വിജയ് യേശുദാസുമായി ബന്ധമുണ്ടെന്ന് വാര്‍ത്ത വന്നു; ഇനിയൊരു വിവാഹം ഉണ്ടാവില്ലെന്ന് രഞ്ജിനിമാര്‍

ഒരു ഷൂട്ടിനിടയിലാണ് ഞാനും വിജയ് യേശുദാസും ബന്ധമാണെന്ന വാര്‍ത്ത ഓണ്‍ലൈനില്‍ കാണുന്നത്. വിജയിയും ഞാനും നല്ല സുഹൃത്തുക്കളാണ്. വാര്‍ത്ത കണ്ട ഉടനെ ഞാന്‍ വിജയിയ്ക്ക് മെസേജ് അയച്ചു. ഞാനും നീയും എപ്പോള്‍ പ്രേമത്തിലായി എന്നായിരുന്നു അവന്റെ മറുചോദ്യം. ഒരാഴ്ചയ്ക്കുള്ളില്‍ എല്ലാ ഓണ്‍ലൈന്‍ പോര്‍ട്ടലിലും ഈ വാര്‍ത്ത വന്നു. ചിലരൊക്കെ കേസ് കൊടുക്കാന്‍ ഉപദേശിച്ചിരുന്നതായി രഞ്ജിനി ജോസ് പറയുമ്പോള്‍ അത് വെറുതേ സമയം കളയാനാണെന്ന് രഞ്ജിനി ഹരിദാസ് പറയുന്നു.

വിവാഹത്തെ കുറിച്ച് രഞ്ജിനിമാരുടെ അഭിപ്രായമിങ്ങനെയാണ്..

നല്ല രീതിയില്‍ ബന്ധം വര്‍ക്കൗട്ട് ചെയ്യുന്നവര്‍ക്ക് വിവാഹത്തിലൂടെ മുന്നോട്ട് പോവാം. എന്റേത് വര്‍ക്കൗട്ടായിട്ടില്ല. ഇനി വിവാഹമാന്നും ഉണ്ടാവില്ല. ചിലപ്പോള്‍ ലിവിങ് ടുഗെതര്‍ ആവും. പിന്നെ ജീവിതമല്ലേ, മുന്നോട്ട് എന്താണ് സംഭവിക്കാന്ഡ പോകുന്നതെന്ന് അറിയില്ലല്ലോ.. രഞ്ജിനി ചോദിക്കുന്നു.

വിവാഹം ഒരു സോഷ്യല്‍ കോണ്‍ട്രാക്ടാണെന്ന് രഞ്ജിനി ഹരിദാസും പറയുന്നു. എനിക്കൊരിക്കലും മറ്റൊരാള്‍ പറയുന്നത് പോലെ ജീവിക്കാനാവില്ല. മറ്റുള്ളവരെ ബോധ്യപ്പെടുത്താനായിട്ട് ഒരു പേപ്പറില്‍ ഒപ്പിട്ട് ചെയ്യേണ്ടതല്ല. എനിക്ക് സ്വയം ബോധ്യപ്പെടണം. അതിനെനിക്ക് ഇതുവരെ കഴിഞ്ഞിട്ടില്ല. ഒരൊറ്റ പ്രാവിശ്യം ഞാനതിന് അടുത്ത് എത്തിയിരുന്നു. ഒരു ബന്ധത്തില്‍ അത്രയും അടുപ്പമുണ്ടായിരുന്നപ്പോള്‍. പിന്നീടത് വേണ്ടെന്ന് വച്ചു.

Recommended Video

ഇതാ റോബിന്‍ രാധാകൃഷ്ണന്റെ രണ്ടാമത്തെ സിനിമ

ഇപ്പോള്‍ ശരത്തുമായിട്ടുള്ള ബന്ധത്തില്‍ ഞാന്‍ ഹാപ്പിയാണ്. പ്രശ്‌നങ്ങള്‍ വരുമ്പോള്‍ ഞങ്ങളത് സംസാരിച്ച് തീര്‍ക്കും. പക്ഷേ കല്യാണം കഴിച്ചാല്‍ അവരുടെ പ്രതീക്ഷകള്‍ കൂടും. അത് കൊടുക്കാന്‍ എനിക്കാവില്ല. എന്നെ ആ സ്ഥാനത്തേക്ക് പ്രതിഷ്ഠിക്കാന്‍ താല്‍പര്യമില്ലാത്തത് കൊണ്ട് ഞാനത് ചെയ്യുന്നില്ലെന്ന് മാത്രം' രഞ്ജിനി പറയുന്നു.

സ്ത്രീകള്‍ക്ക് കരുത്ത് നില്‍ക്കുന്നത് പണമാണെന്നാണ് രഞ്ജിനിയുടെ അഭിപ്രായം. പണമാണ് സ്വതന്ത്ര്യം നല്‍കുന്നത്. ഇഷ്ടമുള്ള രീതിയില്‍ ഉണ്ടാക്കാന്‍ പഠിക്കണം. അത് ഞാന്‍ പഠിച്ചുവെന്നും താരം പറയുന്നു.