മലയാളികൾക്ക് ഒരിക്കലും ഈ താരങ്ങളെ മടുക്കില്ല, മോഹൻലാലിന്റെ പേര് പറയാതെ പ്രിയദർശൻ

ജഗതി ശ്രീകുമാർ, പപ്പു, ശങ്കരാടി, തിലകൻ എന്നിവരെ ഒരിക്കലും പ്രേക്ഷകർക്ക് മടുത്തിട്ടില്ല. ഇന്നും ഇവരെ മലയാളി പ്രേക്ഷകർ സ്നേഹിക്കുകയും ആരാധിക്കുകയും ചെയ്യുന്നുണ്ട്. ഇതിന് കാരണം സിനിമയിലെ അവരുടെ റോളുകളും പ്രേക്ഷകരെ പിടിച്ചിരുത്താനുള്ള കഴിവുമാണ്. എത്രയോ ജനറേഷൻ പിന്നിട്ടതാരങ്ങളാണ് ഇവർ. താരങ്ങളെ കാണാൻ വേണ്ടി മാത്രം സിനിമ കാണാൻ വരുന്നവരുണ്ട്. ജഗതിയുള്ളതിനാൽ സിനിമ കാണാൻ ആളുകൾ എത്തുന്നതിനെ കുറിച്ചും പ്രിയദർശൻ അഭിമുഖത്തിൽ പറയുന്നു.

കഴിഞ്ഞ എട്ട്, ഒമ്പത് വർഷത്തെ കാര്യം എടുത്തു നോക്കുമ്പോൾ പല പുതിയ താരങ്ങൾ ഉയർന്നുണ്ട്. അതുപോലെ തന്നെ മാഞ്ഞു പോകുകയും ചെയ്യുന്നുണ്ട്. എന്നാൽ ഇവർ അങ്ങനെയല്ല. ഇതുകൊണ്ടാണ് ഇവരൊക്കെ എന്നും എന്റെ സിനിമകളിൽ ഉണ്ടായിരുന്നത്. ''ടാസ്ക്കി വിളിക്കെടാ..., താമരശ്ശേരി ചുരം'' തുടങ്ങിയ ഡയലോഗുകൾ പപ്പുവേട്ടനെ മനസ്സിൽ കണ്ട് കൊണ്ട് എഴുതിയാണ്. അതുപോലെ ജഗതിയെ മനസ്സിൽ കണ്ട് കൊണ്ട് എഴുതിയ സീനുകളുമുണ്ട്. ഇത്തരത്തിൽ ഒരു സിനിമ ചെയ്യാൻ ഇരിക്കുമ്പോൾ നമ്മുടെ മനസ്സിൽ ഇവർ എത്തുമ്പോൾ എഴുതാനും എളുപ്പമാണെന്ന് സംവിധായകൻ പറയുന്നുണ്ട്.

ഇപ്പോഴത്തെ താരങ്ങളും വളരെ മികച്ച അഭിനേതാക്കളാണെന്നും പ്രിയദർശൻ പറയുന്നുണ്ട്. പക്ഷെ ജഗതി , പപ്പു, ശങ്കരാടി, തിലകൻ എന്നിവർ മലയാളികളുടെ മനസ്സിൽ സ്ഥിരമായി സ്ഥാനം നേടിയവരാണ്. ഇവരെ പോലുള്ള ആളുകൾ ഉണ്ടാകുമോ ഉണ്ടാകാം ഉണ്ടാകാതിരിക്കാം അത് നമുക്ക് പറയാൻ കഴിയില്ലെന്നും പ്രിയദർശൻ അഭിമുഖത്തിൽ പറയുന്നു. കുതിരവട്ടം പപ്പു, ഇന്നസെന്റ്, ജഗതി, തിലകൻ തുടങ്ങിയവർ പ്രിയദർശൻ ചിത്രത്തിലെ സ്ഥിരം താരങ്ങളായിരുന്നു. ഇന്നും ഇവരുടെ പഴയ കഥാപാത്രങ്ങളും ഡയലോഗും പ്രേക്ഷകരുടെ ഇടയിൽ ചർച്ച വിഷയമാണ്.

മോഹൻലാൽ പ്രിയദർശൻ കൂട്ടുകെട്ടിൽ ഒരുങ്ങുന്ന മരയ്ക്കാർ അറബികടലിന്റെ സിംഹം എന്ന ചിത്രത്തിന് വേണ്ടി ആകാംക്ഷയോടെ കാത്തിരിക്കുകയാണ് പ്രേക്ഷകർ. ഒരു ചെറിയ ഇടവേളയ്ക്ക് ശേഷമാണ് പ്രിയൻ മോഹൻലാൽ കൂട്ടുകെട്ട് ഒന്നിച്ച് എത്തുന്നത്. ബിഗ് ബജറ്റ് ചിത്രമായ മരയ്ക്കാർ ആഗസ്റ്റ് 12 ന് തിയേറ്റർ റിലീസായിട്ടാണ് എത്തുന്നത്. മോഹൻലാൽ കുഞ്ഞാലി മരയ്ക്കാർ ആയി എത്തുന്ന ചിത്രത്തിൽ വൻ താരനിരയാണ് അണിനിരക്കുന്നത്. മഞ്ജു വാര്യർ, കല്യാണി പ്രിയദർശൻ, പ്രണവ് മോഹൻലാൽ, അർജുൻ സർജ, സുനിൽ ഷെട്ടി, പ്രഭു, കീർത്തി സുരേഷ്, മുകേഷ് , സിദ്ദിഖ് എന്നിവരാണ് താരങ്ങൾ..

ഞങ്ങൾക്ക് പറയാനുള്ളത്

മലയാളി പ്രേക്ഷകർ ഏറെ ആകാംക്ഷയോടെ കാത്തിരിക്കുന്ന ചിത്രമാണ് മരയ്ക്കാർ.വലിയ പ്രതീക്ഷയോടെയാണ് ചിത്രത്തിനായി കാത്തിരിക്കുന്നത്.