Click it and Unblock the Notifications
നായ കുരയ്ക്കുന്നത് അനുകരിച്ചാണ് മിമിക്രി തുടങ്ങുന്നത്! കൗണ്ടര് കോമഡിയുടെ രാജാവിലെത്തിയ പിഷാരടിയുടെ കഥ
പരിചയപ്പെടുത്താന് ഒത്തിരി വിശേഷണങ്ങളുള്ള സകലകല വല്ലഭന്മാരാണ് മലയാള സിനിമയിലുള്ളത്. അങ്ങനൊരാളാണ് രമേഷ് പിഷാരടി. മിമിക്രിക്കാരനില് നിന്നും നടനായും അവതാരകനായും സംവിധായകനും എഴുത്തുകാരനും നിര്മാതാവും എന്ന് തുടങ്ങി പല മേഖലകളിലും കഴിവ് തെളിയിക്കാന് പിഷാരടിയ്ക്ക് സാധിച്ചിട്ടുണ്ട്. ഇതിലൂടെ വലിയൊരു ഫാന് ഫോളോയും പിഷാരടി സ്വന്തമാക്കി.
ആരാധകർക്കിടയിൽ രമേഷ് പിഷാരടി കൌണ്ടർ കോമഡിയുടെ രാജാവെന്നാണ് അറിയപ്പെടുന്നത്. വളരെ സാധാരണക്കാരനായി തുടങ്ങിയ തന്റെ ജീവിതം ഇവിടംവരെ എത്തിയതിനെ കുറിച്ച് പിഷാരടി മുന്പ് തുറന്ന് സംസാരിച്ചിട്ടുണ്ട്. പരിപാടികള്ക്ക് പോയി അപമാനിക്കപ്പെടുകയും അവഗണിക്കപ്പെട്ടതിന്റെയും കഥകളും പറഞ്ഞിട്ടുണ്ട്. നായ കുരയ്ക്കുന്നത് പോലെ അഭിനയിച്ച് തുടങ്ങിയ തന്റെ മിമിക്രി ജീവിതത്തെ പറ്റി പിഷാരടി പറഞ്ഞ വാക്കുകള് വീണ്ടും വൈറലാവുകയാണ്. എഴുത്തുകാരന് ജെറി പൂവക്കാല സോഷ്യല് മീഡിയിലൂടെ പങ്കുവെച്ച കുറിപ്പിലാണ് ഇക്കാര്യം വ്യക്തമാക്കിയിരിക്കുന്നത്.
'ചിരിക്കാന് കഴിയുന്നത് ഒരു അനുഗ്രഹമാണ്, ചിരിപ്പിക്കുന്നവര് അതിലും അനുഗ്രഹിക്കപ്പെട്ടവരാണ്' ഒരു ഇംഗ്ലീഷ് മീഡിയം സ്കൂളില് രണ്ടാം ക്ലാസ്സില് പഠിക്കുമ്പോള് ഒരു സംഗീത നാടകത്തിനായി ഒരു നായ കുരയ്ക്കുന്നത് അനുകരിച്ചാണ് പിഷാരടി മിമിക്രി ആരംഭിച്ചത്,'' ഒരു വര്ഷത്തിനുശേഷം, മൂന്നാം ക്ലാസ് മുതല് യൂണിഫോം ഇല്ലാത്ത ഒരു മലയാളം മീഡിയം സ്കൂളില് ചേര്ന്നു. ശനിയാഴ്ചകളില് സ്കൂളില് പോകേണ്ടതില്ലാത്തതിനാല് വളരെ സന്തോഷമായിരുന്നു. അവിടെ അദ്ദേഹം മിമിക്രി മത്സരങ്ങളില് പങ്കെടുത്തു.
ഞാന് മാത്രമാണ് പലപ്പോഴും പങ്കെടുത്തത്, അതുകൊണ്ട് അവിടെയെല്ലാം ഒന്നാം സമ്മാനവും നേടി എന്ന് പറയും. കോളേജ് പഠനം പൂര്ത്തിയാക്കുന്നത് വരെ, അദ്ദേഹം ഒരിക്കലും ഒരു മിമിക്രി മത്സരം പോലും നഷ്ടപ്പെടുത്തിയില്ല. പരിശീലനമോ മാര്ഗനിര്ദേശമോ കൊടുക്കാന് ആരും ഉണ്ടായിരുന്നില്ല. 'നര്മ്മം തന്റെ ജീവിതത്തിന്റെ ഒരു ഭാഗമായിരുന്നു. രക്തത്തില് അലിഞ്ഞതായിരുന്നു. നാല് സഹോദരങ്ങള്, അവരെല്ലാം തന്നെക്കാള് മൂത്തവരാണ്, ഒരു ചെറിയ വീട്ടില് താമസിക്കുന്നതാണ് ജീവിതത്തില് എല്ലാ വ്യത്യാസങ്ങളും വരുത്തിയത്.
തന്റെ മൂത്ത സഹോദരി തന്നെക്കാള് 10 വയസ്സ് കൂടുതലാണ്. അവരുമായുള്ള ഇടപെടലുകള് തന്റെ ചിന്താ പ്രക്രിയയെ രൂപപ്പെടുത്തി. മാതാപിതാക്കളെ സംബന്ധിച്ചിടത്തോളം, അവര് മിമിക്രിയിലുള്ള അദ്ദേഹത്തിന്റെ താല്പ്പര്യത്തെ പ്രോത്സാഹിപ്പിച്ചില്ലെങ്കിലും, അവര് ഒരിക്കലും നിരുത്സാഹപ്പെടുത്തിയില്ല. ചെറുപ്പത്തില് തന്നെ മിമിക്രി ട്രൂപ്പുകളില് ജോലി ചെയ്യാന് തുടങ്ങി, പലപ്പോഴും ശാരീരിക ബുദ്ധിമുട്ടുകള് അനുഭവിച്ചിരുന്നു. പലപ്പോഴും ക്ഷീണിതനും അസ്വസ്ഥനുമായി വീട്ടിലേക്ക് മടങ്ങുമായിരുന്നു. അത് വളരെ ബുദ്ധിമുട്ടുള്ള ഒരു ഘട്ടമായിരുന്നു. ഒരു ഘട്ടത്തിനുശേഷം അദ്ദേഹം മിമിക്രി ഉപേക്ഷിക്കുമെന്ന് തന്റെ മാതാപിതാക്കള് കരുതി,' അദ്ദേഹം പറയുന്നു.
പക്ഷേ അത് ഒരിക്കലും സംഭവിച്ചില്ല. 2000-ല്, സലിം കുമാറിന്റെ ട്രൂപ്പായ കൊച്ചിന് സ്റ്റാലിയന്സില് ചേര്ന്നു, അതേ വര്ഷം തന്നെ അദ്ദേഹം തന്റെ ആദ്യ ടെലിവിഷന് പരിപാടിയില് പങ്കെടുത്തു. മൂന്ന് വര്ഷത്തിന് ശേഷം, ഏഷ്യാനെറ്റില് സാജന് പള്ളുരുത്തിക്കൊപ്പം കോമഡി ഷോയിലും കലാഭവന് പ്രജോദിലും പ്രവര്ത്തിക്കാന് തുടങ്ങി. തുടര്ന്ന് സിനിമാല, ഫൈവ് സ്റ്റാര് തട്ടുകട, കോമഡി കസിന്സ് തുടങ്ങിയ ഷോകള്. ധര്മ്മജനുമായി സഹകരിച്ച് ഏഷ്യാനെറ്റ് പ്ലസിലെ ബ്ലഫ്മാസ്റ്റേഴ്സ് ആയിരുന്നു അദ്ദേഹത്തിന്റെ പ്രശസ്തിയിലേക്കുള്ള വലിയ ടിക്കറ്റ്.
ഇന്ന് ഇന്ത്യയിലും വിദേശത്തുമുള്ള പരിപാടികള്, ഏഷ്യാനെറ്റിലെ പ്രതിവാര ഷോ ബഡായി ബംഗ്ലാവ്, നിരവധി അഭിനയ അസൈന്മെന്റുകള് എന്നിവയാല് നിറഞ്ഞ ഒരു ഷെഡ്യൂളാണ് അദ്ദേഹത്തിന്റേത്. സഹോദരങ്ങളെ നര്മ്മത്തിനും പരിഹാസത്തിനും ഇടയില് ഒരു നേര്ത്ത രേഖയുണ്ട്, തന്റെ നര്മ്മം ഒരിക്കലും വ്യക്തിപരമല്ല. 'ഒരു സമകാലിക വിഷയം എടുക്കുമ്പോള്, മാധ്യമങ്ങളില് റിപ്പോര്ട്ട് ചെയ്തതുപോലെ പിഷാരടി അത് അവതരിപ്പിക്കുന്നു. പിഷാരടി ഒരു നല്ല എഴുത്തുകാരനാണ്.
പിഷാരടി വെറുമൊരു മിമിക്രി കലാകാരനല്ല; സ്റ്റാന്ഡ്-അപ്പ് കോമഡിയുമായി താന് അതിനെ കൂട്ടിക്കലര്ത്തുന്നു. പ്രേക്ഷകര് പിഷാരടിക്ക് അതിനുള്ള ലൈസന്സ് കൊടുത്തിട്ടുണ്ട് . തന്റെ വായനാശീലമാണ് തന്നെ ഇങ്ങനെ രൂപപെടുത്തിയത് എന്ന് അദ്ദേഹം പറഞ്ഞിട്ടുണ്ട്; ഭയങ്കര ഓര്മ്മശക്തി ഉള്ള ആളാണ് പിഷാരടി. ജീവിതത്തില് സന്തോഷവും ചിരിയുമാണ് ഏറ്റവും വലിയ മരുന്നുകള്. വിഷമം, മാനസിക സമ്മര്ദം, ദുര്ബലത-ഇവയെല്ലാം മാറ്റി നമ്മെ സന്തോഷിപ്പിക്കുന്ന അതുല്യ പ്രതിഭകളാണ് മിമിക്രി കലാകാരന്മാര്.
മിമിക്രി ഒരു കലാമാത്രമല്ല, അതൊരു ദര്ശനമാണ്. ഒരു വ്യക്തിയുടെ ശബ്ദം, ഭാവം, ആലാപനം എന്നിവ പകര്ത്തി നമ്മെ അമ്പരപ്പിക്കുമ്പോഴും ചിരിപ്പിക്കുമ്പോഴും, അവിടെയൊരു കലാകാരന്റെ അത്യുജ്ജ്വല പ്രതിഭ തെളിയുന്നു. അവര് നമ്മെ ചിരിപ്പിക്കുമ്പോള്, നമ്മളറിയാതെ നമ്മുടെ ഹൃദയം സന്തോഷത്തില് നിറയുന്നു. മനുഷ്യന് ഉണര്ന്നു ജീവിക്കണമെങ്കില് ചിരി അനിവാര്യമാണ്. ഗവേഷണങ്ങള് തെളിയിച്ചതുപോലെ, ചിരി ആയുസ്സ് നീട്ടും, രക്തസമ്മര്ദ്ദം കുറക്കും, മനസ്സിനെ ഉണര്ത്തും, ഹോര്മോണ് ബാലന്സ് ശരിയാക്കും.
എന്നാല്, മറ്റുള്ളവരെ ചിരിപ്പിക്കുന്നവര്ക്കോ? അവര്ക്കത് ഒരു ദൗത്യമാണ്, ഒരു സമര്പ്പണമാണ്. ചില കടുത്ത മത വിശ്വാസികള് ചിരിക്കുന്നത് പാപം ആണെന്ന് വിശ്വസിക്കുന്നവര് ഉണ്ട്. അവരുടെ എല്ലാം മക്കള് കഠിന വിഷാദ രോഗികളും ആണെന്നുള്ളതാണ് മറ്റൊരു സത്യം. പ്രിയപ്പെട്ടവരെ ഈ മിമിക്രി ജോലി എത്ര ശ്രമകരമാണെന്ന് നമ്മള്ക്ക് സങ്കല്പ്പിക്കാന് പോലും കഴിയില്ല. ഭയങ്കര കഠിനാധ്വാനം അതിന്റെ പുറകില് ഉണ്ട്. ഒരു അഭിനയം അവതരിപ്പിക്കാന് തലച്ചോറിനെ കഠിനാധ്വാനം ചെയ്യിപ്പിക്കണം. ശരീരത്തെ വഴക്കണം.
ഇപ്പോഴത്തെ ഏറ്റവും വലിയ പ്രശ്നം ഒരു പുതിയ മിമിക്രി മണിക്കൂറുകള്ക്കുള്ളില് അത് ഇന്റര്നെറ്റില് അപ്ലോഡ് ചെയ്യപ്പെടുന്നു. അതിനാല് അതേ ഇനം മറ്റൊരു വേദിയില് അവതരിപ്പിക്കുമ്പോള്, അത് ഒരു പകര്പ്പാണെന്ന് കാഴ്ചക്കാര് തറപ്പിച്ചു പറയുന്നു. എപ്പോഴും പുതിയ ഐറ്റം ഉണ്ടാക്കേണ്ടിയ അവസ്ഥ. വാസ്തവത്തില്, ഒരു കോമഡിയുടെ ശരാശരി ആയുസ്സ് ഒരു മണിക്കൂര് മാത്രമാണ്. പ്രേക്ഷകര് എപ്പോഴും വൈവിധ്യം ആഗ്രഹിക്കുന്നു.
മലയാളി പ്രേക്ഷകരെ ഒരിക്കലും എളുപ്പത്തില് തൃപ്തിപ്പെടുത്താന് കഴിയില്ല. ഭക്ഷണം, വസ്ത്രം, സിനിമ, നര്മ്മം എന്നിങ്ങനെ എല്ലാം വിധിക്കുന്ന ശീലം നമുക്കുണ്ട്... നര്മ്മം ഉയര്ന്ന നിലവാരമുള്ളതാണെങ്കില് പോലും, ചിരിക്കുന്നതിന് മുമ്പ് മലയാളികള് രണ്ടുതവണ ചിന്തിക്കുന്നു, നര്മ്മത്തോടുള്ള നമ്മുടെ പ്രതിരോധശേഷി പലപ്പോഴും നാം പരീക്ഷിക്കുന്നവരാണ്. ഇഷ്ടപ്പെട്ടില്ലെങ്കില് നമ്മള് അത് മുഖത്ത് കാണിക്കുകയും ചെയ്യും. കോമഡി ആര്ട്ടിസ്റ്റുകള് വളരെയധികം സമ്മര്ദ്ദത്തിലാണ്, ചിലപ്പോള് ഈ പ്രസ്ഥാനം മുഴുവന് ഒരു ദിവസം അവസാനിച്ചേക്കാമെന്ന് എന്ന തോന്നലിലാണ് പിഷാടിയെ ഞാന് നേരില് കാണുന്നത് എന്റെ ഓഫീസില് വന്നപ്പോഴാണ്.
ഞങ്ങളുടെ സ്ഥാപനത്തിന്റെ പുറകില് സോണി എന്നൊരു മിമിക്രി ആര്ട്ടിസ്റ്റ് മരണപ്പെട്ടതിന് ശേഷം അദ്ദേഹത്തിന് എല്ലാവരും കൂടി ഒരു ഭവനം നിര്മ്മിച്ചിരുന്നു. അതിന്റെ താക്കോല് ദാനം നടത്തിയത് എന്റെ സ്ഥാപനത്തില് ആയിരുന്നു. അന്നാണ് ഞാന് മനസ്സിലാക്കിയത് മിമിക്രി എന്ന് പറഞ്ഞാല് എളുപ്പ പണിയല്ല. ശരീരത്തിനും തലച്ചോറിനും ഏറെ പരിശീലനം കൊടുക്കേണ്ടിയ ഒന്നാണ് മിമിക്രി എന്ന്.
മിമിക്രി കലാകാരന്മാര് അവരുടെ ജീവിതം സമൂഹത്തിന്റെ സന്തോഷത്തിനായി സമര്പ്പിച്ചവരാണ്. അവര്ക്കുപോലും ജീവിതത്തില് വേദനകളും വിഷമങ്ങളും ഉണ്ടാകാം, എന്നാല് അവര് അവയെ മറന്ന് മറ്റുള്ളവരെ സന്തോഷിപ്പിക്കാനുള്ള പോരാട്ടത്തില് ഒരിക്കലും പിന്നോട്ടില്ല. സഹോദരങ്ങളെ ചിരിക്കാന് കഴിയുന്നത് ഒരു വലിയ അനുഗ്രഹമാണ്. മോണ വേദനിക്കാതെ ഹൃദയത്തില് നിന്ന് ചിരിക്കാന് നിങ്ങള്ക്ക് ഇടവരട്ടെ... എന്നും പറഞ്ഞാണ് ഇദ്ദേഹം എഴുത്ത് അവസാനിപ്പിക്കുന്നത്.
സ്റ്റാന്ഡപ്പ് കോമഡികൡലൂടെ ശ്രദ്ധേയനായ മെലിഞ്ഞൊരു ചെറുപ്പക്കാരന് മാത്രമായിരുന്നു രമേഷ് പിഷാരടി. ഇന്ന് സൂപ്പര്താര പദവിയിലെത്തി നില്ക്കുന്ന അദ്ദേഹത്തിന്റെ ജീവിതം എളുപ്പത്തില് കടന്ന് വന്നതല്ല. പല വിശേഷണങ്ങള് പേരിനൊപ്പം ഉണ്ടെങ്കിലും കൗണ്ടര് കോമഡിയുടെ രാജാവ് എന്നതാണ് പിഷാരടിയെ വ്യത്യസ്തനാക്കുന്നത്. സോഷ്യല് മീഡിയയില് നിരന്തരം ആരാധകരെ ത്രില്ലടിപ്പിക്കാന് പിഷാരടിയ്ക്ക് സാധിക്കാറുണ്ട്.
പോസിറ്റീവ് എന്ന സിനിമയിലൂടെ വെള്ളിത്തിരയിലെത്തി, കപ്പല് മുതലാളി എന്ന സിനിമയിലാണ് പിഷാരടി ആദ്യമായി നായകനായി അഭിനയിക്കുന്നത്. അവിടുന്നിങ്ങോട്ട് ചെറുതും വലുതുമായ നിരവധി കഥാപാത്രങ്ങളെ ലഭിച്ചു. ഇതിനിടയില് രണ്ട് തവണ സിനിമയുടെ സംവിധായകനായി, ചില സിനിമകള് നിര്മ്മിക്കുകയും ചെയ്തു. ഇന്നും പ്രേക്ഷക മനസില് അതേ ഇഷ്ടത്തോടെ നിറഞ്ഞ് നില്ക്കുകയാണ് താരം.
കരിയറിനൊപ്പം കുടുംബത്തെ ചേർത്ത് പിടിച്ചാണ് പിഷാരടി മുന്നോട്ട് പോകുന്നത്. ഭാര്യയും മൂന്ന് മക്കളുമടങ്ങുന്ന സന്തുഷ്ട കുടുംബമാണ് പിഷാരടിയുടേത്.
Continue with Google