അന്യസംസ്ഥാന തൊഴിലാളികൾ നാടിന് ആപത്ത്, ഇവിടെ നിന്ന് ഓടിക്കണം, മുഖ്യമന്ത്രിയോട് രാജസേനൻ

രാജസേനന്റെ വാക്കുകൾ ഇങ്ങനെ... പ്രധാനമന്ത്രിയും മുഖ്യമന്ത്രിയും പറഞ്ഞതനുസരിച്ച് മലയാളികൾ എല്ലാ നഷ്ടങ്ങളും സഹിച്ച് 21 ദിവസം വീടിനുള്ളിൽ അടച്ച് ഇരിക്കുകയാണ്. അപ്പോഴാണ് ഒരു സംഘം ആളുകൾ ഭക്ഷണമില്ലാതെ വീടിനുള്ളിൽ അടച്ച് ഇരിക്കുകയാണ്.. അപ്പോഴാണ് ഒരു സംഘം ആളുകൾ ഭക്ഷണമില്ല വെള്ളമില്ല എന്നൊക്കെ പറഞ്ഞ് സമരം ചെയ്യാൻ തുടങ്ങിയത് . അവരെ നമ്മൾ മുമ്പ് വിളിച്ചിരുന്നത് അന്യസംസ്ഥാന തൊഴിലാളികൾ എന്നാണ്.എന്നാൽ പെട്ടെന്ന് ചില ചാനലുകൾ‌ അതിഥി തൊഴിലാളികൾ ആക്കി.

അതിഥി എന്ന വാക്കിന്റെ അർഥം അപ്രതീക്ഷിതമായി വീട്ടിൽ വരുന്ന വിരുന്നുകാരെയാണ്. അതിഥികളെ വീട്ടിലേയ്ക്ക് ക്ഷണിക്കുന്നത് ശമ്പളം കൊടുത്തിട്ടാണോ? ഇവരെ മറ്റ് ചില ആവശ്യങ്ങൾക്കായി നമ്മുടെ നാട്ടിലെ ചിലർ ഉപയോഗിക്കുന്നോ എന്ന് സംശയിക്കേണ്ടിയിരിക്കുന്നു. പ്രത്യേകിച്ച് പൗരത്വബില്ലിനെതിരെ ഇവർ നടത്തിയ സമരം, ഇന്നലെ ഇവർ കാട്ടിക്കൂട്ടിയത്. ഇത്രയും ജാഗ്രതയോട വ്യതം പോലെ എല്ലാവരും വീട്ടിലിരിക്കുമ്പോൾ അതിനെയെല്ലാം കാറ്റിൽ പറത്തിക്കൊണ്ടായിരുന്നു ഇവരുടെ കോപ്രായങ്ങൾ. ഇവരുടെ ആവശ്യം ആഹാരവും വെളളവും ഒന്നുമല്ല. മറ്റെന്തോ ആണ്.

ഒരു പത്ത് വർഷം മുമ്പ് നമ്മുടെ നാട്ടിലെ ഏത് ഹോട്ടലിൽ നിന്ന് ഭക്ഷണം കഴിച്ചാലും ഒരു അസുഖവും വരില്ലായിരുന്നു. എന്നാൽ അന്യസംസ്ഥാന തൊഴിലാളികളെ കയറ്റിയതോടെ ഹോട്ടലിന്റെ അന്തരീക്ഷം വൃത്തിഹീനമായി മാറി. കാരണം അവർക്ക് തുച്ഛമായ ശമ്പളം മതി. ഓരോ മലയാളിയുടെയും തൊഴിൽ സാധ്യതയാണ് ഇല്ലാതായിക്കൊണ്ടിരിക്കുന്നത്, അത് മറക്കരുത്.

എനിയ്ക്ക് ബഹുമാനപ്പെട്ട മുഖ്യമന്ത്രിയോട് ഒരു അപേക്ഷയുണ്ട്. ദയവായി അങ്ങ് ഇവരെ ഇവിടെ നിന്ന് പുറത്താക്കണം. അതിന് ഇതിലും നല്ല സന്ദർഭം ഇനി ലഭിക്കുകയില്ല.അങ്ങയുടെ കൂടെ ഉള്ള ചിലരെങ്കിലും അങ്ങയെ തെറ്റിദ്ധരിപ്പിക്കുന്നുണ്ടാകാം. വീണ്ടും അപേക്ഷിക്കുകയാണ് ദയവായി പുറത്താക്കൂ.

അന്യ സംസ്ഥാന തൊഴിലാളികൾ നാടിന് ആപത്താണെന്ന് ഇതിന് മുൻപ് പലവേദികളിലും ഞാൻ പറഞ്ഞിട്ടുണ്ട്.ഇപ്പോൾ അത് സത്യമായിക്കൊണ്ടിരിക്കുന്ന കാലഘട്ടമാണ്.എത്രയും പെട്ടന്ന് വേണ്ടതൊക്കെ കൊടുത്ത് ഇവരെ ഈ നാട്ടിൽ നിന്നും ഓടിക്കണം.ഇതൊരു അപേക്ഷയായി എടുത്ത് അങ്ങ് ചെവിക്കൊള്ളണമെന്ന് താഴ്മയായി അപേക്ഷിക്കുന്നു- വീഡിയോയിൽ രാജസേനൻ പറയുന്നു.