Don't Miss!
- News ആദ്യമായി വോട്ട് ചെയ്യുകയാണോ? രീതികൾ അറിയില്ലേ, ആശങ്കവേണ്ട; അറിയേണ്ടതെല്ലാം ഇതാ
- Automobiles 20 വര്ഷത്തിന് ശേഷം ലംബോര്ഗിനി മാറ്റിയ ലോഗോ കണ്ടോ? ഒരമ്മ പെറ്റ അളിയന്മാരെന്നേ പറയൂ...
- Lifestyle ആഗ്രഹങ്ങളും ലക്ഷ്യങ്ങളും സാധിക്കും; ഈ സൂര്യ ഗ്രഹണം അതിനുള്ള അപൂര്വ്വ അവസരം
- Technology കൈയിലെ ചെറുവിരലിന് ഒരു വളവ് ഉണ്ടോ എന്ന് നോക്കൂ! ഭയപ്പെടുത്തി 'ഐഫോൺ ഫിംഗർ', വീഡിയോ ഇതാ
- Finance എസ്ബിഐ അടക്കം മൂന്ന് ഓഹരികൾ വാങ്ങാം, നേട്ടം 25% വരെയാണ്, കൂടെക്കൂട്ടുന്നോ...
- Sports IPL 2024: ജ്യോത്സ്യനാണോ? ഒരു ഓവറില് നാല് സിക്സ് അടിക്കുമെന്ന് പ്രവചിച്ച പരാഗ്; പഴയ ട്വീറ്റ് കുത്തിപ്പൊക്കി
- Travel തേക്കടിയുടെ പൂക്കാലത്തിന് തുടക്കം.. തേക്കടി ഫ്ലവർ ഷോ കാണേണ്ടെ?
ലോകത്തൊരു നടനും ചെയ്യാത്ത ആ ഷോട്ട്! കാലാപാനിയിലെ മോഹന്ലാലിനെക്കുറിച്ച് പ്രിയദര്ശന്! കാണൂ
മോഹന്ലാല്-പ്രിയദര്ശന് കൂട്ടുകെട്ടില് പുറത്തിറങ്ങിയ സിനിമകള്ക്കെല്ലാം മികച്ച സ്വീകാര്യതയാണ് പ്രേക്ഷകര് നല്കിയിട്ടുളളത്. ഹാസ്യ പശ്ചാത്തലത്തിലുളളതും ശക്തമായ പ്രമേയം പറഞ്ഞതുമായ ചിത്രങ്ങളും ഇവരുടെതായി പുറത്തിറങ്ങിയിരുന്നു. മലയാളത്തിലെ എക്കാലത്തെയും ഹിറ്റ് കൂട്ടുകെട്ടായിട്ടാണ് ഇരുവരും അറിയപ്പെടുന്നത്. പ്രിയദര്ശന്-മോഹന്ലാല് കൂട്ടുകെട്ടില് പുറത്തിറങ്ങിയ ശ്രദ്ധേയ സിനിമകളിലൊന്നായിരുന്നു കാലാപാനി.
ചരിത്ര പശ്ചാത്തലത്തില് കഥ പറഞ്ഞ സിനിമ ഇപ്പോഴും മലയാളത്തിലെ ക്ലാസിക്ക് ചിത്രങ്ങളിലൊന്നായിട്ടാണ് അറിയപ്പെടുന്നത്. സിനിമ പുറത്തിറങ്ങി വര്ഷങ്ങള് കഴിഞ്ഞെങ്കിലും ടെലിവിഷന് ചാനലുകളില് വരുമ്പോള് മികച്ച പ്രേക്ഷക സ്വീകാര്യതയാണ് കാലാപാനിക്ക് ലഭിക്കാറുളളത്. കാലാപാനിയിലെ ഒരു രംഗത്തെക്കുറിച്ച് അടുത്തിടെ സംവിധായകന് പ്രിയദര്ശന് തുറന്നുപറഞ്ഞിരുന്നു. ഓണ്ലൈന് മാധ്യമമായ ദ ക്യൂവിന് നല്കിയ അഭിമുഖത്തിലാണ് സംവിധായകന് ഇക്കാര്യം പറഞ്ഞത്.
കാലാപാനി എന്ന ചിത്രം
പ്രിയദര്ശന്റെ സംവിധാനത്തില് 1996ലായിരുന്നു കാലാപാനി പുറത്തിറങ്ങിയിരുന്നത്. മലയാളി താരങ്ങള്ക്കു പുറമെ തമിഴ്, ഹിന്ദി ഭാഷകളില്നിന്നുളള അഭിനേതാക്കളും സിനിമയില് അഭിനയിച്ചിരുന്നു. മോഹന്ലാലിന്റെ കരിയറിലെ മികച്ച കഥാപാത്രങ്ങളില് ഒന്ന് തന്നെയാണ് ചിത്രത്തിലെ ഗോവര്ദ്ധന് മേനോന്. ദേശീയ ചലച്ചിത്ര പുരസ്കാരങ്ങളും സംസ്ഥാന അവാര്ഡുകളുമടക്കം നിരവധി അംഗീകാരങ്ങള് സിനിമയ്ക്ക് ലഭിച്ചിരുന്നു. മോഹന്ലാലിന്റെ പ്രകടനത്തിനൊപ്പം പ്രിയദര്ശന്റെ മേക്കിങ്ങും ചിത്രത്തില് മുഖ്യ ആകര്ഷണമായി മാറിയിരുന്നു.
മോഹന്ലാല് അമരീഷ് പുരി
കാലാപാനിയുടെതായി ശ്രദ്ധേമായി മാറിയ ഒരു രംഗത്തെക്കുറിച്ചായിരുന്നു അടുത്തിടെ നടന്ന അഭിമുഖത്തില് പ്രിയദര്ശന് വെളിപ്പെടുത്തിയത്. കാലാപാനി എന്ന ചിത്രത്തില് വിസ്മയിപ്പിക്കുന്ന പ്രകടനമാണ് മോഹന്ലാല് നടത്തിയത്. അതില് തന്നെ മോഹന്ലാല് അമരീഷ് പുരി അവതരിപ്പിക്കുന്ന ബ്രീട്ടിഷ് ഇന്ത്യന് പോലീസ് ഓഫീസര് കഥാപാത്രത്തിന്റെ ഷൂ നക്കുന്ന ഒരു ഷോട്ട് ഉണ്ട്. ആ രംഗം മോഹന്ലാല് ഒറിജിനല് ആയി തന്നെ ചെയ്തതാണെന്നും ആ ഷോട്ട് കഴിഞ്ഞപ്പോള് അമരീഷ് പുരി മോഹന്ലാലിനെ കെട്ടിപിടിച്ച് കരഞ്ഞെന്നും പ്രിയദര്ശന് ഓര്ക്കുന്നു.
ലോകത്തൊരു നടനും
ലോകത്തൊരു നടനും ചെയ്യാന് മനസ് കാണിക്കാത്ത കാര്യം ആണ് മോഹന്ലാല് ചെയ്തത് എന്നാണ് അമരീഷ് പുരി പറഞ്ഞത്. തന്റെ കഥാപാത്രത്തിന്റെ പൂര്ണതയ്ക്കു വേണ്ടി ഏതറ്റം വരെയും പോകാന് ഉളള മോഹന്ലാലിന്റെ മനസ് ആണ് പ്രിയദര്ശന് വെളിപ്പെടുത്തിയിരിക്കുന്നത്. അതേസമയം പ്രിയദര്ശന് മോഹന്ലാല് കൂട്ടുകെട്ടില് ഒരുങ്ങുന്ന എറ്റവും പുതിയ ചിത്രമാണ് മരക്കാര് അറബിക്കടലിന്റെ സിംഹം.
ഒപ്പം എന്ന ഹിറ്റ് ചിത്രത്തിനു ശേഷമാണ്
ഷൂട്ടിംഗ് പൂര്ത്തിയായ സിനിമയുടെ അവസാന ഘട്ട ജോലികള് പുരോഗമിച്ചു കൊണ്ടിരിക്കുകയാണ്. മോഹന്ലാല് കുഞ്ഞാലി മരക്കാര് നാലാമനായി എത്തുന്ന ചിത്രത്തില് വമ്പന് താരനിര തന്നെ അണിനിരക്കുന്നു. മരക്കാറിന്റെതായി പുറത്തിറങ്ങിയ ലൊക്കേഷന് ചിത്രങ്ങളെല്ലാം നേരത്തേ സോഷ്യല് മീഡിയയില് വൈറലായി മാറിയിരുന്നു. ഒപ്പം എന്ന ഹിറ്റ് ചിത്രത്തിനു ശേഷമാണ് പ്രിയദര്ശന് മോഹന്ലാല് കൂട്ടുകെട്ട് വീണ്ടും ഒന്നിച്ചിരിക്കുന്നത്.
പത്ത് ഭാഷകളില്
പത്ത് ഭാഷകളില് മോഹന്ലാല് ചിത്രം പുറത്തിറങ്ങുമെന്നായിരുന്നു പുതിയ റിപ്പോര്ട്ടുകള് വന്നിരുന്നത്. ഇത് സാധിച്ചാല് ഇന്ത്യന് സിനിമയിലെ തന്നെ ചരിത്രമായി മരക്കാര് അറബിക്കടലിന്റെ സിംഹം മാറുമെന്നാണ് റിപ്പോര്ട്ടുകള് സൂചിപ്പിക്കുന്നത്. പോസ്റ്റ് പ്രൊഡക്ഷന് വര്ക്കുകള് പുരോഗമിക്കുന്ന സിനിമ ഡിസംബര് അല്ലെങ്കില് അടുത്ത വിഷു സീസണിലായിരിക്കും റിലീസ് ചെയ്യുകയെന്നും അറിയുന്നു
കിഷോര് കുമാറിന്റെ മനോഹര ഗാനം പാടി ഉണ്ണി മുകുന്ദന്! മസിലളിയന്റെ ഇന്സ്റ്റഗ്രാം വീഡിയോ കാണാം
ഹോളിവുഡ് ചിത്രം ടെര്മിനേറ്റര് ഡാര്ക് ഫേറ്റിന്റെ ട്രെയ്ലര്! അതിഥി വേഷത്തില് ആര്ണോള്ഡും! കാണൂ