മമ്മൂക്ക പൂരതെറി പറയുമെന്ന് ഭയന്നിരുന്നു! ലൊക്കേഷൻ കണ്ടെത്തിയത് ഇങ്ങനെ, വെളിപ്പെടുത്തി പിഷാരടി

പലയിടത്തും അലഞ്ഞ് തിരിഞ്ഞതിനു ശേഷമായിരുന്നു ചിത്രത്തിലേയ്ക്ക് വീട് കണ്ടുപിടിച്ചത്. തൃശൂരിനടുത്തുള്ള തൃപ്രായാറിലായിരുന്നു കലസദനം ഉല്ലാസിന്റെ വീട്. ആദ്യം ദിവസം തന്നെ ലൊക്കേഷനിൽ എത്തിയ മമ്മൂക്ക ആ വീടിനെ കുറിച്ച് ചോദിച്ചിരുന്നു.രമേഷേ നീ എന്തിനാ ലൊക്കേഷൻ തേടി ഇത്രയും അലഞ്ഞത്. വെള്ളൂരിലെ നിന്റെ വീട് നാട്ടിൻപുറത്തല്ലേ. ആദ്യസിനിമ മുഴുവനും അവിടല്ലേ ഷൂട്ട് ചെയ്തത്. അവിടൊരു വീട് കണ്ടുപിടിക്കാമായിരുന്നില്ലേ എന്ന്.

ആദ്യ ചിത്രമായ പ‍ഞ്ചവർണ്ണ തത്തയുടെ ഷൂട്ട് നടന്നപ്പോൾ അറിയാവുന്ന ഒരുപാട് പേർ വന്നിരുന്നു. ആക്ഷനും കട്ടുമൊക്കെ പറഞ്ഞ് ഒരു സംവിധായകനായി താൻ നിൽക്കുന്നത് കണ്ടപ്പോൾ അവർക്കെല്ലാം സന്തോഷം തോന്നി. എനിയ്ക്കും സന്തോഷമുണ്ടായി. മൊത്തത്തിൽ ഹാപ്പി ഫീലായിരുന്നു. എന്നാൽ അതുപോലെയല്ല ഇനി ചിത്രമെന്നും പിഷാരടി പറഞ്ഞു.

ഈ ചിത്രത്തിന്റെ ഷൂട്ടിങ്ങിനിടെ താൻ വല്ല മണ്ടത്തരവും പറയും. അപ്പോൾ മമ്മൂക്ക പൂര ചീത്ത പറയും. അതു നാട്ടുകാരുടെ ഇടയിലാകുമ്പോൾ എന്റെ അവസ്ഥ ഒന്നാലോചിച്ചേ. സത്യം പറഞ്ഞാൽ, അതുകൊണ്ടാണു ഞാൻ ഇത്രയും ദൂരേയ്ക്ക് വന്നത്. പിഷാരടി ഹാസ്യ രൂപേണേ പറഞ്ഞു.

ആക്ഷനും കട്ടിനുമിടയിൽ പുതുമുഖ താരത്തെ പോലെയാണ് മമ്മൂക്ക. ഷൂട്ടിങ്ങിനിടയിൽ താൻ എന്ത് പറഞ്ഞാലും അദ്ദേഹം അനുസരിക്കും. എന്നാൽ കഴിഞ്ഞു വന്നാൽ ഒന്നും പറഞ്ഞേക്കരുത് എന്ന് അദ്ദേഹം ആദ്യമേ പറഞ്ഞിരുന്നു.വലിയൊരു പാഠമാണ് മമ്മൂക്കയിൽ നിന്ന് പഠിക്കുന്നത്.എക്സ്പീരിയൻസിന്റെ വലിപ്പം നമ്മളെ കാണിക്കാനല്ല അദ്ദേഹം നിൽക്കുന്നത്.

ഗാനഗന്ധർവൻ എന്ന പേരുകേട്ടൽ എല്ലാവരും ആദ്യം ഓർക്കുക ദാസേട്ടനെയായിരിക്കും. എന്നാൽ മമ്മൂക്ക നടനും ആകുകയും ഞാൻ സംവിധായകനാകുകയുമൊക്കെ ചെയ്യുമ്പോൾ ഒരിക്കലും ശങ്കരാഭരണം പോലൊരു സംഗീതപടമാണെന്ന് ആരും വിചാരിക്കില്ലെന്നും പിഷാരടി പറഞ്ഞു. ഗാനമേള ട്രൂപ്പുകളിൽ പാടുന്ന ഗായകനാണ് ഉല്ലാസ്. ഇദ്ദേഹത്തിന്റെ വ്യക്തി ജീവിതത്തിലെ ചില സന്ദർഭങ്ങളിലൂടെയാണ ചിത്രം മുന്നോട്ട് പേകുന്നത്.