അന്ന് ചാക്കോച്ചന്റെ തോളിലിരുന്ന കുട്ടി ഇന്ന് തെന്നിന്ത്യയുടെ താരറാണി, മാറ്റമില്ലാതെ നടൻ

| Updated: Wednesday, November 11, 2020, 20:22 [IST]

മലയാളി പ്രേക്ഷകരുടെ പ്രിയപ്പെട്ട താരമാണ് മഞ്ജിമ മോഹൻ. ബാലതാരമായി സിനിമയിൽ എത്തി പിന്നീട് തെന്നിന്ത്യൻ പ്രേക്ഷകരുടെ പ്രിയങ്കരിയായി മാറുകയായിരുന്നു. 1998 മുതൽ 2002 വരെ സിനിമയിൽ ബാലതാരമായി തിളങ്ങിയ താരം 2015 ൽ ഒരു വടക്കൻ സെൽഫി എന്ന ചിത്രത്തിലൂടെ നായികയായി ചുവട് വയ്ക്കുകയായിരുന്നു. നിവിൻ പോളിയുടെ നായികയായിട്ടായിരുന്നു നടിയുടെ അരങ്ങേറ്റം 2019 ൽ പുറത്തു വന്ന മിഖായേലാണ് നടിയുടേതായി പുറത്ത് വന്ന ചിത്രം.

നടിയുടെ ഏറ്റവും ശ്രദ്ധിക്കപ്പെട്ട ചിത്രമായിരുന്നു പ്രിയം. കുഞ്ചാക്കോ ബോബനോടൊപ്പം ഏറെ ശ്രദ്ധിക്കപ്പെട്ട റോളിലായിരുന്നു നടി പ്രത്യക്ഷപ്പെട്ടത്. ഇന്നും പ്രിയത്തിലെ അനു പ്രേക്ഷകരുടെ ഇടയിൽ ചർച്ച വിഷയമാണ്. ഇപ്പോൾ സോഷ്യൽ മീഡിയയിൽ വൈറലാകുന്നത് ചിത്രത്തിലെ ഒരു രസകരമായ ട്രോളാണ്. 2000 ൽ പുറത്തിറങ്ങിയ പ്രിയത്തിൽ കുഞ്ചാക്കോ ബോബനോടൊപ്പമുള്ള ചിത്രവും 2020 ലെ താരങ്ങളുടെ ഗെറ്റപ്പുമായിരുന്നു ട്രോളിൽ. മഞ്ജിമ ആകെ മൊത്തം മാറിയെങ്കിലും ചാക്കോച്ചൻ അന്നും ഇന്നും ചോക്ലേറ്റ് ബോയ് തന്നെയാണ്.

നവംബർ 2 ന് ആയിരുന്നു ചാക്കോച്ചന്റെ 44ാം പിറന്നാൾ. താരത്തിന് പിറന്നാൾ ആശംസയുമായി ആരാധകരും സുഹൃത്തുക്കളും സഹപ്രവർത്തകരും രംഗത്തെത്തിയിരുന്നു. എല്ലാവരോടും വളരെ അടുത്ത ബന്ധം പുലർത്തുന്ന ആളാണ് കുഞ്ചാക്കോ ബോബൻ. ഈ പെരുമാറ്റം തന്നെയാണ് നടനെ പ്രേക്ഷകരുടെ പ്രിയങ്കരനാക്കിയതും. ഫാസിൽ സംവിധാനം ചെയ്ത അനിയത്തി പ്രാവ് എന്ന ചിത്രത്തിലൂടെയാണ് കുഞ്ചാക്കോ ബോബൻ വെള്ളിത്തിരയിൽ എത്തിയത്. 1997-ൽ പുറത്തിറങ്ങിയ ചിത്രത്തിൽ ശാലിനിയായിരുന്നു നായികയായി എത്തിയത്. ചിത്രം വൻ വിജയമായിരുന്നു. ഇന്നും അനിയത്തി പ്രാവ് ചിത്രം പ്രേക്ഷകരുടെ ഇടയിൽ ചർച്ച വിഷയമാണ്.

മലയാളി പ്രേക്ഷകരുടെ മാത്രമല്ല തെന്നിന്ത്യൻ പ്രേക്ഷകരുടേയും പ്രിയങ്കരിയാണ് മഞ്ജിമ. തമിഴിലും തെലുങ്കിലും നടി സജീവമാണ്. സിമ്പു,വിക്രം പ്രഭു, ഉദയഗിരി സ്റ്റാലിൻ തുടങ്ങിയവരുടെ നായികയായിട്ടായിരുന്നു നടിയുടെ ചുവട് വയ്പ്പ്. സോഷ്യൽ മീഡിയയിലും സജീവമാണ് നടി. തന്റെ ചിത്രങ്ങളും വിശേഷങ്ങളും പങ്കുവെച്ച് താരം എത്താറുണ്ട്. ദിവസങ്ങൾക്ക് മുൻപ് മഞ്ജിമ തന്റെ ഏറ്റവും പുതിയ ചിത്രം പങ്കുവെച്ചിരുന്നു. മനോഹരമായി ചിരിച്ചുകൊണ്ടിരിക്കുന്ന ചിത്രമായിരുന്നു നടി പങ്കുവെച്ചത്. തമിഴ് സിനിമയായ ദേവരാട്ടം ആണ് മഞ്ജിമ മോഹന്റെതായി ഏറ്റവും ഒടുവില്‍ പ്രദര്‍ശനത്തിന് എത്തിയ ചിത്രം.