Don't Miss!
- News സിനിമ മുതല് സർവ്വേ വരെ പാടില്ല: എന്താണ് നിശബ്ദ പ്രചരണം, അറിയേണ്ടതെല്ലാം
- Lifestyle ശരീരത്തിലെ വിഷാംശം നീക്കുന്ന കരള്; കരുത്തുറ്റ കരളിന് വേണം ഈ സൂപ്പര്ഫുഡ്
- Travel ഈ വെക്കേഷൻ വിദേശത്ത്...ചെലവ് പേടിക്കുകയേ വേണ്ട.. കേരളത്തിൽ നിന്ന സുഖമായി പോയി വരാം
- Sports T20 World Cup: സമ്പൂര്ണ ദൂരന്തം! പാണ്ഡ്യയ്ക്ക് ലോകകപ്പ് ടീമില് ഇടം നല്കരുത്; നാല് കാരണങ്ങളുണ്ട്
- Automobiles ഇവർ വരുന്നതോടെ ക്രെറ്റയുടെ വിൽപ്പന തീരും? സെഗ്മെന്റ് പിടിക്കാൻ ടാറ്റയും സിട്രണും
- Technology തീ തുപ്പും തുപ്പാക്കി പോലെ ഉശിരന്മാർ! റിയൽമി നാർസോ 70x 5ജിയും നാർസോ 70 5ജിയും എത്തി
- Finance ഏത് പൊതുമേഖലാ ഓഹരി വാങ്ങണം, ഐആർസിടിസിയും കൊച്ചിൻ ഷിപ്പ്യാർഡും നേട്ടം നൽകുമോ, വിശദമായി അറിയാം
ഇന്സള്ട്ടുകള് കൊണ്ട് അവളുടെ കഷ്ടപാടുകളെ വില കുറച്ചു കളയാന് ശ്രമിക്കുന്നവര് തോറ്റ് പോവും, കുറിപ്പുമായി രചന
അമ്മയുടെ ആസ്ഥാന മന്ദിരം ഉദ്ഘാടനം ചെയ്ത ചടങ്ങുമായി ബന്ധപ്പെട്ടുണ്ടായ വിമര്ശനങ്ങളില് മറുപടി പറഞ്ഞ് നടി രചന നാരായണന്കുട്ടി വാര്ത്തകളില് ഇടംപിടിച്ചിരുന്നു. രചന പങ്കുവെച്ച കുറിപ്പും അതിന് താഴെ ആരാധകരുടെ കമന്റിന് നല്കിയ മറുപടിയും വലിയ വിവാദമായി മാറി. ഇപ്പോഴിതാ ഫേസ്ബുക്കിലൂടെ നടി പങ്കുവെച്ചൊരു എഴുത്ത് വൈറലാവുകയാണ്.
ഒന്നാം സ്ഥാനത്ത് എത്തുന്ന ആളെക്കാളും രണ്ടാം സ്ഥാനം നേടുന്നവര്ക്ക് കൈയടി കിട്ടുന്നതിനെ കുറിച്ച് പ്രവീണ് പ്രഭാകര് എഴുതിയ കുറിപ്പാണ് രചന നാരായണന്കുട്ടി തന്റെ പേജിലൂടെ പോസ്റ്റ് ചെയ്തിരിക്കുന്നത്. വെള്ളം സിനിമയിലെ ഡയലോഗ് കൂടി ചേര്ത്ത് എഴുതിയ പോസ്റ്റ് ശ്രദ്ധേയമാവുകയാണ്.
എപ്പോഴാണ് ഒരു വേദിയില് ഒന്നാം സ്ഥാനത്ത് എത്തുന്ന ഒരാളേക്കാള് രണ്ടാം സ്ഥാനം നേടുന്ന ആള്ക്ക് കയ്യടികള് കൂടുതല് കിട്ടുന്നത് എന്ന് ആലോചിച്ചിട്ടുണ്ടോ. തീര്ച്ചയായും അത് ഒരിക്കലും രണ്ടാം സ്ഥാനം പോയിട്ട് ആ മത്സരത്തില് പങ്കെടുക്കുന്നത് പോലും ഒരു വെല്ലുവിളിയായ ഒരാള് മറ്റുള്ളവരോട് പടവെട്ടി ആ സ്ഥാനത്ത് എത്തുമ്പോളാണ്. ഒട്ടും എളുപ്പമല്ലാത്ത ചുറ്റുപാടുകളില് നിന്നും ഏറ്റവും പ്രതികൂലമായ സാഹചര്യങ്ങളില് നിന്നും പോലും സ്വന്തം സ്വപ്നങ്ങളെ വിടാതെ പിന്തുടര്ന്ന് അതിന്റെ പത്തിലൊന്ന് എഫര്ട്ട് പോലും ഇല്ലാത്തവരെ പിന്നിലാക്കി തന്റെ സ്ഥാനം കെട്ടി പൊക്കുന്നവരുടെ കഥകള് കേള്ക്കുമ്പോളാണ്.
ഈ വര്ഷത്തെ മിസ്സ് ഇന്ത്യ ആയി വിജയിച്ചത് തെലുങ്കാനക്കാരി മാനസ ആയിരുന്നു. പക്ഷെ കയ്യടികള് മുഴുവന് കൊണ്ട് പോയത് റണ്ണറപ്പ് മന്യ സിംഗ് ആണ്. ഉത്തര്പ്രദേശിലെ കുശിനഗറിലെ ഗലികളില് റാംബ് വാക്ക് പരിശീലിച്ച ഒരു പെണ്കുട്ടിയെ ആ നാട്ടുകാര് ആവോളം കളിയാക്കിയിട്ടുണ്ട്. അവളുടെ മോഡല് ആവണമെന്നുള്ള ആഗ്രഹം പോലും വളരെ ചുരുക്കം പേരൊഴികെ എല്ലാവരിലും ചിരിയാണ് ഉണ്ടാക്കിയത്. ഒരു ഓട്ടോറിക്ഷ ഡ്രൈവറുടെ മകള്, പട്ടിണി സ്ഥിരമായ കുടുംബത്തിലെ അംഗം, ജീവിക്കാന് വേണ്ടി ഹോട്ടലുകളില് പാത്രം കഴുകാന് പോയവള്, അത് കഴിഞ്ഞ് രാത്രി കാള് സെന്ററില് ജോലി ചെയ്ത് പണം കണ്ടെത്തിയവള്.
സാധാരണ മനുഷ്യര്ക്ക് അവരുടെ സ്വപ്നങ്ങള് എട്ടായിട്ട് മടക്കി മനസ്സില് തന്നെ വെച്ച് വിധിയെ ശപിച്ച് കൊണ്ട് ജീവിതം തള്ളി നീക്കാന് ഈ സാഹചര്യങ്ങള് ധാരാളമാണ്. പക്ഷെ മന്യയുടെ തന്നെ ഭാഷയില് 'ഒഴുക്കിയ വിയര്പ്പും കുടിച്ച കണ്ണ് നീരും ഊര്ജമാക്കിയാണ്' അവള് സ്വപ്നത്തിലേക്ക് അടി വെച്ചു കയറിയത്. കൂട്ടത്തില് സ്വന്തം മകളുടെ ഇഷ്ടം അതെത്ര ഉയരത്തില് ഉള്ളതാണെങ്കിലും അവള്ക്കൊരു താങ്ങായി സമൂഹത്തിന്റെ കുത്തുവാക്കുകളെ അവഗണിച്ചു കൊണ്ട് പാറ പോലെ ഉറച്ച മനസുമായി കൂടെ നിന്ന മാതാപിതാക്കളും കയ്യടികള് അര്ഹിക്കുന്നുണ്ട്.
ഇനി പറയാന് പോകുന്നത് ഇത്രയും പോസിറ്റീവ് ആയ ഒരു വാര്ത്തയുടെ താഴെ വന്ന ചില കമന്റുകളെ പറ്റിയാണ്. തീര്ച്ചയായിട്ടും അറിയാം ബഹുജനം പലവിധമാണെന്ന്. എന്നാല് പോലും പെണ്ണിന്റെ വിജയത്തെ അവളുടെ എഫര്ട്ടിനെ വളരെ നിസ്സാരമായ ഒന്നോ രണ്ടോ പാരഗ്രാഫ് അമേദ്യം കൊണ്ട് റദ്ധ് ചെയ്യുന്ന മനുഷ്യരോട് വെറുപ്പ് മാത്രമേ ഉള്ളു. തെരുവില് റാംബ് വാക് നടത്തി പരിശീലിച്ചപ്പോള് അവളെ പുച്ഛിച്ച മനുഷ്യരുടെ അതേ പ്രിവിലേജ് ഉണ്ടല്ലോ, അത് തന്നെയാണ് ഈ കമന്റ് പാസ്സാക്കിയവരുടെയും ചേതോവികാരം.
പൊതു വിഞ്ജാനവും അഭിരുചി ടെസ്റ്റുകളും അടക്കം പല കടമ്പകള് കടന്നാണ് ഒരാള് മിസ്സ് ഇന്ത്യ ആവുന്നത്. അവിടെ കേവലം ഗ്ലാമര് മാത്രമല്ല, ആറ്റിറ്റിയൂടും പേഴ്സണലിറ്റിയും ലാംഗ്വേജ് സ്കില്ലുമെല്ലാം അളവ് കോലുകളാണ്. ഇതൊന്നും അറിയാതെ പെണ്ണിന്റെ തുണിയുടെ നീളം മാത്രം നോക്കി പ്രതികരിക്കുന്നവരുടെ മുഖത്ത് നോക്കി തന്നെ തുപ്പണം. വെള്ളം സിനിമയിലെ ഒരു ഡയലോഗ് ആണ് ഇപ്പോള് ഓര്മ വരുന്നത്. 'ഇന്സള്ട്ട് ആണ് ജീവിതത്തിലെ ഏറ്റവും വലിയ ഇന്വെസ്റ്റ്മെന്റ്.
ഏറ്റവും അധികം ഇന്സള്ട്ട് ആയവനെ ഏറ്റവും വലിയ വിജയം നേടാന് കഴിയു.' പിന്നിട്ട വഴികളിലെല്ലാം ആവിശ്യത്തിലേറെ ഇന്സള്ട്ട് നേടി അത് ഊര്ജമാക്കി അവളുടെ സ്വപ്നങ്ങളില് ഒന്ന് നേടിയ പെണ്ണാണ്. വീണ്ടും അതേ ഇന്സള്ട്ടുകള് കൊണ്ട് അവളുടെ കഷ്ടപാടുകളെ വില കുറച്ചു കളയാന് ശ്രമിക്കുന്നവര് വെറുതെ അവരുടെ സമയം കളയുകയേ ഉള്ളു. തോറ്റു പോവുകയെ ഉള്ളു.
Recommended Video
രചന പങ്കുവെച്ച കുറിപ്പ് വായിക്കാം
-
ബിഗ് ബോസ് വീട് മൂകം; വീക്കെന്റ് എപ്പിസോഡോടെ വഴക്കും സംസാരവുമില്ല; ഷോയിൽ നടക്കുന്നത്
-
സല്മാന് ഖാനല്ല എന്നെ നിയന്ത്രിക്കുന്നത്! ഭാര്യ വീട്ടുകാരുടെ പിന്തുണയെ പറ്റി പലരും തെറ്റിദ്ധരിച്ചെന്ന് ആയുഷ്
-
അക്ഷയ് കുമാറിനെ സൂക്ഷിക്കണം, പ്രമുഖ നടന് രാജേഷ് ഖന്ന മകള്ക്ക് നല്കിയ ഉപദേശം വീണ്ടും വൈറലാവുന്നു