ഷൈൻ ടോം ചാക്കോയുടെ കവിളിൽ ചുംബിച്ച് ആരാധികയായ റഷ്യൻ സുന്ദരി, ആരാധികയ്ക്കൊപ്പം സെൽഫിയെടുത്ത് താരം!

ലുക്ക്മാന്‍, ചെമ്പന്‍ വിനോദ് ജോസ്, ജോണി ആന്‍റണി, ഓസ്റ്റിന്‍, അസിം ജമാല്‍ എന്നിവരാണ് മറ്റ് വേഷങ്ങൾ കൈകാര്യം ചെയ്യുന്നത്. ആഷിക് ഉസ്‍മാന്‍ പ്രൊഡക്ഷന്‍സിന്‍റെ ബാനറില്‍ ആഷിക് ഉസ്‍മാനാണ് സിനിമ നിർമിച്ചിരിക്കുന്നത്.

മുഹ്‍സിന്‍ പരാരിയും അഷ്‍റഫ് ഹംസയും ചേര്‍ന്നാണ് രചന നിർവഹിച്ചിരിക്കുന്നത്. ഛായാഗ്രഹണം ജിംഷി ഖാലിദ്. മാസും കോമഡിയും ആക്ഷനും പ്രണയവുമെല്ലാം നിറഞ്ഞതാണ് തല്ലുമാല സിനിമ.

സിനിമയ്ക്ക് എല്ലായിടത്തുനിന്നും മികച്ച പ്രതികരണമാണ് ലഭിക്കുന്നത്. ഇപ്പോൾ‌ തല്ലുമാല കാണാൻ തിയേറ്ററിലെത്തിയ ഒരു റഷ്യൻ വംശജയായ സുന്ദരി ഷൈനിനെ ചുംബിക്കുന്ന വീഡിയോയാണ് വൈറലാകുന്നത്.

താരത്തിനൊപ്പം സെൽഫി എടുക്കുന്നതിനിടെയാണ് ഷൈനിനോട് ആരാധിക അനുവാദം ചോദിച്ചതും ശേഷം കവിളിൽ ചുംബിച്ചതും. താൻ ഷൈനിന്റെ വലിയ ആരാധികയാണെന്നും അഭിനയം നന്നായിരുന്നുവെന്നുമെല്ലാം ആരാധിക ഷൈനിനോട് പറയുന്നുണ്ട്.

ആദ്യമായാണ് ആരാധികയിൽ നിന്നും ഷൈനിന് ഇങ്ങനൊരു ചുംബനം കിട്ടുന്നത് അതുകൊണ്ട് തന്നെ വീഡിയോ അതിവേ​ഗം വൈറലായി.

ചെറുപ്പം മുതൽ സിനിമയോട് താൽപര്യവുമായി നടക്കുന്ന നടനാണ് ഷൈൻ. ഒമ്പത് വർഷത്തോളം സംവിധായകൻ കമലിന്റെ അസിസ്റ്റന്റായിരുന്നു. നമ്മൾ എന്ന കമൽ ചിത്രത്തിൽ വളരെ ചെറിയൊരു സീനിലും ഷൈനിനെ കാണാം.

കമലിന്റെ ​ഗദ്ദാമയിലൂടെ തന്നെയായിരുന്നു അഭിനയത്തിലേക്കുള്ള അരങ്ങേറ്റം. മരുഭൂമിയിൽ ഒറ്റപ്പെട്ട് കഴിയുന്ന പ്രവാസിയായ ബഷീർ എന്ന കഥാപാത്രത്തെയാണ് ഷൈൻ അവതരിപ്പിച്ചത്.

കാവ്യ മാധവനായിരുന്നു ചിത്രത്തിൽ നായിക. ഷൈൻ സ്വഭാവിക അഭിനയശൈലികൊണ്ട് പ്രേക്ഷക മനം കവർന്ന നടൻ കൂടിയാണ്. ഇതിഹാസ മുതലാണ് ഷൈനിന്റെ സിനിമാ ജീവിതത്തിൽ നല്ല അഭിനയ സാധ്യതയുള്ള കഥാപാത്രങ്ങൾ വന്ന് തുടങ്ങിയത്.

Recommended Video

ഞാൻ പേടിച്ചോടിയതൊന്നും അല്ല | Shine Tom Chacko Angry Reaction | *VOX

കമ്മട്ടിപ്പാടം, ആൻ മരിയ കലിപ്പിലാണ്, ​ഗോദ, ടിയാൻ, വർണ്യത്തിൽ ആശങ്ക, പറവ, മായാനദി, ഇഷ്ക്, ഉണ്ട, കുറുപ്പ്, ലവ് തുടങ്ങിയ സിനിമകൾ അവയിൽ ചിലത് മാത്രം. തമിഴ് ചിത്രം ബീസ്റ്റിലും ഷൈൻ ഒരു പ്രധാന വേഷത്തിൽ എത്തിയിരുന്നു.

വിജയ് നായകനായ സിനിമയായിരുന്നു ബീസ്റ്റ്. ഷൈനിന്റെ ആദ്യ തമിഴ് സിനിമ കൂടിയായിരുന്നു ബീസ്റ്റ്. സിദ്ധാർഥ് ഭരതൻ സംവിധാനം ചെയ്യുന്ന ജിന്ന്, വെള്ളേപ്പം എന്നിവയാണ് ഇനി റിലീസിനെത്താനുള്ള മറ്റ് ഷൈൻ ടോം ചാക്കോ സിനിമകൾ.