദീപാവലി ആഘോഷത്തിനിടയിലെ ചിത്രങ്ങളായിരുന്നു നേരത്തെ താരകുടുംബം പങ്കുവെച്ചത്. മല്ലിക സുകുമാരനൊപ്പമുള്ള ചിത്രങ്ങളും പങ്കുവെച്ചിരുന്നു. പ്രിയയുടെ സന്തോഷത്തില്‍ പങ്കുചേരുന്ന പൂര്‍ണ്ണിമയും കുടുംബവുമായിരുന്നു ചിത്രങ്ങളിലുണ്ടായിരുന്നത്. നിഹാലിനൊപ്പമുള്ള പ്രിയയുടെ ചിത്രങ്ങളാണ് ഇത്തവണ താരദമ്പതികള്‍ പങ്കുവെച്ചത്.

കൂട്ടുകാരിയുടെ വിവാഹം ആഘോഷമാക്കി

പൂര്‍ണ്ണിമയുടെയും ഇന്ദ്രന്റെയും അടുത്ത സുഹൃത്തിന്റെ വിവാഹമായിരുന്നു അടുത്തിടെ കഴിഞ്ഞത്. ശ്രീലങ്കയില്‍ വെച്ചായിരുന്നു വിവാഹം. ഭാവന, ഗീതുമോഹന്‍ദാസ് തുടങ്ങിയവരും വിവാഹത്തില്‍ പങ്കെടുത്തിരുന്നു. ആഘോഷത്തിനിടയിലെ ചിത്രങ്ങളും വീഡിയോയും സോഷ്യല്‍ മീഡിയയിലൂടെ വൈറലായിരുന്നു. നാളുകള്‍ക്ക് ശേഷമുള്ള ഒത്തുചേരല്‍ ഇവര്‍ ശരിക്കും ആഘോഷമാക്കി മാറ്റുകയായിരുന്നു.

ഇന്ദ്രജിത്തിന്റെ പോസ്റ്റ് കാണാം

സന്തോഷത്തോടെ ഇന്ദ്രജിത്ത്.

പൂര്‍ണ്ണിമയുടെ പോസ്റ്റ്

പൂര്‍ണ്ണിമയുടെ ഇന്‍സ്റ്റഗ്രാം പോസ്റ്റ് കാണാം.