മമ്മൂട്ടിയോടുള്ള ആ കാഴ്ചപ്പാട് തെറ്റാണ്! അത്തരത്തിലുള്ള ആളല്ല അദ്ദേഹം, വെളിപ്പെടുത്തി പിഷാരടി

ഭയം ഒരു തരം ബഹുമാനമാണ്. ഉദാഹരണമായി ദൈവ ഭയം എന്നു പറയുന്നു. ശരിയ്ക്കും അത് ഒരു ഭയമല്ലല്ലേ. ആരാധന കൊണ്ടോ ബഹുമാനം കൊണ്ടോ ഒരാൾക്ക് മറ്റൊരാളോടത് തോന്നുന്നതാണ്. അത്തരത്തിലുള്ളവരോട് നമ്മൾ ഓടി കേറി ചെന്ന് മിണ്ടാറില്ല. , കൂട്ടുകാരോട് പെരുമാറുന്നതു പോലെ സംസാരിക്കാറില്ല. അത്തരത്തിലുള്ള ഒരാളാണ് മമ്മൂക്കയും. അതിനെ ഭയമാക്കി കണ്ട് ചിത്രീകരിക്കുകയാണ് ആളുകൾ- പിഷാരടി പറഞ്ഞു.

ഇവിടെ തിരിച്ചറിവാണ് ആവശ്യം. ഒരാൾ എവിടെ എന്ത് സംസാരിക്കണം, എപ്പോൾ സംസാരിക്കണം, എങ്ങനെ സംസാരിക്കണം എന്നത് തിരിച്ചറിവാണ്. ആ അവസ്ഥയെ ഒറ്റയടിയ്ക്ക് പൊതു സമൂഹം ഭയമായി ചിത്രീകരിക്കുകയാണ്- പിഷാരടി അഭിമുഖത്തിൽ പറഞ്ഞു.

നവാഗതർക്കും പഴയ സംവിധായകർക്കും മമ്മൂട്ടി ഒരുപോലെ അവസരം നൽകുന്നുണ്ട്. ഗാനഗന്ധർവ്വന് പിന്നാലെ മാമാങ്കം, ഷൈലോക്ക് പോലുള്ള ചിത്രങ്ങളും പ്രദർശനത്തിനെത്തുന്നു. മുൻനിര സംവിധായകർക്കൊപ്പം പുതുമുഖങ്ങൾക്കും അദ്ദേഹം കഥ പറയാൻ അവസരം നൽകുന്നുണ്ട്.

പഞ്ചവർണ്ണ തത്തയ്ക്ക് ശേഷം പിഷാരടി സംവിധാനം ചെയ്യുന്ന ചിത്രമാണ് ഗാനഗന്ധർവൻ. ചിത്രത്തിൽ ഗാനമേള സ്റ്റേജുകളിലെ ഗായകനായിട്ടാണ് മമ്മൂക്ക എത്തുന്നത്. കലാസദനം ഉല്ലാസ് എന്ന കഥപാത്രത്തെയാണ് താരം അവതരിപ്പിക്കുന്നത്. ചിത്രത്തിന്റെ ടീസറും ഗാനവുമെല്ലാ പുറത്തു വന്നിരുന്നു. മികച്ച പ്രേക്ഷക സ്വീകാര്യതയായിരുന്നു ഇവയ്ക്ക് ലഭിച്ചത്.

ചിത്രത്തിൽ മമ്മൂക്കയ്ക്കൊപ്പം വൻ താരനിരയാണ് അണിനിരക്കുന്നത്. പുതുമുഖം വന്ദനയാണ് ചിത്രത്തിൽ മമ്മൂട്ടിയുടെ നായികയായി എത്തുന്നത്.മുകേഷ്, ഇന്നസെന്റ്, സിദ്ദീഖ്, സലിം കുമാര്‍, ധര്‍മജന്‍ ബോള്‍ഗാട്ടി,ഹരീഷ് കണാരന്‍, മനോജ് .കെ .ജയന്‍, സുരേഷ് കൃഷ്ണ, മണിയന്‍ പിള്ള രാജു, കുഞ്ചന്‍, അശോകന്‍, സുനില്‍ സുഖദ, അതുല്യ, ശാന്തി പ്രിയ എന്നിവരും ചിത്രത്തിൽ പ്രധാന കഥാപാത്രങ്ങളെ അവതരിപ്പിക്കുന്നുണ്ട്.

Recommended Video

മമ്മൂക്കയുടെ ഗാനഗന്ധര്‍വ്വന്‍ 27 മുതല്‍

സെപ്റ്റംബർ 27 നാണ് ചിത്രം തിയേറ്ററുകളിൽ എത്തുന്നത്. പഞ്ചവർണ്ണ തത്തയ്ക്ക് ശേഷം രമേഷ് പിഷാരടിയും ഹരി പി നായരും ഒന്നിക്കുന്ന ചിത്രമാണ്. ഇരവരും ചേർന്നാണ് ചിത്രത്തിന്റെ കഥയും തിരക്കഥയും സംഭാഷണവും തയ്യാറാക്കിയിരിക്കുന്നത്. ഛായാഗ്രാഹകന്‍ അഴകപ്പനാണ്. ഇച്ചായീസ് പ്രൊഡക്ഷന്‍സും രമേഷ് പിഷാരടി എന്റര്‍ടൈന്‍മെന്റ്സും ചേര്‍ന്നൊരുക്കുന്ന ഗാനഗന്ധര്‍വ്വന്റെ നിര്‍മ്മാണം ശ്രീലക്ഷ്മി, ശങ്കര്‍ രാജ്, സൗമ്യ രമേഷ് എന്നിവര്‍ ചേര്‍ന്നാണ്. ആന്റോ ജോസഫ് ഫിലിം കമ്പനിയാണ് ചിത്രത്തിന്റെ വിതരണം.