പ്രിയാമണിയുടെ ഭർത്താവിനെതിരെ അയേഷ, മുസ്തഫ ഇപ്പോഴും തന്റെ ഭർത്താവ്, രണ്ട് കുട്ടികളുണ്ട്...

മുസ്തഫയുടെ ആദ്യ ഭാര്യ അയേഷ പ്രിയാമണിയുടേയും മുസ്തഫയുടേയും വിവാഹം നിയമപരമായ ആസാധുവാണെന്ന് പറഞ്ഞത്. മുസ്തഫയുമായുളള വിവാഹമോചനം കഴിഞ്ഞിട്ടില്ലെന്നും ഇപ്പോഴും താൻ അയാളുടെ ഭാര്യയാണെന്നും ആയേഷ പറയുന്നു. പ്രിയാമണിയുമായുള്ള വിവാഹം അസാധുവാണെന്നും സൂചിപ്പിച്ച് നിയമപരമായ നോട്ടീസ് നൽകിയിട്ടുമുണ്ട്. കൂടാതെ ഗാർഹിക പീഡനക്കേസും ഫയൽ ചെയ്തിട്ടുണ്ട്. പ്രിയാമണിയെ വിവാഹം ചെയ്യുന്ന വേളയിൽ താൻ ബാച്ചിലർ ആണെന്ന് മുസ്തഫ കോടതിയെ ബോധിപ്പിക്കുകയായിരുന്നെന്നും അയേഷ ആരോപിക്കുന്നു.2013 ലാണ് അയേഷയുമായി മുസ്ത വേർപിരിയുന്നത്. പിന്നീട് 2017ലാണ് പ്രിയാമണിയെ വിവാഹം കഴിക്കുന്നത്. അയേഷയുമായുള്ള വിവാഹബന്ധത്തിൽ മുസ്തഫയ്ക്ക് രണ്ട് കുട്ടികളുണ്ട്.

അയേഷയുടെ ആരോപണത്തിനോട് പ്രതികരിച്ച് മുസ്തഫ രംഗത്ത് എത്തിയിട്ടുണ്ട്. ഇ-ടൈംസിനോട് ഇക്കാര്യം വെളിപ്പെടുത്തിയിരിക്കുന്നത്. തനിക്കെതിരെ ഉയരുന്ന ആരോപണം തെറ്റാണെന്നാണ് മുസ്തഫ പറയുന്നത്. വിവാഹിതനാണെന്നും എന്നാൽ കുട്ടികളുടെ ചെലവിനായ പണം നൽകാറുണ്ടെന്നും മുസ്തഫ പറയുന്നു. 2010 മുതൽ ഞാനും ആയിഷയും പിരിഞ്ഞ് ജീവിക്കുകയാണ്. 2013 ൽ വിവാഹമോചനം നേടി. ഇതിന് ശേഷമാണ് 2017 ൽ പ്രിയാമണിയെ വിവാഹം കഴിക്കുന്നത്. എന്തുകൊണ്ടാണ് ഇത്രയും നാൾ മിണ്ടാതിരുന്നതെന്നും മുസ്തഫ ചോദിക്കുന്നുണ്ട്. തന്നിൽ നിന്ന് പണം തട്ടിയെടുക്കാൻ വേണ്ടിയാണ് ഇത്തരത്തിലുള്ള ആരോപണമെന്നും മുസ്തഫ കൂട്ടിച്ചേർത്തു.

അതേസമയം പ്രിയാമണിയുടേയും മുസ്തഫയുടേയും വിവാഹം ഇപ്പോഴും ആരാധകരുടെ ഇടയിൽ ചർച്ചയാവാറുണ്ട്. അടുത്തിടെ പ്രിയാമണി പങ്കുവെച്ച ചിത്രത്തിനെതിരെ ഒരു ആരാധകൻ രംഗത്ത് എത്തിയിരുന്നു. താങ്കളുടെ സിനിമകൾ എല്ലാം ഇഷ്ടമാണെന്നും പക്ഷെ എന്തിനാണ് ഒരു മുസ്ലീമിനെ വിവാഹം ചെയ്തുവെന്നായിരുന്നു ആരാധകന്റെ കമന്റ്. ഇതിന് മറുപടിയുമായി പ്രിയ രംഗത്ത് എത്തുകയും ചെയ്തിരുന്നു. ഞാൻ വിവാഹം ചെയ്തത് ഒരു ഇന്ത്യൻ പൗരനെയാണെന്നായിരുന്നു നടിയുടെ മറുപടി. അതെ സത്യമാണ്, പക്ഷേ താങ്കൾ പോയതിൽ തനിക്കിപ്പോൾ അസൂയ ഉണ്ടെന്നും ഇയാൾ മറുപടിയായി കമന്റ് ചെയ്തു. അന്ന് പ്രിയാമണിയെ പ്രശംസിച്ച് നിരവധി പേർ രംഗത്ത് എത്തിയിരുന്നു.

Recommended Video

Priyamani's reply to fan who asked about her husband's religion

വിവാഹത്തിന് ശേഷവും പ്രിയാമണി സിനിമയിൽ സജീവമാണ്. റാണ- സായി പല്ലവി പ്രധാനവേഷത്തിലെത്തുന്ന വിരാടപർവ്വമാണ് നടിയുടെ പുറത്ത് വരാനുള്ള ചിത്രം. തമിഴ് ചിത്രം അസുരന്റെ റീമേക്കായ നാറപ്പയാണ് മറ്റൊരു ചിത്രം. വെങ്കിടേഷിന് ഒപ്പമാണ് നടി എത്തുന്നത്. അസുരനിൽ മഞ്ജു ചെയ്ത പച്ചൈയമ്മാൾ എന്ന കഥാപാത്രയാണ് നടി അവതരിപ്പിക്കുന്നത്. മൈതാനാണ് ഹിന്ദിയിലെ ചിത്രം. അജയ് ദേവ്ഗണ്ണിനോടൊപ്പമാണ് അഭിനയിക്കുന്നത്. പ്രിയയുടെ ഭാഗം കഴിഞ്ഞിട്ടുണ്ട്. എന്നാൽ സിനിമയുടെ ചിത്രീകരണം പൂർത്തിയായിട്ടില്ല. ഇവ കൂടാതെ നാല് , അഞ്ച് ചിത്രങ്ങളും നടി സൈൻ ചെയ്തിട്ടുണ്ട്. വെബ്സീരീസുകളിലും സജീവമാണ് പ്രിയ.