എനിക്ക് വേണ്ടി തരം താഴ്ത്തിയിട്ടില്ല!! നൂറിന്റെ പ്രശ്നം അതായിരിക്കും, മൗനം വെടിഞ്ഞ് പ്രിയ

നൂറിന്റെ പ്രശ്നം

താനും നൂറിനുമായി വലിയ പ്രശ്നങ്ങൾ നടക്കുന്നുവെന്നു തരത്തിലുള്ള സംസാരങ്ങൾ പ്രചരിച്ചിരുന്നു. എന്നാൽ സത്യത്തിൽ അങ്ങനെയല്ലെന്നും പ്രിയ അഭിമുഖത്തിൽ പറയുന്നുണ്ട്. തനിയ്ക്ക് അവരോട് ഒരു പ്രശ്നവുമില്ല. നൂറിൻ ഒരുപാട് പ്രതീക്ഷ വെച്ച് പുലർത്തിയ ചിത്രമായിരുന്നു ഇത്. താനുമായി സ്ക്രീൻ ഷെയർ ചെയ്യേണ്ടി വരും എന്നത് അവരെ വിഷമിപ്പിച്ചിട്ടുണ്ടാകും. അതായിരിക്കും അവർക്ക് എന്നോടുള്ള പ്രശ്നവും. താൻ ആരുടേയും അവസരങ്ങൾ തട്ടിയെടുത്തിട്ടുല്ലെന്നും പ്രിയ പറയുന്നുണ്ട്.

തനിയ്ക്ക് നേരിടേണ്ടി വന്ന ആക്രമണങ്ങൾ

കഴിഞ്ഞ വർഷം ഏറ്റവും കൂടുതൽ സൈബർ ആക്രമണത്തിനും ട്രോളിനും ഇരയാകേണ്ടി വന്ന താരമായിരുന്നു പ്രിയ. സമൂഹമാധ്യമങ്ങളിലൂടെ പലതരത്തിലുളള പരിഹാസം താരത്തിന് നേരിടേണ്ടി വന്നു. ചിത്രം പുറത്തു വന്നതിനു ശേഷവും ഇത് തുടർന്നിരുന്നു. ഇതിനെ കുറിച്ചും താരം പറഞ്ഞു. ചിത്രം പുറത്തു വന്നതിനു പിന്നാലെ പലരും തന്നെ കടന്നാക്രമിച്ച് രംഗത്തെത്തിയിരുന്നു. ഇതിന്റെ പിന്നിൽ ആരാണെന്ന് ചിന്തിച്ചാവ്‍ മനസ്സിലാകുമെന്നും പ്രിയ തുറന്നു പറഞ്ഞു. തനിയ്ക്ക് ആരുമായും ഒരു പ്രശ്നമില്ലെന്നും താരം വീണ്ടും അഭിമുഖത്തിൽ പറഞ്ഞു.

കഥാപാത്രത്തെ കുറിച്ച് ധാരണയുണ്ടായിരുന്നു

ആദ്യം മുതൽ തന്നെ അഡാർ വലിനെ കുറിച്ച് പ്രചരിച്ചരുന്ന ഒരു വാർത്തയായിരുന്നു പ്രിയയ്ക്ക് വേണ്ടി തരക്കഥ മാറ്റി എഴുതി എന്നത്. നിർമ്മാതാവിന്റെ നിർബന്ധത്തിന് പകരം പ്രിയയ്ക്ക് മുൻ തൂക്കം നൽകി കൊണ്ട് തിരക്കഥ മാറ്റി എഴുതിയെന്നായിരുന്നു റിപ്പോർട്ട്. എന്നാൽ അത് അങ്ങനെയല്ലെന്നും തന്റെ കഥാപാത്രത്തെ കുറിച്ച് ആദ്യം മുതൽ തനിയ്ക്ക് നല്ല ധാരണയുണ്ടായിരുന്നെനനും പ്രിയ അഭിമുഖത്തിലൂടെ വെളിപ്പെടുത്തി,

പ്രിയയുടെ മുന്നറിയിപ്പ്

കഴിഞ്ഞ ദിവസം പുറത്തു വന്ന പ്രിയയുടെ ഇൻസ്റ്റഗ്രാം പോസ്റ്റ് വൻ വിവാദത്തിനു ചർച്ചയ്ക്കും വഴിവെച്ചിരുന്നു. താൻ വായ് തുറന്ന് പറയാൻ തുടങ്ങിയാൽ ചിലരൊക്കെ വെള്ളം കുടിക്കും എന്നായിരുന്നു പോസ്റ്റ്. ഇത് വലിയ ചർച്ചയ്ക്ക് വഴിവെച്ചിരുന്ന. പ്രിയയെ കുറിച്ചുള്ള ഒമർലുലുവിന്റെ അഭിപ്രാംയം വന്നതിനു തൊട്ട് പിന്നാലെയാണ് ഇൻസ്റ്റഗ്രാം പോസ്റ്റുമായി പ്രത്യക്ഷപ്പെട്ടത്.

പ്രിയയുമായി ഒരു ബന്ധവുമില്ല

നൂറിനും ഒമർലുലുവും എത്തിയ ഒരു ടെലിവിഷൻ ഷോയിൽ താനും പ്രിയയുമായി യാതൊരു തരത്തിലുമുളള ബന്ധവുമില്ലെന്ന് സംവിധായകൻ ഒമർ ലുലു പറഞ്ഞ. അർഹിക്കാത്ത അംഗീകാരം ലഭിച്ചപ്പോൾ പ്രിയ അടക്കമുളള ചില പുതുമുഖ താരങ്ങളുടെ സ്വഭാവത്തിൽ മാറ്റം വന്നുവെന്നും ഒമർ പറ‍ഞ്ഞിരുന്നു. കൂടാതെ റോഷനും പ്രിയയുമായി താന്‍ അകല്‍ച്ചയിലാണെന്ന തരത്തിലായിരുന്നു നൂറിന്റെ പ്രതികരണവും. എന്തായാലും അഡാർ ലവ് കുടുംബത്തിലെ പ്രശ്നം സോഷ്യൽ മീഡിയയിൽ അഡാറ് ചർച്ചകൾക്ക് തുടക്കം കുറിച്ചിട്ടുണ്ട്