8600 സ്ക്വയർ ഫീറ്റിലെ വീട്, കല്യാണം കഴിഞ്ഞ് വിജയ്നെ താമസം മാറ്റി; ഏക മകനാണ്...: എസ്എ ചന്ദ്രശേഖർ

വിവാദങ്ങൾക്കിടെ വിജയ്ക്ക് പിന്തുണ അറിയിച്ച് പിതാവ് എസ്എ ചന്ദ്രശേഖർ. വിജയ്നെ എതിരാളികൾ വ്യക്തി ഹത്യ ചെയ്യുകയാണെന്ന് എസ്എ ചന്ദ്രശേഖർ പറയുന്നു. വിജയ്നെ സ്വന്തം നിലയിൽ വളർന്ന് വരാൻ താൻ പര്യാപ്തമാക്കിയെന്നും ഇദ്ദേഹം പറഞ്ഞു.
എന്തുകൊണ്ട് ഇതുവരെ വിജയ്ക്ക് പിന്തുണ നൽകാതെ പെട്ടെന്ന് അഭിമുഖം നൽകുന്നു എന്ന ചോദ്യത്തിന് മറുപ‌ടി നൽകുകയായിരുന്നു എസ്എ ചന്ദ്രശേഖർ. വിജയുടെ കല്യാണം കഴിഞ്ഞയുടനെ അവനെ വീട്ടിൽ നിന്ന് താമസം മാറ്റിച്ചു. എനിക്കൊരു മകളും മകനുമായിരുന്നു. മകളെ ദെെവം ആവശ്യപ്പെ‌ട്ട‌പ്പോൾ ഞാൻ കൊടുത്തു.

എന്നോ നടന്ന സംഭവം, അന്ന് തീർത്തതാണ്, വിജയ് കുടുംബം നോക്കാത്തവനോ; പ്രതികരിച്ച് പിതാവ്

പിന്നെ ഈ മകൻ മാത്രമാണെനിക്ക്. 8600 സ്ക്വയർ ഫീറ്റിലുള്ള വീടാണ് എന്റേത്. അത്രയും വലിയ വീട്ടിൽ ഞാനും എന്റെ ഭാര്യയും അച്ഛനും. വിജയുടെ കല്യാണം കഴിഞ്ഞ സമയത്ത് എനിക്കൊപ്പം നിർത്താമായിരുന്നു. എന്നാൽ‌ നിർബന്ധിച്ച് ഞാൻ താമസം മാറ്റിപ്പിച്ചു. കാരണം ഒരു വ്യക്തിയെന്ന നിലയിൽ സ്വതന്ത്രനായി വളരണം. ഒരു വലിയ ആൽമരത്തിന് അടുത്ത് മറ്റാെരു മരമുണ്ടെങ്കിൽ ആരും ശ്രദ്ധിക്കില്ല. മാറ്റി താമസിപ്പിച്ചതിനാൽ വിജയ് നന്നായി വന്നെന്നും എസ്എ ചന്ദ്രശേഖർ പറയുന്നു. ബിഹെെന്റ്വുഡ്,സ് ടിവിക്ക് നൽകിയ അഭിമുഖത്തിലാണ് പരാമർശം.