പിഷാരടിക്ക് തന്നോട് ഇത്രയും വിദ്വേഷം തോന്നാൻ കാരണം, ചാൻസ് നൽകിയില്ല, റിമിയ്ക്ക് മറുപടിയുമായി താരം

രമേഷ് പിഷാരടി ആദ്യമായി സംവിധാനം ചെയ്ത ചിത്രമാണ് പഞ്ചവർണ്ണ തത്ത. ജയറാം, അനുശ്രീ, കുഞ്ചാക്കോ ബോബൻ എന്നിവരായിരുന്നു ചിത്രത്തിൽ പ്രധാന കഥാപാത്രങ്ങളെ അവതരിപ്പിച്ചത്. 2018 പുറത്തിറങ്ങിയ ചിത്രം ശ്രദ്ധിക്കപ്പെടുകയും ചെയ്തിരുന്നു. പിഷാരടിയുടെ അടുത്ത സുഹത്തുക്കളായിരുന്നു പഞ്ചവർണ്ണതത്തിയിൽ അഭിനയിച്ചത്. ചിത്രത്തിൽ നിന്ന് പിഷാരടി എന്തുകൊണ്ടാണ് തന്നെ ഒഴിവാക്കിയതെന്നായിരുന്നു റിമിയുടെ ചോദ്യം. അടുത്ത സുഹൃത്തുക്കളായത് കൊണ്ട് തന്നെ വളരെ രസകരമായിട്ടാണ് റിമി പിഷാരടിയോട് ഈ ചോദ്യം ചോദിച്ചത്.

പിഷാരടി ആദ്യമായി ഒരു സിനിമ ചെയ്തപ്പോൾ വേണ്ടപ്പെട്ടവരെയെല്ലാവരേയും ഉൾപ്പെടുത്തി. എന്തുകൊണ്ട് എന്നെ ഒഴിവാക്കി. ഞാൻ വേണ്ടപ്പെട്ടവൾ അല്ലായിരുന്നോ. ഇത്രമാത്രം വിദ്വേഷം തോന്നാൻ കാരണമെന്താണെന്നായിരുന്നു റിമിയുടെ ചോദ്യം. രസകരമാ റിമിയുടെ ചോദ്യത്തിന് ഏറെ രസകരമായിട്ടായിരുന്നു പിഷാരടി മറുപടി നൽകിയത്

പിഷാരടിയുടെ വാക്കുകൾ ഇങ്ങനെ...നമ്മുടെ ചിത്രത്തിൽ ആകെ നാല് വരി മാത്രമാണ് പെൺപാട്ട് ഉള്ളത്. ബാക്കിയെല്ലാം മെയിൽ ഗാനങ്ങളാണ്. ആ നാല് വരി പാടിയിരിക്കുന്നത് ജ്യോത്സ്നയാണ്. അനുശ്രീ ചെയ്യുന്ന ക്യാരക്ടറിന് വേണ്ടിയാണ് ജ്യോത്സ്ന ഗാനം ആലപിച്ചിരിക്കുന്നത്. അനുശ്രിയുടെ ടോണിനോട് സാമ്യം തോന്നിയത് ജ്യോത്സ്നയെ ആണ്. അതുകെണ്ടാണ് ജ്യോത്സ്നയെ കൊണ്ട് പാടിച്ചത്; പിഷാരടി പറഞ്ഞു.

കൂടാതെ റിമിയെ തുമ്പി എന്ന് വിളിക്കുന്നതിന് പിന്നിലെ കഥയും താരം വെളിപ്പെടുത്തി. റിമി തന്നെയാണ് അഭിമുഖത്തിൽ തുമ്പി എന്ന പേരിനെ കുറിച്ച് വെളിപ്പെടുത്തിയത്. തുമ്പിയ്ക്ക് വെറുതെ ഇരിക്കുന്ന പരിപാടിയില്ല. തുമ്പിയ്ക്ക് പറന്ന് നടക്കുന്ന പരിപാടിയാണ്. അതുകൊണ്ടാണ് അങ്ങനെ വിളിക്കുന്നത് കൂടാതെ തനിക്ക് റിമി ടോമിയെ അനുകരിക്കാൻ തോന്നാറുണ്ടെന്നും അദ്ദേഹം ബ്രിട്ടസിന് നൽകിയ അഭിമുഖത്തിൽ പറഞ്ഞിരുന്നു.